好似都有好幾日無update過裝修既進度lu…實在也沒有什麼好說…仍然批蕩中…不過激氣既事情又再發生!!
話說批蕩既師傅人數一直都得個兩三個，但我地有兩間屋要批蕩外牆同內牆，問過幾次壞人J，佢都開始表現不耐煩，好似我地成日煩佢咁>.<(如果唔係你D工人唔掂，我地都唔使煩你啦!!!!!)
好啦!由上星期一開始，每日都話聽日會多D師傅，一時又話邊度邊度工程完左，D工人會齊，一時又話咁快都無用，D磚都未訂到…總之藉口多多!
其實佢地咁少人開工，我都已經無咩感覺，講真D磚又未送到嚟，如果送左嚟都咁慢，我就真係由朝煩你煩到晚呀!
但噚日，令人氣憤既事情又發生，事緣起屋既師傅之前留低左一D工具，於是噚日就返去我們家都拎返，咁佢行過，見到有D牆批左蕩，於是就用手敲下，唔敲尤自可，一敲就出事喇!!個師傅一聽就知唔對路，佢話D聲一聽落去就知係空心，咁橋個裝修細判嚟左，於是即刻捉埋佢嚟睇，佢用D鎚一敲，D批蕩竟然成塊甩出嚟!!!!!!!!
有無搞錯呀!!!佢話可能用用個D俗稱白膠漿既東東時，塗左太耐時間先再批蕩，所以貼唔實，一唔係就可能用唔夠白膠漿…我理得你點…總之就過份啦!!
哈!今次上進打俾壞人J，佢終於認低威，成日好似我地煩佢咁…如果唔係你地自己唔醒目，做野做成咁，我都無咁多時間去理你啦!!!你估你係明星咩!!!!
不過，都好感恩，感恩係其他裝修工程未進行前就發現問題，如果油晒油(我絕對相信呢班師傅，真係可以眼白白睇住D批蕩有問題都照做…所以真係要跟緊D!!!!)，鋪左木板之後先出事，我唔煩死都奇囉!
所以，小喜慶就係幾慶，不過唔太憤怒，知道佢地咁做事，自己睇緊D…如果唔係有主作後盾，都唔知點lu~
腳蹤:
錦都得 ?????? 不過唔好講人囉.....自己果間都唔知係咪有這情況牙 ~
回覆刪除[版主回覆09/06/2010 10:23:00]係囉!!就係咁都得....
不過感恩,發現得早...成個工程都係要用多幾日時間去做...希望之後佢地醒醒定定啦!