噚晚剛食完晚飯，上進就收到壞人J既電話，佢話今日會有四個師傅做拆批蕩既工作(希望係真啦!)，而佢今次就老實好多，佢話重做批蕩既師傅，佢暫時只係搵到兩個人，佢都仲努力搵緊。
另外，壞人J仲同上進講返，噚日已經同A小B君佢地一齊睇左D傢俬同廚櫃既舖頭。於是上進就打俾A小姐問問喇!
A小姐話佢睇左D廚櫃，咁廚櫃門既收口佢揀左D好簡約款既，或者小嘉同上進遲D再去望望係點樣。另外，A小姐都講佢係深圳間工作室既同事，都已經sort out左一D傢俬同燈飾出嚟，遲D約埋時間，A小姐既同事會載我地周圍去睇返，A小姐話暫時就咁睇D相，都覺得D quality唔錯，而且都好平咁話。
呢 方面A 小姐都話唔太擔心，因為佢個室內設計組既同事，成日都會去睇同買，所以已經熟晒邊度買既傢俬同燈飾係價錢合理而個quality係好既!所以真係超good呀!小嘉可以唔使成日上去深圳左望右望去比較之餘，仲唔怕遇到D黑店，好感恩呀!
不過因為上進星期五凌晨就會去巴塞，而A小姐十月又會去日本旅行喎，所以希望可以約到下星期日去深圳到睇下D傢俬啦!
沒有留言:
張貼留言