中秋節翌日，上進終於係西班牙返嚟喇!!小嘉去機場接機後，就一齊返宇爸媽度。
返到去，緊係第一時間睇下個進度啦!!咦!!!!見到吹水王鄭姓判頭同一個師傅已經係度撒沙仔，但係有D地方既批蕩仲未整甩喎!於是打俾壞人J，最後之前砌磚牆既判頭接左手做拆批蕩工程，噚日都見到佢地快手快腳咁拆走D未清得晒既批蕩。今日D君就去左睇過，咁都OK收貨，所以嚟緊會再做批蕩喇!!!呢家開始做包牆角，壞人J話遲D會同時有十個工人一齊做，預計 十月三日 就可以完成個批蕩，可以開始鋪磚喇!!!
今日上進放假，同D君睇完之後，有一個之前既批蕩師傅返嚟追人工，咁呢D唔關我地事，所以個師傅都無咩…不過佢就講返一件小嘉同上進都覺得幾嚴重既問題。
據呢個師傅講，原來佢地最初做批蕩工程時，已經問過呢個不知所謂既鄭姓判頭洗牆同埋撒沙，但呢個衰人竟然同師傅講話唔需要，仲要懶勁咁話有咩事佢負責！
好喇，咁做做下其實D師傅已經發現有問題，呢個衰人竟然同D師傅講繼續唔使洗牆同埋唔使撒沙，叫D師傅襯宇爸屋企無人時，就即刻鑿走有問題既批蕩，仲要襯我地未返屋企前批返好去!!!!!
嘩!!!你個咩人嚟架!!!點解可以咁無良，呢家感恩發現到，無論如何做完個批蕩，呢個判頭都唔可以再留，佢太無職業道德喇!!!外牆嚟架，有咩事D批蕩跌落嚟，真係可大可小，點解佢可以咁架!!!!
間屋一搞掂，小嘉一定要開佢個名，朋友們千祈唔好搵佢做野，佢咁做同個D無良黑工無分別，變態架!!!!!!!!!!!!!!!!
一於開佢名呀....唔好比生意佢呀..
回覆刪除[版主回覆09/27/2010 10:08:00]我呢家無佢名係手呀!!!要等老公問...不過講真...個二判未必俾呢個衰人判頭個名我地....佢地大家識左好耐=.="
唉....我發覺無一個人係裝修時, 係會好順利, 梗係一定會遇到唔好的裝修人....都係感恩發覺到囉.
回覆刪除[版主回覆09/27/2010 10:07:00]星期五晚...老公講我知,話呢個衰人判頭...被判出局喇!!
今日應該會有個新判頭嚟!!!希望之後無問題再出現就好喇!!!