My Lovely Home の Day 197 ... 感恩的新裝修進展^^

繼續第197天既進度!!!

噚晚放工後，同上進一齊返去我們家看看，

不過去到已經天黑，帶埋電筒入去都好難睇清楚>.<

不過見進度都快左好多，聽宇媽講，噚日下午四點幾，

因為D英泥用晒，所以D師傅就將地下D垃圾清理好，可以方便嚟緊既工作!!!

其實感覺上，單師傅呢班師傅，做得俾衰人鄭師傅好好多，手工都感覺好D^^

噚晚都見到露台已安裝好玻璃座的物體，

而露台地下就用左D好似泥既野鋪平左好多，室內方面，

地下批盪好似已經搞掂，二樓都七七八八，係廁所有兩幅牆同小嘉房都未得，

三樓就見開始緊喇!!D柱已經批好晒，係D牆未批…

至於天台，因為實在太黑，所以都唔敢上去睇。

我諗呢兩三日應該可以搞掂晒，進入鋪磚程序喇!!!超期待中^@^

另外，小嘉和上進已早早密謀餘下的VO工程，都另找裝修師傅做，

但我們擔心是A小姐會否贊成，因為新師傅最需要跟A小姐及B君夾的!

噚日回家途中，上進跟A小姐詳談，其中講到換裝修師傅一事上，

A小姐原來都不滿壞人J開價太高，她早早已叫了他減低價錢，

但出來卻貴得嚇人!!所以A小姐話見到quotation後，都打電話鬧了壞人J一餐。

上進 都同A 小姐講，我們在外面看了一些公司和找了一些師傅，

覺得手工和價錢也不錯，而A小姐都贊成如果有更好手工和價錢的師傅，

就轉新師傅合作。

之後，小嘉就打電話俾教會弟兄，查詢有關裝修既事宜，

這位弟兄初步溝通都很OK，其實佢最近一兩年已轉了field，

做大廈維修，但間中都會接教會內弟兄姊妹既裝修來做，

小嘉想參觀他做緊既工場，佢都誠實咁話有既都已經入住，

已做緊既就係介紹我的姊妹家。佢話可以provide多一些相片，

讓我們了解他的工作，而真的需要，他可以問問住緊既朋友，

可否讓我們參觀…不過弟兄都說他做開錦繡和大埔康樂園，

更曾幫明星裝修，所以他對自己都有一定信心。

當然，小嘉都不想麻煩弟兄既朋友，

所以小嘉和上進都打算待弟兄出了報價，覺得價錢OK的話，

就再問問教會姊妹，可唔可以帶我們到她朋友家參觀，

看看實景和那個令姊妹驚喜不已的廚櫃，

如果都OK就會confirm由弟兄做喇!!!

今日再聯絡弟兄，打算fax更多資料給他，傾談中他問我們為何要轉師傅，

小嘉亦誠實告訴他壞人J報價太離譜，弟兄聽到廁所天花價錢後，

都笑說佢個價錢打八折都肯做…

不過，弟兄都老實講，佢做廁所假天花不會好似外面逐尺計，

因要看整個環境和其他因素，佢都話…

外面做千零二千蚊，找他可能要二千幾，這個小嘉覺得make sense …

始終唔係獨立工程，而是整家屋的裝修，

弟兄當中都要牽涉很多行政安排等工作，貴一點點是情有可原的。

另外，弟兄都給了我心理準備，

他都說最近市況很好(今天看政府基建開始了!下月工人的人工會調高哦!!!)，

而我們家要另外再搭一程車，所以如果價錢一樣，

師傅們都不願到我們家工作的，他們都寧願到旺角等市區做，

所以他會給較高的人工予師傅，這樣才有足夠人手工作。

這個小嘉就明白了!!為何之前衰人鄭師傅、壞人J叫極都無師傅來工作，

每天都說明天會很多人，我相信他們就是沒有給合理人工吸引師傅們，

甚至壓他們價，所以沒有人來…

來的都是手工不好的師傅…唉~~~這些錢，看來是慳不得哦>.<