其實係上年年尾冬季時,小嘉心裡面已經有團火,好想好想快D整條新頸巾…因為舊呢條真係洗到起晒毛毛...
其實舊個條我好好好鐘意,係我第一次(係暫時唯一一次)用鈎花併埋一齊做頸巾,我仲好記得帶住佢去日本北海道時,坐JR時有兩個中年太太係咁指住我條頸巾嘰哩咕嚕,之後明知我唔明佢講咩都不停同我講野,最後就指住我條頸巾豎起姆指讚好…所以好好好鍾意呢條頸巾架!!!
不過…佢始終要功成身退喇!!!!上網搵到D靚靚花樣…於是…新頸巾逐步面世…
因為今次第一次用呢D咁幼既冷,而每個冷球只得25g,所以計過數要用9~10個左右,原先諗住買D普通幼冷,當然顏色係我不嬲都超鍾意既白/米白/杏/淺啡呢類色啦(其實我最鍾意係藍色..不過…織野用藍色冷好難襯衫咁~).
但係…上進實在太知小嘉心意喇!!佢知我超鍾意有少少閃既冷(係少少...超少少…如果多左就會俗氣喇!!!),係佢既大力鼓勵下,最後買左呢隻都幾貴吓既冷(當然係上進埋單啦!!佢既錢即係我既錢嘛~~~~)
看到嘛...點點的閃閃...清得嚟又有少少特別...好鍾意呀!!!
第一晚的成果....
一般滿意...覺得可以再整靚D...希望可以take up返個感覺,整返靚D^^
好靚喲呀! 你個花花!!
回覆刪除Kawai 你0既恩賜真係好強好強!! 我見到你呢個花花,諗起可以整新娘頭飾,仲要好vintage 好classic 個隻,正wor!!!!
[版主回覆05/30/2011 10:09:00]哈哈!!不過呢個花最後俾我放棄左lu...我改左用雪花圖案做頸巾呀!!!
哈哈哈!!我同你心有靈犀呀 !!!我勾勾吓...諗到...如果我早幾年有呢個慶致去勾呢個花...我可以用嚟做頭紗啦!!不過肯定勾到手到斷呀!!!!!
我認真0家!! 你有無興趣勾姐??? 不過你已經攪梗好多樣野,再加埋我呢樣真係360小時你都唔夠用呀!!
回覆刪除[版主回覆05/31/2011 09:28:00]呢家可能真係無咩時間喇...等遲D啦,因為噚晚鈎鈎吓...已經覺得有D悶( ),同埋隻左手會好攰同幾痛咁.
不過鈎頭紗要好長好長喎...呢個係浩大工程!!!!
等我睇睇遲d會唔會有時間去挑戰吓!!(不過淨係買冷都會買到窮 )