My Lovely Handmade Soap ... 浸泡油@09.04.2011

期六朝早學完琴,就行左半個元朗買做浸泡油的材料…

首先買左兩個玻璃瓶,的住兩個瓶就去左街市,買左兩條甘荀同一大舊老薑.

 

首先整既係甘筍浸泡油...因為實在唔知點整,究竟要唔要削皮呢???

最後,覺得皮都有佢既營養價值(其實係懶得削皮),所以只係切條咁浸油喇!!!!

 

係香草工房送既手工皂書度,見到浸胡蘿蔔既油都建議用葵花籽油...所以就用左喇!!!

 

老薑一大舊....小嘉腦袋中既老薑,諗住係放得好耐,皺晒皮無晒汁既薑(所以曾經諗過第日做薑皂...點樣榨汁架!!!),但係...買既時候老闆娘話呢舊係老薑...半信半疑...

後尾,返到屋企再問宇媽,佢話呢舊真係老薑...因為D皮係深色D...

所以...經過小嘉天才少女既腦袋再思考....老薑應該係指塊地入面種到老晒先拔出嚟薑先叫老薑....(哇哈哈!!可能...其實...人人都知係我唔知啦!!!)

 

遲D六月左右,打算做幾款薑皂...而其中一款想用老薑浸泡油,而家浸定...都有成個幾兩個月時間,應該OK掛...不過,仲未有橄欖油,仲訂緊....不過今次係網上面見過人地整,係有削皮,所以今次唔會偷懶,會削返喇!!!!!!

 

同場加映,噚日同子子一齊整既香草魔法膏....話刀傷割傷蚊叮蟲咬都用得...係咪真係咁勁呢???用左超多款精油,又用左由年初一浸到呢家既紫草浸泡油...希望OK啦!!

P.S.打開紫草浸泡油,有陣酸味....以為壞左,直情諗住掉左佢....但係衝動掉天佢之前,上網check吓,D人話係會有D酸味喎!咁so far做完出嚟陣味又無左...應該無問題掛???