其實這個是令人不開心的情況.
在網認識了一個朋友你,她也正在裝修,煩惱找那間廚櫃公司好,看到美廚之前的評價也不錯,到門市傾也OK,雖然價錢較貴,但希望給多一點,可以有保證些,所以就揀了美廚.
但沒想到,出來的結果大出朋友仔和小嘉所望!!!
首先,廚櫃做出來的高度出問題,他們原先想要的高度,未做枱面石已經差不多到了,於是問設計師,竟然將責任完全推走,說什麼是他們要求的!!
無錯,他們要求了某一個高度,但問題是完成後,不是枱面石都未鋪就差不多到了.設計師又賴因為地面不平,所以會做高了!!!
什麼!!!?那麼度尺師傅現場度尺是做什麼的???見到有這個問題,不是應該跟顧客商量會否改變高度嗎?最後,朋友仔要補錢改低高度,很過份.雖然那位設計師表示他也付一點錢,但他只是怕事件傳到公司高層吧,一點道歉的意思也沒有.
好了,廚櫃高度改了,就到廁所櫃出問題,朋友仔明明說了牆上要做一個吊櫃用來遮住gas爐的,而吊櫃與地櫃中間的牆,可以露出來,他們會做一塊枱面石.
怎料,無啦啦吊櫃跟地櫃是相連的,還留了一條超醜的木隙…現在唯有希望枱面石師傅可以補救到啦!!!
好了,又回到廚櫃,當朋友仔一打開廚櫃門,嘩!!我看到幅相都覺得很過份,廚櫃門裡面的防火板竟然有一個角是爛了,看到應該是消防板爛了一角,但師傅沒有換掉,竟然搵一些類似白灰填平就算了!!!真的很過份,這麼大一間公司,收的價錢那麼貴,竟然做出來的連普通小公司也不如.
這還未完哦!!!之後要開抽氣師的空,朋友仔一早給了圖,現場穩陣起見再放一張…但…竟然開了個大大個的方形窿出來!!!可能小嘉見識少,我看過別人的廚櫃開窿都是根據抽氣喉的濶度,開一個圓圓整齊的,但…那個四方形窿,基本上都不是四方形,可以看到只是求奇用鋸介幾條邊就算了,將來要在這個櫃放東西和拿東西都要小心…窿開那麼大,東西可能會掉下,邊那麼求奇開,如果不小心會插到木刺.
小嘉感恩自己最後沒有找美廚做櫃,但又為朋友仔遇到的不幸而氣憤.不過,始終不是小嘉親身遇到這件事件,我不會說他們是黑店或是什麼的,說真的,或許美廚還是一間不錯的公司,但就是有那麼一位不好的設計師和師傅,而不幸地又讓朋友你遇到.但…小嘉將來裝修,曾經有想過要再造廚櫃,會找美廚的,現在….我知道...我不會冒這個險囉!
你話你有個都係美廚做廚柜.. 冇問題喎! 好好用喎! 冇你所講啲問題囉!
回覆刪除我個fd之前都係美廚做廚柜.. 冇問題喎! 好好用喎! 冇你所講啲問題囉!
回覆刪除[版主回覆04/08/2011 16:20:00]其實就係之前上網睇過D comments都好正面,唔見有咩大問題,有都係好minor,但係今次唔知係因為佢地生意好左,定係我個朋友仔咁橋撞正個設計師唔負責任,所以就有問題出現啦!!
不過我自己都親身感受過,可能佢地真係好好生意,我帶埋大判去佢度同佢地傾,我地則師直情連圖都出埋俾佢,有D咩要求都同佢地講好晒,尺都度埋,只係等佢地報價,我地等左成個幾兩個星期都無覆,要我地三催四請,先出一個極brief,仲要漏晒我地D野(好似我地要轉星盆,要加拉籃,要轉Corian石等)既報價.
之後等佢修改,又等左好多日..但係返嚟個報價都同之前都無分別,又係錯漏百出...但我個裝修已經等佢地唔到,所以轉左用第二間lu~
不過,我係篇blog都有提,其實美廚係咪真係一間唔好既店呢,我又唔會話一定係,只係今次咁不幸,朋友仔遇到既設計師同師傅都唔太負責任,如果唔係搵正佢地,可能成個結果都唔同喇!.
尋日師傅上黎裝抽油煙機,
回覆刪除發現美廚又無預位俾佢支窗既玻璃膠,
攪到個師傅要半個身爬出窗外面,真係勁唔好意思~~
師傅話正常有經驗既都會預位for師傅,
一係就先幫客戶放定條喉,唔係攪掂自己d野就算~
好彩個師傅肯幫我地爬出去(但其實見到都覺得牙煙.)
*我都係因為睇到美廚評語唔錯,所以先揀,
但佢真係令我好失望,好困擾.....,
我整個裝修過程,除左美廚,所有野都係開心、順心的,
就算有問題,其它既負責人都會共同去諗辦法解決,
而唔係好似美廚咁只識推卸責任~
littlekawai所講既情況,絶無誇大、縮少,
我同littlekawai都明白,我地唔會話佢係黑店,
但希望想用佢既朋友了解多d,唔係真係一面倒既好~
尋日去新居清潔抺廚櫃同廁櫃,越抺越發現佢地d櫃質素,
真係唔係評語講的咁好.
說真的,咁既質素,咁既價錢,我覺得係唔合理的.
售後服務跟未落單前,也很不一樣.....
改好櫃後,一打電話黎,第一句就同我先生講,
個櫃師傅攪掂左喇,你地幾時交尾數呢..?
我明白,我地係要交尾數,
但佢地完全無問過我地改左既野有無問題,
一句櫃既情況都無交代過,就剩係識問我地拎錢.
(個櫃改番兩日咋,我地都未上去睇.....)
可能我真係黑仔的一個啦,但發生o係我身上,我真係好唔開心,
亦好希望唔會再有人好似我咁~
其實唔開心既事講一次,我覺得舒服d,
但講得多(不斷發生....),我自己都唔好受,
我黎緊都唔會再著眼美廚幾差幾差,因為真係太唔好既經歷,
我只係想開開心心入伙!!
Anyway,真係好多謝littlekawai幫我呢個朋友仔講出心底話,
你只係將你所知的寫出黎,希望多一點資源俾想做廚櫃既人,
最終選擇搵邊間廚櫃,都係由用家去揀.
希望黎緊要做廚櫃既朋友,都好似安安既朋友咁好彩,
做到滿意既廚櫃,開開心心煮飯仔!~
[版主回覆04/11/2011 11:23:00]感恩你個師傅咁好人咋!!!不過真係好危險喎!!!!
不過算啦!!呢家總之當佢地做完就算喇!!你嚟緊仲有其他傢俬同電器要準備....整呢D都會好開心架!!加油!!!!
等遲D你搬左入去,再慢慢添加一D小擺設/植物/小手工,就更加開心...加油加油!!!!!哈哈!!我個邊大大鑊都未知點...不過我都無理佢地咁多喇!!!!我信個大判會搞得掂...不過講真,真係想快D真正完工呀!唔使成日吊住吊住咁~~~
會呀....謝謝~
回覆刪除呢段時間真係好忙呀,周圍走,忙新屋,又要忙packe野,超充實~
不過睇住同老公既安樂窩一步步成形,真係好開心~
我晏d得閒少少,放d相你睇丫....
加油加油....大判加油努力!
(哈哈...幫你大判大氣應該就夠,你唔洗操心o家喇... )
[版主回覆04/11/2011 12:16:00]係呀!!你呢段時間應該會好忙...不過忙得嚟會好開心咁!!!
哈哈!!大判噚日同今日都會再入去我個度睇...希望佢地順利啦!!!
我等你D相~~~好想快D睇有埋傢俬個D呀!!