其實本身小嘉同上進唔需要太理會分體冷氣呢part，因為係我地同承建商裡面簽既合約，已經包左九部分體冷氣連安裝，都要成$63,000架!!咁B君佢話我地可以揀自己鍾意既牌子，所以最初都係揀左大金。
但係前排先知道，原來B君包既冷氣，只係大金普通既型號，無變頻無冷暖，係商討後，B君話再去問冷氣個邊既報價，不過我地要補返個差額，而係咁既情況，小嘉同上進都係要求全屋變頻，但只有廳同房係用冷暖系列。
小嘉自己都不停上網搵資料啦!!睇過幾間網上有價錢既店，大金變頻R 410A 雪種有埋冷暖，計落其實都係四五萬左右，當我地預1萬左右安裝，其實$63,000都夠晒全屋用晒大金冷暖喎!
而感恩，上星期嘉爸無啦啦同某親戚傾開，發現原來佢係某電器既職員，於是小嘉再望埋Panasonic既變頻冷暖喇!其實原來Panasonic都同大金價錢都係差唔多喎，所以如果親戚個邊discount唔太多，都係會要返大金啦!
點知，嘉爸遲遲都未俾我張電器list個親戚，於是小嘉自己send e-mail同打電話俾佢，親戚話變頻冷暖都唔錯喎，而佢就講左佢幫我地拎貨既大約價錢。嘩!!!!!!!!如果佢講既價錢係真的話，咁就真係平好多呀!!
於是，上進又問問B君喇!不過，由於前車可鑑，所以今次小嘉都叫左上進問清楚B君，若果我地自己買分體冷氣，B君會唔會可以安排人安裝，同埋個價錢係點，事關如果佢地唔做，我個親戚都話可以搵人報價。
不過上進同B君講完，佢話唔好煩呢D住，因為呢家都仲煩緊傢俬個部份，佢話如果冷氣個邊報價返嚟，每部貴多一千幾百的話，佢話唔收我地個差價喎!咁當然，上進同佢講明我地係全屋變頻冷暖啦!
大金R410A既變頻冷暖機...外型唔係特別靚咁~~~
Panasonic變頻冷暖(唔記得係咪R410A)..外型都差唔多...不過好似靚大金少少咁!
其實小嘉初步估計，如果親戚個價真係咁正，其實9部應該個價錢都只係3萬幾4萬，當安裝修1萬5，我地都仲可以慳都萬幾蚊。不過，如果B君佢地真係做到9部大金連安裝有埋冷暖變頻(我都唔介意係咩雪種喇!)，唔收我地差價，咁小嘉同上進都算啦!話晒B君做我們家個地基都無得賺(唔蝕都偷笑)，所以大家好來好去都無咩所謂，但如果要加錢，咁就無法喇!!
沒有留言:
張貼留言