My Lovely Home の Day 211 ... 裝修師傅選擇中...

噚日B君講左批灰真係出錯後，突然夜晚打嚟話之後批盪既工程，

會由佢自己出師傅去跟，不過再之後砌磚、廚櫃既coordination等，

都會照舊由壞人J負責。

不過係傾談中，聽得出B君都唔係好想我地搵壞人J去做之後既VO，

因為講真，搵壞人J去跟B君自己都煩死，佢都要睇得好緊，我地又要擔驚受怕>.<

噚日都仲諗緊搵美廚做裝修，今日都一樣會去問個大約價錢，

不過噚晚睇左simple living既特色牆，又真係好鍾意，

不過價錢一D都唔平…只係就咁計個尺吋，

唔計到時可能有橫樑等等而令個價錢升高，

一幅feature wall + concealed door就盛惠$16XXX喇!!

而個特色天花就盛惠$15XXX…真係好嘔血!所以原先諗住再問埋美廚個報價再決定。

不過，噚晚上進突然覺得，除左feature wall同假天花外，

其他工程由張師傅去跟都得喎!

其實其他工程都係做假天花、浴室假天花、燈槽、窗簾蓋等等，

相信對張師傅嚟講係無難度!

而且小嘉覺得佢係自己接生意自己做，感覺會用心D同埋有心機D，

搵其他公司始終都仲隔住一層，佢地中間一定又多收一層錢，

最最大問題係…噚日上進打過幾次俾美廚既陳生，覺得佢好忙，

真係做緊好多工程，都有D擔心到時佢地唔可以跟得緊…

小嘉無心力再承受第二個壞人J喇!!!

天父呀!究竟那一個師傅才是祢所屬意呢??不過小嘉不擔心，

相信祢自會用祢的方法去回答我，小嘉就擺上，由天父祢帶領我走每一步。