十一黃金周…做左一日辛苦既苦力，星期六就開開心心咁同P弟兩公婆同埋hoiling一齊去睇傢俬燈飾喇!!
真係有感而發，如果結婚，真係真係真係要慎選兄弟姊妹人選，揀得唔好…唔單止幫唔到忙，仲會影響其他人對你既印象，實在…完全覺得…搵得咩人幫手，你自己就係D咩人囉。
好!返番主題，星期六我地首先去左Emax度睇傢俬，真係唔行唔知原來香港都有個算係大既傢俬商場，D舖都幾齊，當然同深圳個D無得比，但係冷氣夠，環境乾淨又舒服就咩都贏晒啦!!!
去到睇，初時都未有邊間舖話好OK，sofa仍然係idea and design張兩人sofa排第一位，不過其實睇返個價錢嚟計，其實香港同我地個日係深圳睇都唔差得遠，如果計埋運費同當中的風險，絕對覺得無返深圳買傢俬既需要。但最大問題…當然係要有睇中先得啦!!!
超級勁感恩，去到simple living時，見到張好靚既dinning table，其實原先入去前，覺得間舖既格局都唔似賣平野，但入去見到張枱都係$4XXX，又OK喎!!!不過張枱唔夠長，而且係深色既，於是問有無得訂造，同埋有無其他木既顏色。
So Good!!!原來佢有好多木的樣板可以揀，有小嘉超鍾意既木紋，而且仲係白色添!!!!!做一張1.9至2米(唔記得同個店員講邊個size)，都係$58XX…超級心動呀!!!上次係深圳都係差唔多質素，佢都要成四五千人民幣，仲要未計運費喎!!而且嘉爸話齋，就係D枱係大陸造，佢都會quality好過深圳買，因為中國會將最好quality外銷，而次一級先會留返自己賣(呢個當然指平價同普通價貨啦!!咁我都相信D暴發戶買得既，應該都會係好好好靚既野!)
其實之後有去到一間旺角既舖，佢係壞人J搵嚟之後幫我們家做廚櫃…不過講真，個日睇完問完，我同上進都有八成以上唔會俾壞人J做傢俬…佢地D材料…完全唔係我地杯茶囉!!廚櫃、衣櫃方面…我諗…有A小姐睇住…會好D掛??
另外，我地個日仲去左come in 度睇傢俬，上進非常欣賞D貨品喎!!所以…我地之後再傾下，唔…如果A小姐OK既話，我地dinning table，三樓tv table(其實LCD會掛牆…放個枱仔係下面放下野咁啦!!!)，都會搵simple living造，而書枱都考慮緊係咪俾佢地造埋…不過都要問問個價錢先!
而餐椅同兩張茶几，都會係come in 度買lu~~~
沒有留言:
張貼留言