呀!!!!!好想大叫!!!間屋幾時先可以搞掂呀!!!!
呢個問題…我問天七個月喇!!!!!仲有幾耐呢!!!
唉!!!本身話呢個星期可以鋪磚，唔知點解，
又無啦啦要下星期頭先一次過送晒成間屋既磚嚟!!
哈!!咁點呢??咪係成間屋成個星期無野做囉!!咁又無左一星期喇!
好懷疑係咪真係可以係十一月中完成基本裝修囉!
其二煩…點解會咁???
本身好感恩搵到個手工好好既弟兄，幫忙裝修，但係…
首先俾D圖佢睇，佢已經完全無覆係點，小嘉只好每日一電話，
第一次打俾佢，佢話俾e-mail我send D彩色圖俾佢，
於是小嘉等呀等，等左兩日都無俾，過左兩日終於俾喇!!
好啦!D野send晒俾佢，佢又係無話覆你幾時俾報價，
於是小嘉又打電話俾佢(上星期五)，問佢幾時可以有報價，
答案話係星期一，咁小嘉就等啦!
星期一…等左成日都無…
星期二…再打電話俾呢位弟兄…回覆係今晚一定有，如果仲係無就聽日一定俾你!!
星期三…下午lunch time都仲係未收到…再打雷話…回覆係…今晚一定俾到!!
星期四…都仲係收唔到，下午二點打俾呢位弟兄，佢話呢家整緊，
如果只係要住個brief既unit price可以快D，咁我話都係要住個brief先者，
如果OK遲D都要同設計師去現場度，於是…佢話一個鐘內可以俾到個報價我!!
星期五…今日…現在上午九時多…我仍然係咩都收唔到!!我發現…
原來我同呢個弟兄係身處唔同既空間，我呢度過左十九個鐘有多…
佢既一個鐘都未完囉!!
問上進，其實咁樣仲係咪要搵呢個弟兄呢??
我好怕佢又係個D得個講字，但實際係無行動既人!
但唔知上進點解係都好想搵佢做咁，仲叫小嘉今日再打多次去問
(我覺得上進一收到弟兄既報價，價錢唔係天文數字，佢好似都搵硬弟兄做咁)…
咁小嘉等陣唯有再打一次，而今次相信係最後機會，
縱使佢再有更好既手工，我地真係無咁既時間去等，
今個星期我地就要決定邊個做裝修喇!!
感恩，小嘉呢家都無咁藤雞，預防萬一都係諗定唔同方案…
或許呢個係天父既安排，就全然交給天父決定：
方案一：弟兄有報價，價錢OK就搵佢做!
方安二：弟兄無報價，裝修部份照由壞人J做，廚櫃及所有訂造傢俬由美廚負責。
基於以上既方案，小嘉已要求上進下午打俾美廚，叫佢將之前好brief既報價分返做unit price(佢group晒所有items俾個大數…但呢家有D野唔會做，所以都唔知價錢!!!)，
又要等B君既報價!!
要學習耐心等待!!!
真係好煩和...
回覆刪除我都係好怕d 拖字訣o既人...
[版主回覆10/22/2010 15:23:00]都未真係搵佢做已經咁....我真係唔敢諗搵左佢做後無拖成點>.<
真係好驚訝上進兄會想繼續搵呢位『拖』兄做工程呀 我覺得呢，俾著我，我就唔會再信佢架啦，學你話頭：『都未真係搵佢做已經咁....我真係唔敢諗搵左佢做後無拖成點>.<』
回覆刪除[版主回覆10/22/2010 23:18:00]係囉!!上進唔知仲乜,成日覺得係弟兄就話好OK...不過今日俾我點醒左喇!! 我同佢講,我地咁樣不停搵呢個弟兄,就算第日真係搵佢做,我地都處係下風啦!!佢擺明食住我地! 所以...如果之前個衰二判個報價正正常常(今次有大判睇住...應該會好好多!!),咁我地裝修就俾佢做,而其他所有傢俬,都會出面另外訂造lu~
上進兄都有『教徒情意結』呀 ！ 咁佢仲唔快d做教徒 ？！
回覆刪除[版主回覆10/23/2010 10:17:00]係囉!!我都唔知佢點解對弟兄咁有信心.....不過我噚晚同佢講,咁樣等落去都無用...佢先話...乜原來教會都有D信唔過既人架!! 哈哈!!我就用左你個句...只有耶穌基督先係最信得過....咁我都有同佢講,其實呢家都係天父既安排囉! 可能天父覺得個弟兄唔適合我地,所以天父唔感動佢幫我地報價啦!!上進又即刻講:係囉!天父有安排(每次我發脾四,唔開心等等...佢就呢句窒住我
係囉係囉...好似裝極都未裝完咁0既? 不過唔怕啦,慢工出細貨!!好快整好0家喇.
回覆刪除[版主回覆10/23/2010 10:20:00]唉....最慘係無貨出呢>.< 本身話呢個星期鋪磚....點知...磚都未送到嚟! 但呢家起碼,我同上進基本上都定左邊個做裝修(不過仲等緊個報價),訂造傢俬同廚櫃都諗好搵邊間...不過要快...估唔到大陸個邊咁旺,噚日問間廚櫃公司(會係個度訂一D傢俬),佢話要最少四至五星期...佢話大陸個邊旺到不得了!!我怕...十二月中先有傢俬呀>.<
看多D Check多D先慢慢報價, 不用心急! 晉然室內設計工作坊: http://www.chunyindesign.com
回覆刪除