歐洲行之解說
機票:
首先…要去旅行最緊要當然係去當地既機票啦!
小嘉去過好多航空公司比較…
1. Cathay Pacific..
有得揀,當然想坐國泰啦!仲要小嘉係有平飛…但係有以下既問題喎…
a. 去雅典一定要去左London然後再轉機,而15號去的話,就要16號先到
b. 走又係要由雅典走再去London…又係好浪費時間…同埋雅典係最南…要掉返個大轉頭搭飛機喇!!!
c. 有諗過羅馬出入…但係一樣,D行程唔知點諗好…來來回回咁,要浪費時間同錢去搭火車/內陸機.
2. Singapore Airline
一去網頁就見話有offers for去歐洲…但…一早賣晒,連幾銀都唔知…而佢既中stopover就係Sinagpore,但預到好似Cathay既情況,行程要返轉頭回希臘喇!
3. France Airline
因為小嘉真係無咩認識…估唔到原來法航D機票都幾平喎…
a. 去Paris先,然後轉機,但係個度已經無左一日時間=.=”
b. 有諗過去埋Paris行行,再轉火車/內陸機向南走,最後由雅典返HKG,不過…D機既時間真係唔太好.
c. 價錢真係唔錯,由Paris入, Athens走(Athens > Paris > HKG),兩個人連tax係$172XX左右,compare with Cathay 同 Singapore Airline真係平好多!!!
4. Qatar Airline
見到D Forum都好多人話Qatar唔錯:
a. 可以由Athens入, Vienna走…時間非常OK…香港凌晨機去到多哈,然後係多哈轉機到雅典,去到係當地15號既下午兩點…都叫做賺左一日時間喎!
b. 行程唔使返轉頭,由Athens入Vienna出,由南至北咁去玩,Very Good!
c. 價錢好Good!!!咁樣multi stopover,機票都係$16xxx兩個人.
其實Qatar都唔錯,點解最後無揀…因為諗諗吓,想去埋布拉格,但係…如果佢地由Athens入,Prague出,機票兩個人竟然要….$82,000!!!!!!!!!!!!!!!!!!!!!!!!!!!!!所以一定放棄啦!!!!!!
5. Emirates Airline
最後阿聯酋喇!!!!
a. 可以係Athens入,Prague出!!!時間都好Good,同樣去到Athens當地係15/10既下午兩點,而離開Prague個日係下午三點幾…唔使太趕咁去機場!
b. 行程同樣唔使嚟個大轉身,無疑中多左一日半日時間周圍行吓!
c. 價錢非常Good!!!!!原先見到Qatar要成$82000,所以都無大抱望,點知!!!!!估唔到呢個組合係Emirate仲平D!!兩個人只係要$152xx, HKD$8000都唔使!!!!
其實小嘉都有擔心Emirate Airline好唔好(實在唔太認識…),但係網上見佢都有拎獎喎,都係一D大既航空公司,網上有D人話擔心架機會好大陣味.
不過…首先其他人表示,其實中東人大陣味都係D香水味嚟(不過對我嚟講都係大挑戰,因為我有鼻敏感),但…佢地話而家Emirates其實機上大部份反而係歐洲人,所以唔會真係好大陣味(但…歐洲人都好似好鍾意搽香水…我帶定敏感丸上機穩陣D!!!!)
而機位都應該唔會大窄(我估)…因為佢地D身型都係頭好壯壯呀!!!!
另外,今次真係挑戰小嘉極限….
首先香港來回Dubai要成十個八個鐘機程…呢個對小嘉嚟講真係有D辛苦…因為…小嘉外表後生,內裡生鏽…尤其是我膝頭哥軟骨有少少蝕,一坐得耐飛機,隻腳就會腫同痛…辛苦到爆…所以帶定一粒安眠藥,決定上機食埋個飛機餐就大覺瞓!
之後,仲有成四程內陸機要搭…不過個D所需時間較短,相對無咩問題啦!
歐洲行之等待解說
其實最唔明既係D火車pass既用法…咩時候要補錢,咩時候唔使…幾時要book位,幾時可以開始有得book,邊D地方唔用得…其實都幾多野…
又好似…有D地方話米蘭到機場個程火車用唔到pass,又D又話得喎???都唔知點…同埋係瑞士少女約峰個站,因為火車票都係要俾錢,只係有Eurail Pass會有discount…咁我又要唔要係個pass度用寫埋呢日既日期呢???
係捷克又用唔用個pass,又有D咩地方可以到etc…
實在有好多問題….
不過…上網睇過…張Eurail pass買左之後半年內valid,咁即係我地都唔急住買…我諗六月尾左右買就差不多.見D人話歐陸旅運唔錯…雖然D職員有少少囂張,但佢地又真係好識野喎!!!而且火車證個價錢都定左…所以到時就去歐陸度買再順便問埋佢地呢D問題…再加埋問佢地意見…睇吓要唔要Reserve定D位.
比條 link 你吖....去布拉格架 ~
回覆刪除http://hk.myblog.yahoo.com/jw!XcniQ6CTHRYEzT_HFPwjF_1S/article?mid=19894
[版主回覆05/13/2011 09:54:00]thx thx呀!!!!!
等我有個參考,唔使自己諗得咁辛苦^^
kawai, 我好羡慕你呀! 我都好想好想去旅行呀!!! 你一定要影多D靚相, 玩得開心D~! 之後就要返黎做B計劃喇~! 就會冇得去旅行啦~!
回覆刪除[版主回覆05/16/2011 16:11:00]係呀!!jess...就係因為生左B的話,短時間無得去旅行,所以今次要勁玩得開心D!!!
你唔使羡慕啦!等阿B兩三歲,你地就可以一家人一齊去旅行啦~
火車pass 呢個時我係買定要去幾個city 個d ,其他都係去到當地先買,因為有時去到個city 火車站買定第二0既車飛都仲得,有時可能會平小小(唔知點解)
回覆刪除坐火車同坐mtr 呢...你地要睇清楚個路線圖,同埋佢地駕車係去咩方向,即係荃灣線去荃灣定係去中環,睇清楚呀唔係一上錯車就乃晒野! 火車都係...因為人家d 火車站真係奇大,搵火車都可以搵好耐,同埋佢好多時都有好多駕去同一個地方,但唔同出發同行車時間,你地要對清楚先上車. 我地由巴黎去瑞士,第一駕火車delay 左,跟住我地夾硬上左第二駕,好在都去到,但係全程都係小食個車卡到企左3粒鐘....=.= 所以上唔到火車都唔洗驚,你照上返同一個目的地然後話比票務員知就得喇.
[版主回覆05/18/2011 10:30:00]我都係打算買去幾個國家個D...我都好驚去到火車站搵返部車都要唔少時間...但係個pass唔係包左D火車??點解仲要去到當地先買票既??定係我唔使係香港Reserve定D位,去到先reserve呀???
d pass 都分左幾種0家,你要睇location 係城入面定係城去第二個城,唔同0家,我上次係買完城去第二城後,係城入面都要坐火車,所以去到火車站都係買左.
回覆刪除提定你,係火車站買飛,同一個地方都可以分3個價錢,因為係分車程,越耐越平,越快就越貴! 你到時留意下,唔難買0家!
你係香港買pass 個d 應該有埋坐位0家!
[版主回覆05/18/2011 11:10:00]哦~~~
咁我明白喇!!!不過我預去既地方,都係城入面可以用腳行...係羅馬要搭吓metro咁...同埋瑞士會狂搭囉!
有你提真good呀!!!等我遲D有咩唔明,可以問吓你先~~~~
metro 到0既,你盡量都坐,你買個d day pass 或者 3 days pass喇,外國地方好鬼好鬼好鬼大....下下真係行到腳都斷,我地初時都以為好近可以行到,點知行成粒幾鐘都仲未到,個下感慨"世界這麼大"!!
回覆刪除所以.....比比奉勸....坐得就坐...唔係就係行到想喊!!
嘻,呢幾日休養生息,睇下寫完個婚禮後記,寫唔寫到個歐洲遊先,都唔係好記得!! 哈哈!
[版主回覆05/18/2011 14:51:00]哈哈!!我睇地圖都覺得D景點好似好近咁....可能我既地理觀念都係俾香港港局限左...我知我係羅馬個兩日一定要買1day pass啦!!
其他地方,去到睇吓有無先....加油呀!!!難得既休養生息既假期,要好好咁休息...有時間寫埋個歐遊就perfect喇