呢幾日既心情，簡直如坐過山車…呢家都仲坐緊>.<
係星期五晚，小嘉同上進終於都收到壞人J既報價，心心急急返到屋企，打開電腦一個e-mail，立即聚精滙神咁慢慢細讀…越讀就越嬲，都最後小嘉真係完全忍唔唔到要噴火(事關上進有活動，所以小嘉自己獨自發火喇!!)
壞人J佢竟然俾呢個報價我地!!!仍舊大部份東東未報…好似樓梯櫃，裝飾櫃，衣櫃等等…但個價錢都夠恐怖喇!!
開放式廚房地櫃(三摺門)…$20XXX!!!呢個只係一個五尺多D既到頂櫃,裡面都只係放雪櫃同洗衣機,無任何間隔…說真就只是個木箱，佢竟然開我二萬蚊!!咁每直呎咪要成$36XX!!!
客廳電視櫃…$18XXX!!!!佢只係一個八尺半既普通電視櫃…你話複雜既都係後面連住一個五尺半既收納櫃…咁計法咪又要成二千蚊尺!!!
最最最離譜係…廁所天花!佢無寫明係咩材料(石膏板/鋁板),先講明我個廁所都唔大過五十尺…佢竟然可以開$12XXX!!!!!!!!!!!!!!!!!!!!!!!!!!!!我諗全香港有人屋企個廁所(一間計)可以over五百尺,就會呢個價錢!!!
仲有其他…都唔想講喇!!!
係咁既情況，再加埋佢地之前既批盪錯失，小嘉同上進都實在無咩可能會搵佢地去做呢D額外工程，所以呢幾日小嘉同上進都周圍去問價，最擔心搵到唔好既公司/師傅…到時又係一殼眼淚>.<
不過呢家又有曙光出現喇!!感謝天父，教會姊妹剛剛家裡也要裝修，搵左教會另一個堂既弟兄做，姊妹話呢個弟兄手工唔錯，而且裝修都較modern既，所以小嘉都叫姊妹幫我問問呢位弟兄，會唔會考慮我們家的裝修。不過小嘉既擔心情況都開始減低…因為相信全是天父安排…說不定是天父正安排一位基督徒師傅給我呢!!願天父繼續看顧帶領^^
我岩岩都係荃灣搵左間老店訂做家私, 係同事岩岩做過話好既, 不過要個幾月之後收貨先知好唔好!
回覆刪除[版主回覆10/12/2010 09:43:00]咁佢地價錢係咪都OK呀??可唔可以俾佢舖頭地址我,等我都去望望先^^
荃灣千色店門口有好多巴士站果邊向熊貓酒店方向行, 經過鍵榮家私, 利達家私, 再過2間鋪位就到全利家私架喇! 但我咩都未做, 唔敢講佢好呀, 最緊要搵男人sale好過女人, 我覺得男人好似有料dd。
回覆刪除[版主回覆10/13/2010 09:27:00]thx呀!!!等我settle左裝修D野...我又可以四出看看喇!!!
我係女的室內設計師 , 在裝修傢俬行業 , 穩守崗位超過 25 年 , 亦曾加入 ~ 香港名設計師協會*2007 , 參與香港會展展覽多年 ,
回覆刪除"最緊要搵男人sale好過女人, 我覺得男人好似有料dd。"
呢句話令我傷心 !
[版主回覆10/13/2010 14:09:00]其實blog友既意思唔係范指室內設計成個行業,呢家每個行業男女都可以有出色表現...佢係指個間傢俬公司入面既男職員比女職員有更深認識既意思。
謝謝你 !
回覆刪除[版主回覆10/13/2010 15:40:00]不用謝啦
既然天父給你有室內設計的恩典，我相信你定有好好的表現。我同時亦相信blog友並無惡意,佢只是表達對個間公司既睇法，所以作少少的解釋，令你們不要有誤會...這是很應該做啦^^
回覆刪除