由於得一blog友提醒,要時刻留意老薑浸泡油狀況…於是...小嘉噚日食完晚飯返到屋企,搞掂兩隻衰仔,就拿拿淋入房望吓瓶油.
望落去覺得好似又濁左D…打開一聞…唔…無咩薑味,但係有陣味…但又唔知係咪發霉味…
於是叫嚟上進,佢好有系統咁…先聞吓最原先既橄欖油味,然後再聞吓浸泡油味…感恩,佢話都係差唔多未道,應該無發霉.
不過…發現一件唔開心事…我大手筆用左百幾蚊買左四個既玻璃瓶,感覺個蓋好似好唔實咁…尤其是老薑呢瓶,直情有一邊係無整實…可惡!!!
等我下次買第二隻款再比較吓先 (.\/.)
好似好混濁的油...
點解會咁既呢...
同場加映...胡蘿蔔油似越嚟越多橙色東東流出嚟喇!
係咪洗左d 薑.....還未乾呢 ? 因為我煲薑醋.....都係錦......成煲發左霉 !!!!!!!!
回覆刪除[版主回覆04/19/2011 12:42:00]我係洗左...不過有用廚房紙抹乾...哎呀!!唔好發霉呀!!成樽浪費晒...
不過噚晚打開,佢都仲未有霉味...不過個樣有D怪怪地咁=.="
浸油材料唔可以洗呀.
回覆刪除洗左要入焗爐烘乾水份先浸得呀.
[版主回覆04/19/2011 23:22:00]我今次知衰喇>~<
我等佢正式歸天就再做過...
去Jusco 10蚊店買—隻扭蓋既 玻璃瓶啦=) 又平又唔漏~
回覆刪除