關於電器呢部份，小嘉大約係十月頭就會去作最後格價，
然後就會開始訂電器喇!不過，上星期嘉爸同小嘉講，
原來有個好close既親戚係信興做架!咁嘉爸問左佢話應該都會有員工價，真係好感恩，
因為小嘉大部份電器都係Panasonic架!如果有得好平就超級好喇!!!!
而本身我們家都打算用大金分體，但都睇左Panasonic一D變頻冷暖既機，
其實之前教會楊傳道都講過Panasonic既冷氣唔錯，佢話佢之前屋企部冷氣壞左，
維修既師傅維修時都講開話Panasonic好，所以…都俾埋親戚報價先，
如果個價錢真係平好多，咁就全屋都轉晒Panasonic既分體式，呢D小數怕長計…
而且我們家要買成九部分體式，如果加埋P弟佢地，真係有成十幾部機，
每部平一千幾百的話，條數都好勁喇!
9部咁多@@?
回覆刪除我post咗d 冷氣報價出嚟喇,你可以睇睇丫~
冷氣都係大金同埋樂聲最多人讚好呀~
[版主回覆09/15/2010 09:22:00]thx thx thx !!
係呀...要九部....
地下四部..二樓兩部...三樓三部.....
老公細佬本身都係九部..不過佢好似話有D房無人用就唔裝住...所以要計計先^^
係呀, 我識人係整冷氣及買冷氣, 佢話如果買分體, 一定係大金最好, 樂聲有幾位朋友最近買咗, 但評語都唔係幾好. 你要留意呀....都係大金會好.
回覆刪除如果係用window, 就會係ransonic及日立, 跟住先到樂聲.
[版主回覆09/15/2010 09:26:00]我都覺得大金好...不過我可以去親戚屋企望望..佢地自己最近都裝左....
其實我都未用過panasonic冷氣.....不過教會就全部都係呢個牌子....感覺....超凍...都OK靜...不過佢地係個D好大部係天花板個D囉!
我地用唔到window款.....全屋都用分體呀!所以都無研究過咩牌子好~