My Lovley Home の Day 185 ... 村屋裝修同路人^^

好感恩呀!!係討論區見到，原來都有好多朋友仔係裝修緊村屋，雖然當中實質對我們家有用資料比較少…因為D間隔，窗呀、門呀、連傢俬擺位，A小姐都已經幫我地諗好晒，但係，有睇佢地既裝修過程，或者一齊研究唔且設計，感覺都好滿足呀!!!

願天父都保守大家的家，都能夠順利完成裝修，願天父賜一個讓我們能夠真正完全放鬆休息的家。

 

呀呀!!!我完全唔記得左添!!!唔唔...之前成日都提過...個衰人鄭姓判頭成日講左話，最離譜係明知有錯都刻意隱暪，事實小嘉同上進同所有家人都對佢完全不能夠再信任，係咁既情況下，壞人J終於動用佢既後著...換判頭喇!!

真係要燒煙花慶祝呀!!!!壞人J話今次呢個判頭，之前係做開港鐵既工程，咁港鐵都工程的要求係非常高，所以我地可以安心喇!!要事實...暫時嚟睇...新判頭(未知叫咩名)好似都幾OK，起碼佢會用唔同方法去清理外牆既灰...亦有講可能係之前落石屎時，震得勁過頭/唔均，所以外牆咁多灰喇!!!

點都好啦!!噚日上進問返宇媽，佢地有兩個師傅一個雜工做緊野...兩個師傅包牆角，雜工執拾屋內外既雜物同之前拆批蕩時留下既石碎...小嘉好感恩，其實如果唔係批蕩出事，都唔知鄭姓判頭個心地咁壞...咁就唔會換呢個新判頭...小嘉知道..凡事天父都有其美意的。

ivr

貓の介紹 ... 莉莉亞 Liliar

噢!!實在太久沒有寫貓貓的blog …這陣子超忙的說~~~

肥li …不要鬧我哦!!!

好，回正題…現在介紹家中最後一隻來到的貓(暫時…不知將來會否又再出現新貓)。

Liliar …驟耳聽來好像名字不錯，牠剛出世不久就跟著其他大貓(或者是媽媽貓吧??)到了珍妮家樓下，每天讓珍妮養得飽飽。珍妮每見有新貓就會給牠改名字，而事實上Liliar前身正名是…Lily，但每每珍妮/阿四見到牠，都不其然會：Lily 呀，Lily呀…的叫，久而久之只叫Lily，牠是不會回應，但叫Lily呀，牠就飛出來吃食物。

Liliar到來我家的經過是發現牠的媽媽/家人不見了(街的流浪貓都是這樣，過一段時間就會消失…可能返天家了…很傷感哦!)，而珍妮又想幫Liliar做絕育手術，但又見佢小小一隻，好像沒貓照顧，於是就將牠帶到家裡了!

而經過我們家珍妮悉心照顧加Liliar自強不息搶食行為，牠已由Liliar進化到肥Li了。

養了這麼多的貓，相處時間一長，就發現其實每隻貓咪都有自己的性格，而肥Li絕對是少數奇怪貓…牠…是一隻會報仇的貓，真的第一次見!

舉例，如果牠坐到單人座位上，而同時我們需要坐那張椅，一如對待其實貓咪一樣，將牠會抱落地/推牠跳落地，其他貓咪就拍拍屁股走貓…但肥Li，牠一樣會拍拍屁股走貓，但走前先在你的腳狠狠咬一口渲涉不滿後才施施然的走開。

又試過，跟肥Li玩遊戲，像是拿一個用繩綁著的羽看，玩的時候當然是吊下吊下，讓貓咪不停跳呀跳，有些時讓牠僅僅掂到羽毛然後立刻吊走，有些時讓牠抓也抓不到…這個遊戲就是這樣玩呀!!

其他貓咪都玩得極度投入，就只有肥Li…像是看穿我們耍牠一樣，跳幾跳…發現瞄頭不對，又走向我們腳眼處狠狠給我們熱情一吻…然後極速逃跑…

這隻復仇心強勁的貓咪…是正常嗎???

女王般的肥Li~

說真的...全家貓裡...最懂得找靚靚角度影相...就屬肥Li第一名!

牠喜歡時就坐在你旁邊...但如果換轉我們想坐在牠旁邊...門都沒有呀!!!

日光浴中的肥li...

 

發現鏡頭瞄準....

立即擺個誘人姿勢...實在...這pose好怪~~

歡迎來認識肥Li哦:

ivr

My Lovely Home ... 傢俬@香港遊 ... 28 Sept 2010

好喇!!講完燈飾，當然要講埋傢俬啦!!!

之前提過係深圳都有一家傢俬店睇中sofa同茶几，但小嘉同上進當然唔會就咁就下決定啦!!!於是，小嘉同上進前兩日放工後都去左睇下傢俬喇!!

首先第一日去左新世紀，其實呢度唔係真係好多傢俬店，咁上進早放工所以先望望，佢見到有張sofa好靚，係皮嚟，不過要成一萬蚊，佢好似幾有興趣咁…但係…小嘉覺得唔使咁貴啦!如果呢個價錢，咁我會俾多D買cheers好過喇!!(其實係小嘉唔太prefer皮梳化，覺得布靚D!!)

於是繼續周圍行，去到idea & design理想空間(無記錯名的話)，見到有張梳化幾靚喎…其實呢張早係幾個月前，小嘉同上進都覺得唔錯，佢三座位$68XX左右，但係我地要兩座位，要留返D space放兩張armchairs，所以問過兩座位就$4880。個價錢其實同深圳睇中既貴幾百蚊，但係深圳仲有運費既問題。所以小嘉同上進，好大可能所有傢俬都會留返係香港買喇!

呢張就係我地睇中既梳化...我覺得都OK型呀!!!

 

呢張櫈...好得意...唔知dinning area可唔可以放呢???

 

呢張都係理想空間睇到覺得唔錯既茶几...不過...會繼續看看其他款!

 

小嘉噚日上網，仲搵到一張好正既書台，可以放係kawai's room度，呢度A小姐都suggest用白色木feel既傢俬…希望我揀呢張台可以OK啦!!!

呢張書台連書櫃...好靚呀!!!要$3690 ... 唔知算唔算貴?不過如果真才實料...小嘉覺得都值既!

 

但係呢家發現全屋最難搞既傢俬係…餐枱呀!!!!因為A小姐prefer我地揀淺色—即係白色，本身白色款都唔係太多(我地要好plain…唔要台上面有花紋個D款)，噚晚去自我家，見到有兩三張白色餐台好靚，而且又match到我地心目中既款!

自我家靚靚白色台...現場睇靚過相好多~

 

呢張估唔到原來好靚...因為之前一晚同上進係網look過...佢第一時間話呢張唔好,點知噚日去到...佢都忍唔住話呢張好靚!

 

不過…

佢地得一個size呀!!!!!!D台既長度多數係14X-15Xcm,但係我們家要灼200 -220c m既台，問過都係得one size…但係真係幾靚，價錢又OK。

所以小嘉同上進，今日放工再出發，試下去歐化望望，會唔會大心目中既白色大餐台，不過小嘉心想…係歐化睇中既…都唔慌會平得去邊…

嚟緊星期六…我地又會再同P弟夫婦同姊妹+朋友仔hoiling一齊睇三家人各自既傢俬燈飾…會去emax, come in,旺角等等，希望搵到多D又平又靚又好質素既東東啦!!!!

voicexml

My Lovely Home ... 燈飾@香港遊走 ... 28 Sept 2010

呢排好攰呀!!!

自從星期日俾深圳D燈嚇一嚇，於是就不停睇睇看香港D燈既價錢…星期一放工就同上進先到新世紀度睇下D傢俬…不過發現其實又唔係真係好多店喎，於是轉戰旺角上海街一帶。

感謝天父，我地去到時都成七點左右，諗住D舖都可能閂門啦!點知…又唔係喎，好多舖都仲開緊，於是入左幾間睇下D價錢。

比較過，其實香港燈舖都有超多款，而且價錢比我地深圳睇個商場都係差唔多，什至平D(當然…知道其實深圳有D地方賣燈會平好多，不過…A小姐個同事唔多suggest我地去那些商場，佢地都係驚個quality唔夠好~)

咁我地睇D款係香港都唔係好貴，幾百至一千左右，咁就算深圳好平既地方買，計埋運費都唔係真係平好多啦(我估)，所以上進都覺得可以係香港買。

不過，P弟老婆個家姐原來識內地歐普這個牌子的老板(我上網睇…原來呢間公司好似好勁，係內地照明公司既龍頭咁~)，而星期日睇既燈飾其實就係呢間公司既代理(唔知代到幾多代既代理，所以價錢貴D喎…information by P弟老婆)，P弟老婆話如果她姐姐幫我們訂，可以有一級代理既價錢，即係大若市價既五折…我唔知市價係幾多啦!但係如果用星期日個價錢計，都平好多lu!!

所以呢家都係睇定D先，燈就照舊不停遊走香港看看有沒有自己喜歡又覺得A小姐會認為match我們的，然後再看看歐普有沒有啦!還掂A小姐十月頭去十幾日日本遊，我們家的燈飾，都要等到十月中才可以定款和購買…不過…原來燈訂了都要等十幾日才有貨，希望時間可match到裝修進度啦!

在深圳看到...discount後都要人民幣790的燈...香港$8xx仲要真係買可以再有discount

 

上進好欣賞呢盞燈...放邊呢???飯廳?????定係客廳....但係客廳就細盞過頭喎!

 

呢個波波燈都唔錯....可以放係客廳中空位置...香港都係幾百蚊一盞...希望歐普真係有得好平就好喇!!!

voicexml

My Lovley Home ... 深圳傢俬@26 Sept 2010

星期日看玩燈飾，吃過午飯，就向傢俱店出發喇!!!

首先到了地下，先到一間傢俱都外型不錯，設計較in的舖…哈哈!!!這間舖好有格調…價錢沒有議價空間，一張餐桌要人民幣八千多(不是實木…只是不知那種木打碎再壓出來…)，一張簡單線條的單人椅…九千多人民幣…

說實在，這個價錢…我絕對會返香港買囉!!佢地因為外地入口貨所以貴…但講到尾…又係中國造…唔值!

之後看過幾間都較貴，但後來都發現有D較acceptable既舖，感恩!

小嘉和上進都看中這張sofa，扶手位的木可以轉黑色，我估這個sofa外露的木都是實木…因為…比較薄，而且摸落去都好木既feel…因為這張sofa是今個月的推銷產品，九月前買盛惠人民幣三千大洋!!

不過，可惜，我地今個月無可能會返去訂，所以…如果真係要買…要三千五喇!!不過…到時話唔定可以殺到價…當然…要P弟老婆出手啦!!

我地仲搵到大約同款既茶几，也是用黑色木…四百幾人民幣…唔…都可以接受!!

其實我地本身都睇左好幾張餐枱…都係深色木(其實小嘉覺得幾靚架!!!)，不過…返到香港上進打俾A小姐…結果…我們家地下都是白色為主…深色傢俱…一件起兩件止…所以…都係香港睇下有無白色型仔既餐枱啦!!係深圳就真係唔太覺有囉!!!

就係呢度...我諗這裡的傢俬是較貴吧??

 

這個超型枱...有諗過做餐枱...但雙腳唔知放邊...打算做書枱...一來太深..二來...兩個人坐唔到..又係頂腳...放棄!

 

這個櫃幾靚....未折九百幾...不過....係度遇到不愉快經歷...

 

什麼不愉快經歷呢?就是..我們都知道情況,所以拍照前都先問過店員...點知...影完呢兩幅,有個男人走埋話我地唔可以影相...仲要態度一般...小嘉就同佢講,我地問過店員喎!

呢個衰人...好大口氣話:我係店長!我話唔影得(類似咁...)哼!咁又點呀!你地間舖內部溝通都未做好...你呢個店長咪就係做得唔好囉!一個話得...一個話唔得....我問過先影...你講到好似我地犯左法咁....

就算你間野點平點好...我都唔會幫襯!哼!

 

這個是看中的二人sofa...

 

布轉灰色...扶手就黑色木....好像不錯^^

voicexml

My Lovely Home ... 深圳看燈@26 Sept 2010

星期日，早早起床到深圳去，因為有A小姐深圳studio的同事和司機帶我們看，所以…實在小嘉去了那些地方都不太清楚=.=

首先看看燈飾，這些燈飾的款式，其實好像都差不多，不過…這裡的價錢好像不便宜…所有都有些失望!

不過這天就當是看看A小姐覺得適合的款式，我想我們家大多數燈還是回香港買了!!!因為A小姐的同事，他們都是內地人做室內設計的，所以對當地產品的quality會較清楚，他都說在那座mall的燈quality會有保證些，如果太便宜，他們自己都覺得不太安全!

不過，看過後那些款式基本上香港應該不難找，如果價錢差不多(我覺得有可能更便宜)的話，當然在香港買啦!!一來品質燈店都check過先，，二來包送貨安裝，運費都可以省回啦!

這個可以看看做飯廳/客廳燈....這個size(23.8cm直徑)...港幣大約$750左右.

 

這個做樓梯燈不錯...不過....港幣要成760左右....感覺樓梯燈...二三百都已經很好啦..那裡要七百多呀!

 

這個是小嘉房的...哈...不用二百蚊港幣~~~

 

小嘉房的桌燈...要港幣560左右....有點貴...不過X寶好像都差不多...

My Lovely Home の Day 180 (25 Sept 2010) ... 窗簾布之旅

星期六，和上進下午到SSP再細看一次窗簾布，因為上進未去過，所以就當是confirm那裡的價錢是否真的很便宜啦!!

去到SSP…小嘉迷路啦!!還是跟珍妮一塊去好，這裡是她留下不少腳毛的地方，轉幾圈，拐幾個彎就到了。可是小嘉跟上進…就像走入迷陣一樣…好啞…不過，下次再去應該是訂布了，這次珍妮會跟我們一塊去!哈哈!!不用怕迷路啦!!!

回正題…首先去到就看看一本本布辦，後最後一版揭...咦!!!為何是五十多元 一碼 的???明明之前看過是三十多哦!!再問問老闆女(小嘉估的啦!!她態度超nice…年紀比上次的老闆後生很多，而且像是能話事的!!)，原來…五十多的是全遮光布，而三十多是半遮光…

當我們左摷又反轉間舖時，老闆女超級好人，她問問我們大約是要那種style和顏色，就不停拿出各種不同的布版!

其中一本，是最近才到的款式…嘩!!一打開看…不得了!!超型超modern超正呀!!!!!不過…這個價錢貴很多哦!!!要73 一碼 ，但真的很漂亮哦!!!(比最低預算budget多了一倍價錢!!!!)

然後，老闆又Show一本最新的布辦…連價錢她都要check check先知!!這個很靚很elegant超正呀!!是有點點絨面的…好好好靚呀!!!價錢…這個小嘉初初想…要貴很多吧!!哈!!怎料…$68 一碼 ，比modern布平一點點!

modern靚靚布的wave款...其實這本布辦是立體感很重布....現場睇靚超級無敵多...

 

這裡看的顏色都偏差了...現場看...很靚....一想到掛在廳中...即刻型很多呀!!!

 

這款小嘉都很喜歡呀!!!!好立體的!!

 

這個是房間的....好elegant呀!!!

 

有淡淡的絨面....摸的時候...超舒服!(還有兩款...不過....太多相...唔show啦!!!)

 

同場加映...紗布.....小嘉房...藍色的...(其實它是兩隻色的紗一起織....相機影不到那效果..)

 

有絨的花紋紗...這個有漸變色....

 

簡單的絨紋紗布...

 

淺藍色也很漂亮哦!!!

 

用白色絨加淡黃色紗...放在藍色布上....很不錯^^

 

看完這些靚靚布，又再望返之前那些款…其實它們並不差…可是一compare…就兵敗如山倒…結果…上進想都用想…modern style那款因半遮光..就放廳…elegant的是全遮光…就所有睡房都用它!!!

唉…小嘉又要再執過個budget喇!!感恩…雖然布看上去貴了很多…實在…比起在街訂造…還是超便宜…而且這些布如果在窗簾店買的話…應該要過百元 一碼…超讚呀!!!!

要感恩…天父給了我一個無敵媽媽哦!!!

voicexml

My Lovely Home の Day 179 (24 Sept 2010) ... 傢俬&燈飾佈置

之前收到A小姐既同事sort out左既傢俬同燈既配搭圖，基本上…我們地下主色就是白…再加一點點黑和少少其他color…就這樣喇!!

而二樓都沒有什麼佈置…小朋友房…還是待有小朋友時才再佈置啦!而小嘉房，A小姐誤會是一間睡房，所以suggest用的還是有衣櫃和床…所以小嘉都是自己再周圍逛逛看看，再揀囉!

三樓呢…傢俬的顏色…主要是黑色…一點點灰…一點點啡…

我們約了A小姐的同事和司機星期日的時候，對那些店看看…小嘉和上進都充滿興奮心情呢!!不過…回來後就…下篇再說!

先看一點點A小姐給我們的燈飾和傢俬配搭圖啦!!!

這個是廚房跟客廳...

 

這個是睡房...

 

小嘉在X寶網找到的....如果間舖OK...可能就在X寶訂吧~

 

 

這樣一張旋椅...都可以配搭到房間設計.....

 

小嘉跟上進其實都蠻喜歡這種Sofa...不過....未必match 到我們家的style...

 

voicexml

My Lovely Home の Day 179 (24 Sept 2010) ... 裝修遇到壞判頭>.<

中秋節翌日，上進終於係西班牙返嚟喇!!小嘉去機場接機後，就一齊返宇爸媽度。

返到去，緊係第一時間睇下個進度啦!!咦!!!!見到吹水王鄭姓判頭同一個師傅已經係度撒沙仔，但係有D地方既批蕩仲未整甩喎!於是打俾壞人J，最後之前砌磚牆既判頭接左手做拆批蕩工程，噚日都見到佢地快手快腳咁拆走D未清得晒既批蕩。今日D君就去左睇過，咁都OK收貨，所以嚟緊會再做批蕩喇!!!呢家開始做包牆角，壞人J話遲D會同時有十個工人一齊做，預計 十月三日 就可以完成個批蕩，可以開始鋪磚喇!!!

今日上進放假，同D君睇完之後，有一個之前既批蕩師傅返嚟追人工，咁呢D唔關我地事，所以個師傅都無咩…不過佢就講返一件小嘉同上進都覺得幾嚴重既問題。

據呢個師傅講，原來佢地最初做批蕩工程時，已經問過呢個不知所謂既鄭姓判頭洗牆同埋撒沙，但呢個衰人竟然同師傅講話唔需要，仲要懶勁咁話有咩事佢負責！

好喇，咁做做下其實D師傅已經發現有問題，呢個衰人竟然同D師傅講繼續唔使洗牆同埋唔使撒沙，叫D師傅襯宇爸屋企無人時，就即刻鑿走有問題既批蕩，仲要襯我地未返屋企前批返好去!!!!!

嘩!!!你個咩人嚟架!!!點解可以咁無良，呢家感恩發現到，無論如何做完個批蕩，呢個判頭都唔可以再留，佢太無職業道德喇!!!外牆嚟架，有咩事D批蕩跌落嚟，真係可大可小，點解佢可以咁架!!!!

間屋一搞掂，小嘉一定要開佢個名，朋友們千祈唔好搵佢做野，佢咁做同個D無良黑工無分別，變態架!!!!!!!!!!!!!!!!

voicexml

My Lovley Home の Day 176 (21 Sept 2010) ... 裝修進度の開會

噚日上進用skype打電話俾宇媽，之後，上進聲音流露出不滿咁打俾小嘉，原來宇媽話D工人噚日只係做左一陣間野，一落雨就走人，而且覺得佢地呢排根本好似無進度咁，D牆角都無咩點包到咁。於是，小嘉見佢話仲有時間，就不如直接打俾D君啦!

後來上進話俾小嘉知，原來B君安排 左D 君，壞人J同鄭姓師傅去左開會，所以上進就叫小嘉遲D再打佢問問個情況喇!

到左放工，小嘉打俾D君不過都仲係無人聽電話，於是小嘉就留message喇!過左一陣D君就覆喇!

原來，噚日佢地見落雨都做唔到D咩，而D君又覺得那個鄭姓師傅好似好唔掂，講D野無句真咁，於是就一次過捉晒佢地上去office度開會喇!。

咁D君之前聽那個吹水王鄭姓師傅口口聲聲話，D批蕩兩個星期都做好，但D君覺得無咩可能，覺得唔多對路，於是經過噚日開會後，定左一定要係十月十日前完成所有批蕩既工作。

哈!D君噚日問吹水怪鄭姓師傅嚟緊有幾多人開工，可能呢個鄭姓師傅終於發覺唔可以再亂講，於是佢就唔肯講有幾多人做野。而D君話遲D會俾一個progress list俾我地，當中會寫明邊日會做完D咩野，如果發現吹水怪魔鄭姓師傅做唔到，就會向佢開刀兼開火還擊(我都不知幾想佢快D走，換人做好過!)

而小嘉同上進都擔心咁搞法，我們家幾時先可以完工呢??!

咁D君就話，按佢地呢家個schedule,都一樣可以係十一月中前搞掂，不過D工程將會一個接一個，唔可以再做完一part停一陣先做第二part(小嘉心想…乜唔係不嬲都應該一路做唔停咩???)，所以佢地都訂好晒磚， 十月十日 一搞掂D批蕩就即刻鋪地台喇!!!

咦!咁佢地會幾時約quickstep個邊度尺呢??

真係希望今次既progress係可以跟到啦!一切都交給天父帶領!

voicexml