前幾日，上進打俾B君問下大約幾時會有其他額外裝修同訂造傢俬既報價，而順帶都問佢地會唔會做到鋪木地板既工作，但係B君拒絕左lu~因為佢話未鋪過呢個牌子，同埋唔係自己訂，怕鋪錯左會麻煩，所以唔會接呢part既工程嚟做喇!!!
嗚嗚~~咁小嘉同上進唯有俾多D錢等quickstep做返，不過都好既，起碼唔怕鋪得有問題。
不過同A小姐傾過樓梯問題時，佢話quickstep應該做唔到只有step side(踏面)鋪木板，應該連vertical side(立面)都要鋪埋，咁我地問quickstep個價錢都assume係鋪晒既，但實在…小嘉覺得只鋪step side靚D，成條樓梯鋪晒，好似感覺好重咁。
不過經過小嘉努力上網search，發現台灣那邊有blogger用quickstep只鋪step side喎!而且仲好靚添，佢樓梯兩邊都無用收口條嚟做修飾，於是小嘉同上進噚晚send 個e-mail俾A小姐，再attached埋網上搵到既相片，A小姐都話咁樣會幾nice，不過如果vertical side係用油漆就要consider埋將來佢可能會變dirty同壞咁喇!
於是小嘉同上進諗諗後，那麼樓梯的vertical side鋪磚都OK呀!!鋪白色的磚效果應該都不錯!為左早點知道，所以小嘉剛剛已打去quickstep的hotline到問，原來佢地都做到只係step side鋪木板(唉~元朗個阿太，之前問佢又話唔知做唔做到，未必做到咁!!!!個不是最初給我們discount的sale…她放產假中哦!所以成日問野都好似唔識咁!)，小嘉再問如果vertical side唔用油而係磚有無問題，佢地都話應該OK的!
至於樓梯兩邊，其實佢地standard做法都會用一D收口條的，但小嘉同上進看過，那些修口條有成三吋高，鋪了樓梯兩邊後，感覺好似heavy左好多咁，於是都問問個熱線小姐，佢話如果唔用修口條，D師傅一般都會唧膠嚟收口。
不過同上進再諗諗，雖則樓梯兩邊無條口條係靚D，但係將來如果拖地(小嘉應該都拖得密，我喜歡乾淨D!!)，咁樓梯兩邊D油會唔會甩呢?就算唔甩，因為D油係白色，咁都可能整整下變左灰喎!!!於是，呢個問題…小嘉且上進交左個波俾A小姐去諗喇!!!
而最最緊要，當然係價錢既問題啦!!!因為之前quickstep既師傅報價都係憑口講，未去到現場睇(呢家都未睇!)，但根據我係網上面睇返同問，佢呢家話$1000一級樓梯，不過我見佢地個website的工程相，佢地應該係包拆左之前既磚/地板，再鋪夾板係底，然後先鋪quickstep，而且佢個價錢係預step and vertical sides都鋪木板，所以小嘉都問個熱線小姐，我地唔使拆野，又唔要鋪夾板(只係踏面都無呢個需要啦!)，而且只係踏面先鋪，材料用少一半，手工又做少一半有多，仲唔計我地無野要拆喎!!點都平好多啦!!我估!希望啦!!!
看看...他們的樓梯並不需要用夾板先封好...只是vertical side油了油漆!
(借用了這個朋友的相片...如果有問題,請告知...我會即刪除哦!!)
完成後多漂亮!!!!不過我們家打算vertical side鋪磚...將來較易打理嘛!
沒有留言:
張貼留言