朋友仔,係咪發現小嘉呢兩三日無論FB定係Blog都回覆慢左呢!!!
因為…小嘉又要發揮小宇宙,開始著手籌備十月中既中西歐之旅喇!!!所以有時間就不停上網搵資料…呢家只係好初步,搵緊D airlines~
噚日買左本西歐遊既書,小嘉好耐之前話點都要去一轉Greece,所以今次行程必到,然後跟個地圖探索,會去埋意大利…
而最爭持不下既國家有法國,奧地利同捷克,因為小嘉前後最多得十八日假,要留返一日係香港回氣,所以留係歐洲時間唔多,所以真係要計吓數.
本來諗住會先去法國,再去意大利然後再落希臘,但係再同上進傾,原來法國意大利佢都去過,咁有差不多一半行程佢都去過.
跟住見奧大利都近,就不如去維也納啦!佢都好OK,因為未去過…再望望地圖,德國都近喎!
而上進都幾有興趣上去,點知打開本旅遊雞精書,佢最想去睇既童話之路,原來有成唔知幾多百km長,係有一長串城鎮組成,有D仲交通唔太方便…德國其他地方又未覺有咩好吸引…放棄.
再諗諗吓…呢家個行程應該會係咁
香港去雅典,然後北上意大利,再北D去奧地利,取後去捷克既布拉格喇!
繼續努力搵資料先!!!
你去 四國喎.....唔係日本果個四國喎....時間比較緊迫 !!!!!!
回覆刪除[版主回覆04/28/2011 23:30:00]係幾趕呀!!! 不過預計到今次旅行後,可能幾年內都無得再去旅行(plan 生BB),所以去盡D...其實暫時定都主力係去Greece,其次係意大利,奧地利同捷克就係咁易到過就算.
嘩....你就好啦....18日假呀...我都好想呀..可惜...我老公次次都放唔到咁多..上次都算係咁, 可以去10日沖繩, 我都好想好想去耐啲..呀...><.
回覆刪除嘩...勁呀...plan去歐洲, 我諗我唔識plan. 因為好似好難咁的...
原來諗住生baby, 都係的, 一有咗, 真係有排都唔駛至意有得去, 就算係..都唔可以去咁遠的地方呀...所以去盡佢都係啱的..
[版主回覆04/30/2011 00:45:00]但去歐洲....18日其實唔多>~< 我係新制,所以一年得14日假...之前結婚用晒咁濟...所以儲到旅行前都係得13VL咋!! 我老公反而大把假..... 呢家都煩緊D行程....你見我咁夜覆就知啦!!我諗住早D知個行程,快D買機票....平好多架!!!! 其實我初初都驚驚地plan個行程,但睇左本旅遊書..暫時有大半以上地方都叫明白點行點走...不個都仲有一D城市未摸掂...你第日都可以plan,其實我諗唔係真係太難既.
OH, 你去歐洲呀!!!
回覆刪除最衰我個遊記未嘔過出黎啦,唔係法國個part 應該可以幫到你呢!
不過比個最易0既tips 你,搵酒店map 記得去睇google map 超準!!
[版主回覆05/01/2011 00:40:00]我前日係公司用google map search D地方...點知佢出左D真實既街道圖...好難睇清楚呀,但係整極都整唔到圖畫版...不過遲D真係會再嘗試搵^^ 我唔去法國喇~因為飛機D時間無咁好,噚晚同上進開夜車暫定行程會係....希臘-意大利-瑞士-米蘭(for 轉內陸機)-布拉格.
希臘我都好想去呀,不過budget有限...
回覆刪除[版主回覆05/01/2011 23:38:00]揀淡季去,會平D....我十月去,算係開始淡季,不過怕會大風.
你好呀~我咁啱上網SEARCH資料遇到你個卜,我都係諗住十月中度去希臘加意大利 ^^ 你唔介意GE話得閒交流下~
回覆刪除[版主回覆05/20/2011 13:58:00]咁橋!!?
好呀!!大家交流吓哎!!!多個人傾可以多個意見