又係個句…工欲善其事,必先利其器….唔…好好的一句古話,令我有好好既“原因”買靚少少既東東喇
今次想鈎一條lace feel既頸巾,所以就要搵D較幼既冷喇!!其實入過間舖幾次,有一款閃閃地既冷超鍾意,不過價錢都唔平,所以諗住用D純棉無閃閃既冷.
噚日去到間舖,其實由細到大都幫襯咁濟(不過…可能一年都唔知有無一次幫襯咁啦>~<),首先…我走去睇D鈎針先…因為小嘉無日本針既0號同2號…
Yeah!!!2號針有Clover呀!!不過0號就只有好普通既雙頭鈎針,呢個盛惠$15(都好抵吓!!!),但係Clover見佢無show價錢(奇怪...平時全部都有架,點解零零捨捨Clover無呢???)
問老闆娘個價錢,本身呢家買要$100,因為日元太貴喇!佢話如果係生客就會賣$100(當時心諗…你又知我係熟客…我係有幫襯開…不過對上個次,我自己都唔記得係幾年前…因為前年最後一次買冷…我都係日本訂返嚟…)
點知…正常我有呢個想法時,個老闆娘竟然同另一個職員(其實應該係一家人)講:呢…呢個女仔咪我好耐之前同你講,佢買左D XXX(我唔記得個牌子名)既漸變色冷織一件BB衫囉!我咪同你講佢好叻女,自己就咁睇個圖就可以織到… … …(下刪二百字)
我即時啞左,佢仲問我織完個BB有無著,上進即刻話有呀,好靚呀…
個件衫,係我織俾上進個姨甥仔…個時佢未出世…呢家佢五歲都嚟緊…我…真係…估唔到…老闆娘真係…記得我囉!!!!
於是…小嘉係愉快心情下大灑上進既金錢…買左貴貴地既閃令令Ski yarn既冷同一支Clover一支不知名既鈎針喇!!!!
剛剛係網上見到有個blogger開既舖Clover一套七支鈎針連布袋都係$460咋!!超想買...
但係...我好似已經有其中好幾個size既clover針(不過唔見左支...用都未用...唔知搬完屋去左邊....)好想買好想買好想買....
閃令令Ski Yarn ... 真係超爆靚...閃得嚟又唔會係超閃好俗氣咁..係少少一點點...
我估織完出嚟都好有少女氣息啦!!哇哈哈哈!!!!
盛惠...$48@
噚日上進又問我同樣問題....你有時間玩咁多野咩???
小嘉:唔....無架...不過係忍唔到手嘛!!!!咁我唔買LV,又唔買Gucci...咁一個袋都有排我買呢D啦!!!!
我問上進...點解間舖個老闆娘認得我架??
上進:你係大客仔嘛....
小嘉:of coz not la!!人地個D買親都千千聲...我記得有個婆婆叫老闆娘代織...就咁都成千蚊喇!!
上進:咪係囉...因為你後生...仲有幾十年生意做...咁仲唔係大客仔
小嘉:=.=" .... 咁...第日有BB,我就會狂買最靚最舒服最軟既冷織BB衫,你話好無呢???(眼神流露點點光芒)
上進:... ... ...
嘩....您好犀利喔~
回覆刪除睇黎你俾到好深印像果個人呀,
不過自己睇圖就識織件bb衫,真係好勁呀~~
期待睇你既製成品!!
係呀....玩d手作仔,好過花錢買名牌丫~
我地好明顯係好老婆啦......
[版主回覆05/25/2011 22:54:00]哈哈哈!!無錯...係絕世好老婆!!! 其實唔難架,只要識D基本針法,跟返個圖就織到...不過我要努力再進步到可以隨時將D pattern改大改細...咁就可以更fit喇!!!
靚靚的小嘉EE，Toby會響冬天出世啊，佢的幸福就交d俾你啦~~
回覆刪除[版主回覆05/26/2011 09:32:00]哈哈哈~
我會認真考慮考慮吓!!我已經儲左好多BB仔冷衫圖樣...不過係無時間織啦~
幾時知Toby係男仔定女仔呀????
下星期二會覆諗政府醫院，唔知會唔會照B超，如果唔照就去私家睇~~~ 希望到時呢位細路唔好再出蠱惑，遮住唔俾阿媽睇佢重要部位啦
回覆刪除[版主回覆05/27/2011 09:24:00]乜唔係次次覆診都會照咩??
不過我都記得上進好似講過,公立醫院唔會成日照...好似由陀到生都係照好少次咁.
toby乖...快D俾媽咪睇吓你係男定女啦!!你遮住左,咁媽咪未唔可以快D準備適合既靚衫仔同埋床仔被仔玩具仔........
噚日睇新聞見到哈羅開喇...唔知點解睇到就有D緊張....覺得將來D B仔讀書好似好大壓力咁.
哈羅開喇.<---咩黎架
回覆刪除[版主回覆05/28/2011 09:41:00]哈哈!!!仲諗住你地大緊肚會緊張好多添!!! 哈囉係屯門個間國際知名學校...好多國家出名人物都係個度畢業...佢間主校係英國,北京韓國都有分校...下年香港個間都開喇! 入呢間學校唔單止要小朋友叻,只係學費都要十幾萬一年...仲要買佢D Debenture/個唔知咩三百萬資產證明/每年俾五萬唔知做咩咁. 但學費係未計住宿費...新聞話住宿費都好似要學費八成到...所以最貴(即係最高年班)學費+宿費+雜費閒閒地要三十幾萬架!!! 不過...唔知香港學生係咪一定要留宿呢??????
我呢d基層家長，點會知呢d高級野丫~~ 我覺得入呢類學生唔止係小朋友大壓力，大朋友都大壓力架！淨係比下身鬥下財富都已經辛苦過仔女返學啦 （不過，可能佢地好鍾意都唔定~）
回覆刪除[版主回覆05/30/2011 09:44:00]咁都係架...入得去大部份都有錢.不過佢有成六成以上學位係留俾D外國人小朋友,好似係個D係香港做野既外國人子女...咁我諗呢班人都唔會真係有錢到個個都好似李嘉誠咁...不過就可能個個都年薪過百/千萬啦
但係間學校都有話留D學位俾清貧學生....但如果我屋企真係清貧,我就算係天才都唔會讀lu,同其他同學好似有距離咁=.="
不過有樣野要讚呢間學校(報紙係咁講啦),佢地收生唔會著重D學生學過D咩,同埋唔會只係interview好少時間...你知呢家D家長會精讀D interview班,佢地會俾多D時間去了解個小朋友先決定係咪收生...同埋佢地都話interview技巧唔好,但見到佢同其他人相處Good(我唔知佢點界定啦),咁都會收....呢D學校收生方法先係正常...好過個D學校睇D小朋友睇得個十零廿分鐘,然後就睇佢地學過邊十八般武藝.