極度極度可惡呀!!!!今朝地盆經理D君一早九點幾就入左我們家的地盆，點知去到一個工人都無，D君都興興地咁打電話俾壞人J(可知…D君是一個無咩脾氣既人…係我地呢幾個月既相處中感覺…)，終於D十點幾D人先嚟!仲要得兩個人，加埋個雜工都係三丁友，搞錯呀!!!!佢地之前又話四五個，幼稚園學生都識數一二三啦!!!
上進今次真係興喇!於是係咁問判頭鄭生，鄭生又係個D好似好helpful既語氣話，聽日連埋佢有三個做批蕩既師傅，佢地就從新做牆角位!
鄭生仲懶勁咁話今日帶埋射水槍嚟洗牆，點知D君一睇就話唔得，一睇就知唔夠力，要佢再拎過另一次勁D嚟!
唉~呢班人好唔掂呀!!!嗚~~~嚟緊約一星期上進都去西班牙開會呀!!所以要小嘉睇住間屋仔先，有咩事就再話佢知…
而D君亦都即場要求鄭生將我們家的批蕩清得乾乾淨淨，而清乾淨後要影相send 左俾D 君佢睇過，無問題先可以開始批蕩，而D君亦會隔兩三日入嚟睇下!
上進仲問埋鄭生，呢家咁樣，幾時先可以做完批蕩呢part，唉…佢竟然話今日計起，兩個星期!!!之前壞人J講到口響又話咩齊人就5-6日都搞掂，好啦!上星期話俾十四日佢地搞，呢家過左一星期又話要兩星期，佢地好不知所謂囉!!!!!!!!
咁樣搞下搞下，只係批蕩呢part都用左成個月，上進已經同D君講，要拎呢個姓鄭判頭既卡片，連上進都話佢唔寫野既人都想作下文!!!!
哼!當我們家完成後，小嘉會嚟個大回顧，好既就當然讚，壞既…好似呢個咁既鄭生，我實要俾其他知，搵佢野要小心，自己都要睇緊D!
上進問D君，呢家咁十一月中搞唔搞得掂，D君都話應該OK，最遲十一月尾都可以完…感恩，小嘉都係預十二月先入伙，時間都仲係有D buffer，但唔可以再有咩差池，我要2010年前入伙呀!!!!!!!!!!
小嘉要冷靜冷靜，凡事交回天父的手中安排.
沒有留言:
張貼留言