由於上進身在西班牙，所以呢幾日都係小嘉打返去問個進度。
噚日lunch time打返去問，宇媽接過電話就話只有兩個師傅做緊包牆角既工作，而且又係九點幾十點先開工，下午四點幾走鬆人。同時間，宇媽覺得佢地無咩洗乾淨幅牆，而零碎既批蕩都仲留係牆上面。於是乎，小嘉就打俾D君問清楚喇!
咁D君都答返，幅牆佢呢一兩日都會入去睇清楚係咪真係乾淨，而佢都話暫時係只有兩個師傅做包牆角既工作。至於D師傅返工間時，D君都好無奈話炳過佢地，不過…呢班不知所謂既師傅當佢無到，照舊有自己的遲到早退返工時間。(呢D咁既工作態度…不如直情唔好做啦!)
但小嘉都問返咁幾時先做批蕩，怕工程會遲好多，D君都話其實過多一兩日就會開始批蕩，佢地今次會直接訂一D已經溝好既英泥，一來可以慳返唔少溝泥既時間，二來小嘉覺得個quality都會好D囉!而當做批蕩時，會有四個工人同時間做幾幅牆，咁佢地會安排一個師傅係一路清走牆上面未拆走既批蕩碎，而另外既師傅就會係呢D清乾淨晒既牆上面做批蕩喇!!
D君仲話遲D會入去「試範」俾D師傅知道佢地要求既批蕩有咩程序，而宇爸都會睇住個過程，咁樣第日宇爸就可以睇住D師傅做成點，一見有唔對路就可以即刻話返俾D君知喇!
之後，上進打電話俾小嘉，於是小嘉就報告返個情況啦!點知上進就好唔滿意咁少工人做清批蕩(其實…由頭到尾都係得 一兩 個人做野)，於是上進親自出馬打電話俾D君，哈哈!D君同上進講今日會安排四個工人(係承建商自己搵既師傅)，佢地會做清拆既工作…
哼!判左出去都要自己再出手搵師傅開工，我都唔知壞人J同姓鄭既師傅點樣同B君交待囉!
沒有留言:
張貼留言