好喇!!講完燈飾，當然要講埋傢俬啦!!!
之前提過係深圳都有一家傢俬店睇中sofa同茶几，但小嘉同上進當然唔會就咁就下決定啦!!!於是，小嘉同上進前兩日放工後都去左睇下傢俬喇!!
首先第一日去左新世紀，其實呢度唔係真係好多傢俬店，咁上進早放工所以先望望，佢見到有張sofa好靚，係皮嚟，不過要成一萬蚊，佢好似幾有興趣咁…但係…小嘉覺得唔使咁貴啦!如果呢個價錢，咁我會俾多D買cheers好過喇!!(其實係小嘉唔太prefer皮梳化，覺得布靚D!!)
於是繼續周圍行，去到idea & design理想空間(無記錯名的話)，見到有張梳化幾靚喎…其實呢張早係幾個月前，小嘉同上進都覺得唔錯，佢三座位$68XX左右，但係我地要兩座位，要留返D space放兩張armchairs，所以問過兩座位就$4880。個價錢其實同深圳睇中既貴幾百蚊，但係深圳仲有運費既問題。所以小嘉同上進，好大可能所有傢俬都會留返係香港買喇!
呢張就係我地睇中既梳化...我覺得都OK型呀!!!
呢張櫈...好得意...唔知dinning area可唔可以放呢???
呢張都係理想空間睇到覺得唔錯既茶几...不過...會繼續看看其他款!
小嘉噚日上網，仲搵到一張好正既書台，可以放係kawai's room度，呢度A小姐都suggest用白色木feel既傢俬…希望我揀呢張台可以OK啦!!!
呢張書台連書櫃...好靚呀!!!要$3690 ... 唔知算唔算貴?不過如果真才實料...小嘉覺得都值既!
但係呢家發現全屋最難搞既傢俬係…餐枱呀!!!!因為A小姐prefer我地揀淺色—即係白色，本身白色款都唔係太多(我地要好plain…唔要台上面有花紋個D款)，噚晚去自我家，見到有兩三張白色餐台好靚，而且又match到我地心目中既款!
自我家靚靚白色台...現場睇靚過相好多~
呢張估唔到原來好靚...因為之前一晚同上進係網look過...佢第一時間話呢張唔好,點知噚日去到...佢都忍唔住話呢張好靚!
不過…
佢地得一個size呀!!!!!!D台既長度多數係14X-15Xcm,但係我們家要灼200 -220c m既台，問過都係得one size…但係真係幾靚，價錢又OK。
所以小嘉同上進，今日放工再出發，試下去歐化望望，會唔會大心目中既白色大餐台，不過小嘉心想…係歐化睇中既…都唔慌會平得去邊…
嚟緊星期六…我地又會再同P弟夫婦同姊妹+朋友仔hoiling一齊睇三家人各自既傢俬燈飾…會去emax, come in,旺角等等，希望搵到多D又平又靚又好質素既東東啦!!!!
我哩兩個weeks都開始全力買傢俬喇~ 好多都貪方便在元朗訂呢~
回覆刪除[版主回覆09/29/2010 15:56:00]我就無咁快...個設計師去旅行,十月中先返香港,所以我地自己睇下,如果個款同quality覺得好,就mark低先,等佢返嚟再一齊坐低傾傾囉~
你唔使咁快攪掂晒d野0既，等埋我嘛，哈哈~~
回覆刪除[版主回覆09/29/2010 20:32:00]哈哈...未搞掂...呢D都係暫時睇啦!!仲有好多地方要去睇啦...而且我地都要等設計師去完旅行先Confirm買邊D~
回覆刪除呢張我都睇中呀, 係唔係淘寶搵架.........哈哈哈
我諗住比個圖人地訂做呀, 但而家未攪得住, 都係好初步咁睇睇睇
[版主回覆09/30/2010 09:41:00]唔係呀!我係香港睇到...佢有綱址同店,我遲D都會去睇下,感覺下D材料係咪真係實淨...
俾個網址你look look哎:
http://www.tasteliving.net/goods.php?id=899
佢仲有好多款書枱,你可慢慢望下^^