很久很久沒有update Bili Bala的相和近況了!!!
哈哈,因為要動身拎相機(我好好好好懶呀!!!)再加上佢地成日走嚟走去,好難影得好…所以就無咩點影!
噚日因為影開其他野,又見兩隻衰豬企定定咁,於是快快手影左兩大幅!!!!
照顧呢兩隻野,真係感受到做人阿媽有幾辛苦!!!我只係兩隻貓仔都覺得困身,如果係兩個人仔…真係onz喇!!!!
難得影到bili D眼耳口鼻叫做清楚既"玉照"!!!!
bala呢排肥左好多....所以呢家只可以每三日俾半罐貓罐頭佢地嘆...同埋乾糧都要減份量呀!!!
每日一返到屋企,第一件事要放佢地出房,然後立刻睇睇佢地D便便有無問題…因為呢幾日唔知邊仔衰仔間唔中一次半次肚瀉,所以搞到小嘉要密切留意佢地D便便=.=”
接受剷完便便,清理完貓砂盆,接手就要掃地掃完就拖吓個地,等佢地個”居室”乾淨D…
不過講真…佢地間房始終無得開窗(佢地試過偷走),所以成日有陣味係度…希望間屋快D搞掂,咁就唔怕無啦啦有D工人會入屋,咁就可以放佢地偏廳度..個貓砂盆就可以放係浴室…長期開住個氣窗,咁就OK啦!
沒有留言:
張貼留言