又嚟整浸泡油…
原來…真係會上癮架!!!!
首先…已經浸緊既油報告一下進展…
1. 金盞花浸泡油,因為之前宇媽俾既玻璃樽擰唔實,搞到搖既時候會漏油…所以要換樽,開始浸既日期係…二月三日大年初一!!!!
2. 紫草浸泡油,都一樣係年初一浸,有深深既紫色喇!!!不過因為個時係試吓浸,份量唔多,D再買個大樽,再浸大樽D先~
3. 洋甘菊浸泡油….唔記得幾時浸…不過都差不多一個月…等多一排就可以用喇!!!
4. 胡蘿蔔浸泡油, 4月9日浸,佢仲係不停有好多氣泡冒出嚟...同埋見到有D軟淋淋既橙色物質係D甘筍到滲出嚟…唔知呢D係正常定唔正常…而家小嘉當住係OK啦!當個D橙橙地既東東係好野嚟!
5. 老薑浸泡油… 4月14日浸…呢個有D驚呀!!因為我削完皮用水沖過就浸…雖然有抺乾D水,但係…原來好有可能會發霉架!!C火…噚晚去探佢地時,佢地有D泡泡冒起,不過成樽油變得糢左…唔知係佢D養份出左嚟,定係發霉變糢…今晚返去打開嚟聞聞,睇吓有無臭味先!
6. 玫瑰浸泡油, 4月17日浸,諗住去普通藥材舖買,二十零蚊一大包,點知…無貨…於是去左同仁堂買…買左 二兩 要成$50大元呀!!!返屋企磅吓有84g,本來諗住用300g橄欖油浸,但浸落發現好似花多過油…於是係咁倒係咁倒…最後用左差不多900g既油先覺得自我感覺良好.
浸左成兩個幾月...終於的起心肝去換返個靚靚樽...
唉...買呢D玻璃樽都買到我破產喇!!!
好辛苦...原來金盞花D花瓣吸晒油...要係咁用力壓先壓返d出嚟...
但係最恐怖係...原來第一位超鍾意我D金盞花油既客人係....bili...佢係;"lam"個舊蓋上面既油,嚇C我,即刻抱走佢...
成功換樽,再重新放一D新花瓣入去先!!!不過呢個機都用左我三十幾蚊....我就嚟破產喇!!!
係同仁堂買既玫瑰...心裡唯有諗...起貴少少,不過靚D嘛=.="
yeah!!浸好喇....bala係後面做咩....
bili又走嚟左索右索...大帝,我保你大,你唔好再lam油,我真係驚你中毒呀!!!
浸泡油家庭大集合....不過右手邊兩樽油好"un"眼....睇嚟,遲早俾我換埋個樽>~<
嚟緊,最去發掘吓有咩可以浸先…不過….我好窮喇!!要儲多D錢先可以繼續入貨~
你浸好多油，好勁呀 !
回覆刪除[版主回覆04/19/2011 23:18:00]我都係初初試整咋...但係我估樽老薑油衰大...佢好濁呀!我諗佢就嚟發霉
你可以留番嘀油樽, 當用淨幾百 g 油我就加入材料去浸.
回覆刪除仲唔洗消毒個油樽添呀
[版主回覆04/19/2011 23:17:00]嘩!!你好醒呀!!!我成日都就咁掉左...好,等我呢家用淨既橄欖油玻璃樽就留返咁用先^^
有咩用ＧＡ？？
回覆刪除[版主回覆04/26/2011 09:36:00]我都只係書同網上睇資料講,用D花草等等嚟浸油,咁佢當中有D養份可以釋放到出嚟.
好似胡蘿蔔咁,有D營養用水係煲唔到出嚟,但係用油浸的話,佢就可以慢慢咁釋放出嚟喇!咁之後用呢D油嚟做手工皂,自己塊皂既營養又再高D啦
請問胡蘿蔔素係可以去邊到買嫁?
回覆刪除[版主回覆10/10/2011 09:41:33]我唔知胡蘿蔔素有無得賣呀?
我只係用D甘笱浸油...唔知你係咪指呢D呢??
咁都得嫁? 咁我試下先, 因我見我整的皂係要加胡蘿蔔素, 但我出面又買唔到。謝謝你呀
回覆刪除[版主回覆10/10/2011 14:56:14]唔使客氣...不過浸D甘筍好得意架!!
你會見到成條甘筍溶晒係D油裡面....不過我個樽到呢家都無時間用XD
你好啊!!
回覆刪除想請問你果個胡蘿蔔浸泡油有無氣泡呀!?
我果樽不斷有氣泡冒出黎呀...
[版主回覆10/11/2011 10:46:23]有呀!!不停咁冒...我初初都驚,不過上網見好多人都咁樣,所以應該係正常!!
遲D你會見到D胡蘿蔔溶晒咁添~
咁恐怖架咩!?
回覆刪除嚇死我呀...仲以為浸左2個星期佢變左呀!!
THX U YA!!
[版主回覆10/11/2011 12:01:58]唔使客氣^^