小嘉前前後後鈎了四個花…原先打選兩個不同既花併埋一齊做頸巾…
不過發現好似唔多好睇咁…所以…左併右併之後,決定用呢個六角形雪花成成今次lace feel頸巾既主角喇!!!
計過數,如果無鈎錯唔使又拆又織的話,大約半個鐘至九個字可以鈎到一朵花,相信鈎多幾朵,時間會再快D…我估要鈎五六十朵先夠數…希望快D完成啦!!!
唔…我既十字繡,對唔住喇!又要將你放埋一邊一排喇!!!
靚靚雪花圖案....
我影到好暗添....
冬天帶雪花圖案既頸巾...應晒節啦!!
加油...仲有五十幾個要織>~<
2011/5/27
小嘉超無聊一時興起感想@27.05.2011
恨不得每天都有240個小時…實在太多東東想做了!
要和bili bala玩遊戲,又想做手工皂,還有十字繡的等待,仲有鈎和織東東,新加入成員還有tatting lace…好想試,但…跟本沒時間啦!(不過相信於不久將來,我會買定晒材料,做不到還做不到…材料工具要先有,如果突然有時間可以隨時開始嘛..哈哈哈!!)
噢…差點忘了,還要時間做點點家務(強點…是點點哦…大清潔會取我性命的),上網與朋友們聯絡感情,不得了….差點忘記還有大大部鋼琴在家中待我寵幸…
不過…如果…每天真的有240個小時…那…我不是一天要工作88小時麼??????
唔…這樣很苦哦!
還是當我什麼也沒恨過吧…天父賜我們每天24小時,就是有祂美好的安排…
所以…手工藝…你們慢慢等,我總有一天會點你們燈的…
2011/5/25
My Lovely Knitting ... 又再敗家@24.05.2011
又係個句…工欲善其事,必先利其器….唔…好好的一句古話,令我有好好既“原因”買靚少少既東東喇
今次想鈎一條lace feel既頸巾,所以就要搵D較幼既冷喇!!其實入過間舖幾次,有一款閃閃地既冷超鍾意,不過價錢都唔平,所以諗住用D純棉無閃閃既冷.
噚日去到間舖,其實由細到大都幫襯咁濟(不過…可能一年都唔知有無一次幫襯咁啦>~<),首先…我走去睇D鈎針先…因為小嘉無日本針既0號同2號…
Yeah!!!2號針有Clover呀!!不過0號就只有好普通既雙頭鈎針,呢個盛惠$15(都好抵吓!!!),但係Clover見佢無show價錢(奇怪...平時全部都有架,點解零零捨捨Clover無呢???)
問老闆娘個價錢,本身呢家買要$100,因為日元太貴喇!佢話如果係生客就會賣$100(當時心諗…你又知我係熟客…我係有幫襯開…不過對上個次,我自己都唔記得係幾年前…因為前年最後一次買冷…我都係日本訂返嚟…)
點知…正常我有呢個想法時,個老闆娘竟然同另一個職員(其實應該係一家人)講:呢…呢個女仔咪我好耐之前同你講,佢買左D XXX(我唔記得個牌子名)既漸變色冷織一件BB衫囉!我咪同你講佢好叻女,自己就咁睇個圖就可以織到… … …(下刪二百字)
我即時啞左,佢仲問我織完個BB有無著,上進即刻話有呀,好靚呀…
個件衫,係我織俾上進個姨甥仔…個時佢未出世…呢家佢五歲都嚟緊…我…真係…估唔到…老闆娘真係…記得我囉!!!!
於是…小嘉係愉快心情下大灑上進既金錢…買左貴貴地既閃令令Ski yarn既冷同一支Clover一支不知名既鈎針喇!!!!
剛剛係網上見到有個blogger開既舖Clover一套七支鈎針連布袋都係$460咋!!超想買...
但係...我好似已經有其中好幾個size既clover針(不過唔見左支...用都未用...唔知搬完屋去左邊....)好想買好想買好想買....
閃令令Ski Yarn ... 真係超爆靚...閃得嚟又唔會係超閃好俗氣咁..係少少一點點...
我估織完出嚟都好有少女氣息啦!!哇哈哈哈!!!!
盛惠...$48@
噚日上進又問我同樣問題....你有時間玩咁多野咩???
小嘉:唔....無架...不過係忍唔到手嘛!!!!咁我唔買LV,又唔買Gucci...咁一個袋都有排我買呢D啦!!!!
我問上進...點解間舖個老闆娘認得我架??
上進:你係大客仔嘛....
小嘉:of coz not la!!人地個D買親都千千聲...我記得有個婆婆叫老闆娘代織...就咁都成千蚊喇!!
上進:咪係囉...因為你後生...仲有幾十年生意做...咁仲唔係大客仔
小嘉:=.=" .... 咁...第日有BB,我就會狂買最靚最舒服最軟既冷織BB衫,你話好無呢???(眼神流露點點光芒)
上進:... ... ...
My Lovely Knitting ... lace work頸巾...Day 1@24.05.2011
其實係上年年尾冬季時,小嘉心裡面已經有團火,好想好想快D整條新頸巾…因為舊呢條真係洗到起晒毛毛...
其實舊個條我好好好鐘意,係我第一次(係暫時唯一一次)用鈎花併埋一齊做頸巾,我仲好記得帶住佢去日本北海道時,坐JR時有兩個中年太太係咁指住我條頸巾嘰哩咕嚕,之後明知我唔明佢講咩都不停同我講野,最後就指住我條頸巾豎起姆指讚好…所以好好好鍾意呢條頸巾架!!!
不過…佢始終要功成身退喇!!!!上網搵到D靚靚花樣…於是…新頸巾逐步面世…
因為今次第一次用呢D咁幼既冷,而每個冷球只得25g,所以計過數要用9~10個左右,原先諗住買D普通幼冷,當然顏色係我不嬲都超鍾意既白/米白/杏/淺啡呢類色啦(其實我最鍾意係藍色..不過…織野用藍色冷好難襯衫咁~).
但係…上進實在太知小嘉心意喇!!佢知我超鍾意有少少閃既冷(係少少...超少少…如果多左就會俗氣喇!!!),係佢既大力鼓勵下,最後買左呢隻都幾貴吓既冷(當然係上進埋單啦!!佢既錢即係我既錢嘛~~~~)
看到嘛...點點的閃閃...清得嚟又有少少特別...好鍾意呀!!!
第一晚的成果....
一般滿意...覺得可以再整靚D...希望可以take up返個感覺,整返靚D^^
My Lovely Handcraft ... 兩本好書@24.05.2011
Thx Thx左脾!!!我又收藏兩本手工藝書喇!!!
小嘉對於D咁靚靚既手工藝真係無法抗拒呀!!!!
裡面D作品真係好靚呀!!!遲D有時間會試吓做,見到有個杯套係麻繩鈎出嚟,好似唔太難(不過可要整得靚就唔係易事喇!!!),仲有用尼龍繩鈎既背心袋都好靚呀!!!!!
而本刺繡書真係好特別…又認識多一種唔同既繡繡…青木和子果然好勁呀!!佢連畫既圖好靚好靚…點解佢可以咁叻既~~~
呢個不思議刺繡...真係好不思議...無諗過D繡線可以咁樣玩法!
好靚既聖誕裝飾呀!!!!今個星期咁橋就會去教會弟兄屋企拎返棵聖誕樹...有成六尺高!!今年聖誕前,要慢慢研究...試吓整呢D吊飾先得!!!!
好得意...呢本書真係教用除左冷以外,用其他材料去織野....呢個尼龍繩背心袋...我好有興趣試吓整呀!!!
仲有我不嬲都好鍾意既麻繩Feel既東東....今次真係教用麻繩去織野....好想好想試呀!!!!
2011/5/23
My Lovely Travel ... Reply from Aegean Airline @ 23.05.2011
終於….終於係兩個星期後既今日,收到Aegean Airline的回覆…但係…佢既回覆可以話等於無講過野=.=”
今晚再Check多次,如果都仲未扣錢,我相信…佢地應該真係唔會扣錢喇...
節錄一下佢地既回覆:
“we would like to inform you that in case you face any difficulties in terms of making a reservation online, please contact our reservation department from 07.00 am to 23.00pm on XXXXXX”
救命,我邊樹專登打個長途電話俾你地去reserve呀!!!呢家個問題唔係reserve呢度呀!!
“Moreover, in case that your reservation cannot be completed online due to charging failure, please refer to your financial institution, stating that you wish to make an online purchasing from a foreign website…”
個問題…我唔係唔可以外國訂野…我亦問過bank我係verified喇!只要你地扣錢咁就扣到啦!!!!!!咁即係你地個website有問題…係你地payment個part有問題. BTW,我今晚再check多次make sure無被扣錢,然後C人都attach呢封有趣既回覆去bank度,要求佢地一定要cancel呢個transaction…如果間bank唔俾,我一定要發爛渣到佢肯唯止呀!!!!!!!!!!!!!!!!!!!!!!!!!!!!!!
My Lovely Handmade Soap ... 薄荷紫草手工皂@21.05.2011
又再打皂喇!!!!
今次無用到未精製椰子油,即刻變返正常咁…Good!!!!
今次做既係薄荷紫草手工皂...點解會整呢個呢??
因為…
1. 夏天就嚟,想要沖涼時涼爽爽既感覺…
2. D紫草浸泡油浸左差不多四個月…好怕再放唔用會壞…所以用埋佢…
3. 因為…無買薄荷腦,但又想涼爽爽,而之前網上朋友俾既薄荷超級大棵…於是用鮮薄荷葉打汁整
所以…咁就左薄荷紫草皂喇!!!!
材料:紫草浸泡油,棕櫚核油,棕櫚油,甜杏仁油,蓖麻油,葡萄籽油,乳油木果脂,荷荷芭油(SF),薄荷精油,新薄荷汁
今次既材料...不過整整吓先發現未拎主角之一...紫草油...啞左~
用薄荷葉打既汁...實在唔知用幾多塊葉打...所以...打到D顏色好綠~
第一次做黃色外既皂液呀!!!!
試吓做渲染...薄荷葉溝左皂液囉~
渲染技巧有待加強:P
事隔一日...變左色lu~
因為鋪D牛油紙鋪得唔好,搞到個底好醜樣>~<
下次要小心D先得!!!!
之前整既薑皂勁醜樣...用左個新修皂器...靚仔好多呀!!!
唔知佢地嚟緊變化會點呢??不過暫時超大陣薄荷味...唔知用時會唔會散走晒??
P.S.上次整到D皂皂細細舊,搞到都費事送俾人...今次又好似大舊得濟=.="
是吓用唔同模整返D正常Size先得!!!!
Date of production: 21.05.2011
Estimate Mature Date: 19.06.2011
My Lovely Travel ... 11'中西歐洲@未出發先敗家 20.05.2011
雖然屋企大滲水搞到亂七八糟,不過…唔開心都係一陣就好喇!!!相信天父會有帶領啦!
講返個歐遊先…
小嘉原先有兩個篋,一個係用左差不多十年,一個係結婚前一個月買…兩個都係千色個D年年日日都大特價既篋,無記錯大約七百幾至九百幾蚊一個.
用左差不多十年那個,真係好掂…不過最近呢 一兩 次去旅行都無帶佢lu,因為佢個鎖好似有D問題咁…所以宣佈陣亡.
第二個就真係啞晒,其實都係之前用了十年那個牌子,但係…果真十年人事幾番身,D quality真係差晒,但差極有個譜哎,我一次都未用過,只不過係珍妮帶佢去見識吓個世界,帶佢去一去台灣,點知…
都未真識用,只係拎佢去到酒店,佢就玩罷工,個鎖打極都打唔開,搞到要爆鎖咁濟…
講真,佢都要成九百幾啦,唔係好平喎,但係…真係接受唔到,如果我托佢去D遠D旅行,咁就C火啦!所以…即係certified 佢呀!!!!
好啦!由於小嘉無研究開篋既牌子,於是…上網搵到話Samsonite呢個牌子唔錯,不過款就無咩架喇!但係好似話價錢都唔平…
去過千色睇,又真係唔平喎…平時個D篋都寫到個價錢好貴,千幾蚊一個,但就永遠大減價七折咁,所以計返係九百蚊左右,但係,我行過都入去望吓,發現佢個價錢都無減既,買個optimum D既size,次次見到最平都要二千幾…
星期五,因為想去page one睇吓D旅遊書,再加埋突然發現原來係Sogo Thankful Week,於是…又去睇篋喇!!!
有諗過係咪真係要買呢D有少少貴既牌子呢(其實個心一早諗左要買啦!但要諗多D excuses嚟俾上進聽嘛!)…首先,用返我個衰篋…用唔夠一次,係一次都無就壞左喇!!!而同時亦發現細妹們既篋都係呢兩年左右買,都開始出現問題…唔係甩轆就鎖唔到…咁一個就算當佢係六百蚊…用得個幾次計返都要三百蚊一次左右啦!但係如果我買呢個真係用到十年,咁我當去十次旅行…咁計返都係二百幾蚊一次喎,抵晒啦!!!
就係咁去左CWB再去TST比較後(超爆笑…CWB同TST會有唔同款)最後…買左喇!!!!!!(不過呢款係CWB同TST都有=.=”)原先想買用膠顏色sharp D靚D既款…但係一打開個內籠…無間隔架!點用呀!!!於是…就買左呢個無咩特別既款喇,佢有保養十年,希望佢真係用到十年,咁就抵返啦!!!
努力由TST托返嚟既篋...
無咩特別既款...不過佢個令身會好易花...個Sales都咁講,不過...無磨砂款=.="
好得意,有D貼紙可以用嚟貼D圖案做記認...想貼個"KA"...但都唔知貼左D咩出嚟咁...
最後...都係一個簡單十字架最好~
八卦bala...見到我入左房唔知搞咩又跟埋嚟~
My Lovley Home ... 水呀水呀!!仲咩咁多水呀@23.05.2011
嗚嗚…好煩呀!!!!
其實…都係一件感恩既事情…
經過連日親親天空既下降甘露,我們家有很多窗都滲水呀!!!!!!!!!!!!!!!!!
星期六B君同則師+一班人嚟睇間屋,順道講講有邊D地方有滲水…其實,有部份都係D鋁窗,而問題都好簡單,只要再唧吓膠就應該可以解決問題…(同事都咁同我講,所以呢個唔使太擔心…)
但係,二樓客房問題較大,因為睇個情況唔似只係窗框路軌入左D水而滲水…而係似係成個窗框裝得唔好,搞到係不停流水…仲要流得超勁…最後小嘉同上進係要用毛巾做成一條引水道去將D水引落個水盤到=.=”
所以呢個窗唔知點搞…可能要成個拆左再安過.
但最煩既係………………………
三樓士多房呀!!呢個係噚日先發現,我地入到房發現幅牆有水流呀!!!但奇怪係…佢唔係外牆個邊滲水…而係內牆,個吓真係“R”爆頭….
立即打俾B君,估計…因為個時起三樓上天台既樓梯時係未做呢個士多房既間格,所以當時三樓到天台樓梯呢個位其實係無一幅牆既,而係之後用磚再砌(好難明…不過好難講明啦!!!)
B君估係呢幅磚牆既防水做得唔好所以咁…結果…呢幅(我估係對外個邊)要拆左D批蕩油漆,再重新做過一層防水.
感恩係…因為我們家其實係未執漏,所以…一早預左整完要大執一次…其次,因為D窗有水滲過,點都要再補返油…有D牆因為唔小心加未抹好屋就俾兩隻貓周圍走,所以牆身都有貓腳印,今次可以順道油埋佢XP,再加上呢家早早出現問題,總好過 一兩 年後先發現…到時仲煩!仲有仲有…唔…quickstep果然唔錯…二樓客房D水一大灘浸左幾個鐘,個地板都依然無事,不過牆腳線有D因為接駁位係一定有縫,所以入左水有D發脹…呢個位好易可以換返,問題不大.
願天父保守我們家可以在打風季節前一切安頓好.2011/5/20
My Lovely Handmade Soap ... 我又嚟喇!!!Cheer up@20.05.2011
由於之前超快三分鐘Trace既手工皂皂的經歷,小嘉有點灰心+點點害怕+無時間的情況下,差不多一個月沒有做皂皂了.
在星期三上門訓時,跟姊妹傾談時,佢講開呢家D洗頭水/沐浴露都有化學成份,甚至對身體有影響,小嘉就同佢講…哇哈哈!!我呢家用緊係自己整既皂皂架!
當佢聽完都好有興趣喎,小嘉就話佢知,我洗碗用既都係自己整既洗碗液,佢問我有無整埋D mask呀,cream呀咁…唔…小嘉其實好懶,平時都係記得/有心機先塗吓D cream,所以無研究過.不過已經買左材料,遲D可以整D夏天曬後噴霧同埋曬後蘆薈膏…
其實之前有gathering既姊妹朋友仔都拎左皂皂去試,佢地未用就好興奮咁話要!感恩哦!!!!!見到咁多朋友仔捧場,有點點灰既心立刻鬥志旺盛!
所以…失敗係成功既媽咪…所以我聽日就再接再厲!醒起花園自家種薄荷葉超級無敵勁旺盛…暫時唔敢用D貴油住(因為怕又好快trace!),今次就用新鮮薄荷+紫草浸泡油+甜杏仁油…唔記得仲有咩油….再加棕櫚核仁油(睇吓無用到個未精製臭味椰子油會唔會改善問題),做返一窩鮮榨薄荷紫草夏日抗敏皂(個名純綷亂改…我估有薄荷都應該幾夏日掛???)
P.S.膽生毛唔怕C既小嘉,噚晚唔理三七二十一,走去拎左舊三分鐘即trace後再加亂晒籠大兜亂既草莓桑白皮淡斑美白皂(又亂改名)…連搵隻手試吓都無就用嚟沖全身(本來係for面面…可以美白嘛!!不過….都係試左個body先啦!!!!),so far,又OK喎!起碼呢家無痕無紅…唔知用完會唔會好白呢…超期待!!!仲有好多件..如果無事又送人先!
訂閱：
文章 (Atom)