昨晚和上進約了A小姐一同到旺角美廚詳細問報價，同時都問了訂造傢俬和feature wall和特色天花的報價，暫時來說，我們可以肯定的就是廚櫃會找美廚做吧??其他都要等報價回來才知道。
而傾完其實都八點三，點知還遇上美廚那幢大廈兩部lift都壞…行了十七層樓梯，感恩去到燈飾舖都還未關門，立刻指俾A小姐睇，我們訂了的燈…好緊張呀!!yeah! A小姐都話盞燈幾特別，可以襯到我地個living room。
而其他既燈…Good，昨晚去另一間燈鋪，可以philips呢個牌子搵到晒飯廳、floor lamp、我既睡房、玄關燈，而家只剩少量燈，不過都唔難解決的。
我地之後一齊食晚飯，一路食一路傾，A小姐其實覺得我地每樣野拆件咁做，唔太好…即係廚櫃一間公司、傢俬又一間、訂造傢俬又一間、裝修又一間…
其實我地當然都唔想咁，最好就一條龍，始終咁樣唔怕溝通同夾唔夾啦!不過，我地真係唔想再俾壞人J跟落去，而A小姐都一樣覺得佢好一般。
係呢個時候，A小姐講其實佢有個朋友都係做裝修，佢唔係D咩大公司，不過有自己一group人一齊做，價錢未必係好平，有可能係中價位，但so far佢介紹過幾個朋友，個個做完都讚好。
其實係最最早時，A小姐有諗過B君只係幫我地做好個石屎囊，就由呢個朋友做之後裝修工作，不過佢怕太貴所以無suggest俾我地，但都無諗過呢家咁樣一鑊泡。所以佢問我地有無興趣搵呢個朋友報價。
我地當然話好啦!!!起碼A小姐都覺得OK都唔會差得去邊…小嘉心裡面突然有個感覺，小嘉最近不停左搵右搵，一個又一個師傅去報價，其實倒頭來…原來天父安排了師傅俾我，所以我地約左星期六一行三個party一齊入去現場睇再報價，唯一要煩係同現在工作既配合。
唔知…呢個新師傅…又係J字頭…唔…叫師傅JJ啦!希望師傅JJ是天父所安排啦!
還有後續…
沒有留言:
張貼留言