由於之前超快三分鐘Trace既手工皂皂的經歷,小嘉有點灰心+點點害怕+無時間的情況下,差不多一個月沒有做皂皂了.
在星期三上門訓時,跟姊妹傾談時,佢講開呢家D洗頭水/沐浴露都有化學成份,甚至對身體有影響,小嘉就同佢講…哇哈哈!!我呢家用緊係自己整既皂皂架!
當佢聽完都好有興趣喎,小嘉就話佢知,我洗碗用既都係自己整既洗碗液,佢問我有無整埋D mask呀,cream呀咁…唔…小嘉其實好懶,平時都係記得/有心機先塗吓D cream,所以無研究過.不過已經買左材料,遲D可以整D夏天曬後噴霧同埋曬後蘆薈膏…
其實之前有gathering既姊妹朋友仔都拎左皂皂去試,佢地未用就好興奮咁話要!感恩哦!!!!!見到咁多朋友仔捧場,有點點灰既心立刻鬥志旺盛!
所以…失敗係成功既媽咪…所以我聽日就再接再厲!醒起花園自家種薄荷葉超級無敵勁旺盛…暫時唔敢用D貴油住(因為怕又好快trace!),今次就用新鮮薄荷+紫草浸泡油+甜杏仁油…唔記得仲有咩油….再加棕櫚核仁油(睇吓無用到個未精製臭味椰子油會唔會改善問題),做返一窩鮮榨薄荷紫草夏日抗敏皂(個名純綷亂改…我估有薄荷都應該幾夏日掛???)
P.S.膽生毛唔怕C既小嘉,噚晚唔理三七二十一,走去拎左舊三分鐘即trace後再加亂晒籠大兜亂既草莓桑白皮淡斑美白皂(又亂改名)…連搵隻手試吓都無就用嚟沖全身(本來係for面面…可以美白嘛!!不過….都係試左個body先啦!!!!),so far,又OK喎!起碼呢家無痕無紅…唔知用完會唔會好白呢…超期待!!!仲有好多件..如果無事又送人先!
整啦整啦,我等梗你d 天然洗潔精呀!!!
回覆刪除你d 皂好正呀!!! 我會做你長期0既fans~~~
[版主回覆05/21/2011 22:57:00]你用左喇!!!?係咪真係好用架...唔好氹我開心呀~~ 我今日整左用新鮮薄荷葉打汁加紫草油既手工皂...我諗夏天有薄荷會好涼爽,而紫草就係抗敏...再加埋其他保濕滋潤既油...希望會唔錯啦!! 整好俾你試吓哎~~~ 洗潔精...我就睇吓下個/下下個/端午節時再整...呢個整左只要放兩個星期就可以浸水做洗潔精,快搞掂D^^