My Lovely Home の Day 212 ... 裝修後續點安排

剛剛lunchtime時，上進打電話俾小嘉，內容大致是這樣：

B君知道我們想轉裝修師傅跟進之後的工程，但B君表示怕這樣的安排會遇到困難。

舉例說，若裝修過程中牆上的油漆刮花了，誰負責呢?又或是…完成試水後，

於裝修期間發現有滲水/其他問題，責任又是誰呢??

所以，言下之意，B君還是想我們讓壞人J繼續VO的工程，

那麼他們易於控制及管理。

但問題是…我們真的不想再由壞人J去做其他東西喇!!!!!!!!!!!!!!!

小嘉不想再投放入何金錢/心血/希望於這個人身上，

我唔想個胃進由胃酸過多進化到胃出血，可是B君又好像很不想我們另找其他人。

所以…B君再給了另一個suggestion…

B君另一個建議係，我地可以照樣搵新的裝修師傅，

當搵好後B君會同佢合作，就像是B君將VO工程外判給新師傅一樣，

而B君會抽取新師傅報價的7%作費用。

不過就算是訂造一個櫃/枱也好，B君都一樣需要抽7%

(當然…sofa,餐枱那些就不用啦!!!)

事實上，若問小嘉的話，我唔知行規是否這樣，但我會覺得收這7%也合理，

因為B君是真的需要工作，他需要安排唔同工人工作時間表，

他亦要take the responsibility去睇住做出嚟的東東是good既，而且…

就如上面講，如果裝修時刮花了牆身等等，

B君可以安排油漆師再補或甚至當做好VO既工作，再進行最後一層油漆既工作…

我地呢家問緊A小姐意見，看看這個安排是否合理，如果合理…

應該都會這樣做…不過大前題是…不知到師傅JJ會否接受這個安排，

話晒佢都屬那種one man bank的師傅，無啦啦變左under B君去做，

唔知佢會唔會唔like呢??

願天父保守啦!!呢一兩日…真係好似坐緊過山車…

仲要係G-Force個種…小嘉咁大個女都係玩左一次就唔敢再試…所以…

呢個裝修煩事…可唔可以今次係最final既一次…之後既工作安排，

都可以無風無浪咁呢?

不過…話返轉頭，小嘉覺得B君收呢個7%的安排，說不定是天父心意…

因縱然那一個師傅去跟進之後的VO，其實小嘉都已經一朝被蛇咬，

成日都覺得睇少半眼都出事，

所以小嘉成日心裡面都希望B君可以有個責任去睇住，但…

我地自己搵師傅，B君又真係無理由要幫我地出心出力…

所以…收左7%錢的話，佢就變左person in charge…咁小嘉心裡就踏實好多，

起碼覺得有問題， 都有B 君頂一頂住先，所以…話唔定係天父讓小嘉安心呢^^