又敗家喇!!$6000大元未收,小嘉….唔係唔係,係bili bala又敗家喇!!!
事緣我們這幾不是沒水,就是因為換了水管,所以點都無水洗bili bala既catit水機,其實說明書講,水機係一星期先洗一次,但…唔知係bili bala特別污糟,定係部水機設計唔好,總之隔左一日,D水就已經唔太乾淨,而D毛呀塵呀,更加會成日係水面浮吓浮吓.
隔日換水兼洗機其實情況就好左好多(當然啦!咁洗法…),但係無水既關係,小嘉停左四五日無洗水機,點知!!!!發現估計係bala既便便又開始無咁靚仔喇!!
本來要訂開貓糧既小嘉,於是心郁郁又再睇吓D水機,係小小爭扎既情況下,以下面既原因,小嘉又敗左部drinkwell既水機喇!!!
原因:
1. 發現呢幾日天氣熱左,bili bala飲水都多左,所以每朝同黃昏入佢地房時,都發現水機超嘈…原因係水位較低.如果遲多D再熱D,咁D水俾佢地飲晒的話,部機個motor可能會燒架!!!
2. 本來想就咁放兜水,但…佢兩隻野掂都唔掂!
3. 期望加多部水機,可以share吓兩部都飲吓水…咁就可以唔使洗咁密部機啦!
4. 覺得catit既過瀘唔係好掂,D毛同塵都係番晒度…drinkwell個過瀘好似幾好咁…
5. 遲D唔會由朝到晚都果佢地係房,所以多一個位置放水機,咁佢地行過又可以飲多啖水.
6. …
拆野前...醒起成個星期未同刷牙....刷返夠本先!!!!
訂左水機+貓罐頭+過瀘網~
店員送左幾樣玩具俾兩隻衰仔...
bili玩到好高興吓~
呢部就係喇!!!好期待呀!!!!
原來....都幾大部喎~~~
以為係白色...原來係有點點黑色既....
整好之後...bala即時相伴在旁~
暫時Catit與drinkwell的比較:
1. Catit的motor較drinkwell靜,不過初初以為drinkwell D水落嚟時會有聲...原來係完全無!
2. drinkwell既電線收藏好過catit,佢可以將多餘既電線hide係機下面,但catit就要fing fing吓咁!感恩我兩隻衰仔唔咬電線咁啦!
3. drinkwell既瀘網感覺好D,因為catit好似好奇期有一層過瀘棉花(好似人地D金魚缸咁),然後包住D黑色炭...但係...我試過好多次洗機時順手沖乾淨個Catit瀘網,D所謂活性炭都俾我fing左一D出嚟...而drinkwell呢個就好厚無話一粒粒既炭,而係有一層黑色既活性炭網.
4. Catit係一次過所有水都倒晒入部機到,所以如果整污糟左,咁就成部機既水都會污糟,但係drinkwell有個儲水器係機背,當兩隻衰仔飲左D水,咁佢就補充返...所以唔會同一灘水不停流,而係會有D儲存左既乾浮水去補充.同時呢個儲水器可以防止因為部機無晒水而燒motor喇!!!
5. Catit因為係有個dome加水兜,所以bili bala可以一次過一齊飲水,但係drinkwell就只係得個池既範圍,所以要輪到嚟喇!!!
6. drinkwell有得較水泉大細,catit無...因為佢係由好似太空館既dome到流D水.
噚晚因為兩部機都有用,所以佢地應該都照係catit飲水...今朝已經將catit換左放係偏廳而drinkwell放係房,睇吓佢地同部機相對好幾個鐘,會唔會飲多D水先!!!
沒有留言:
張貼留言