My Lovely Home ... Furniture @ Simple Living - 已訂^^

噚日終於訂左第一批傢俬喇!!!!!好開心…但係又大出血>.<

小嘉同上進經過多次參觀查詢…

仲之煩到無再煩，終於係simple living訂左餐枱、餐椅、sofa、stool同armchair喇!!!

因為全部都係訂造，所以影既現場相只可以睇到個款，

所有布既texture同colour我地都改晒。

好，等小嘉暫時評論下simple living先!

其實simpel living有三間分店，分別係九龍灣、灣仔同太古，

三間小嘉都有去到，第一間接觸亦令我地心郁郁就係九龍灣喇!

不過呢間舖好細，其實無咩野睇，不過sales人都好nice。

第二間去既係灣仔店，當日其實睇左好耐，亦問左唔同傢俬既訂造價錢，

咁個sales都一樣超級好人，好詳細咁解釋唔同既材料設計，仲會俾唔同idea添!

最後太古呢間，因為係工廠入面，所以係三間中最大，亦係最多陳列品。

而我地都係呢度訂傢俬，serve我地既係Joey，so far都好helpful好nice!

而simple living都好OK，佢訂造傢俬其實都係段尺去計，

舉例嚟講，唔理我地揀咩款sofa，總之深度唔多過36吋，佢就每尺一個價錢，

之後如果四隻木腳轉木架就加錢，而唔木轉做鋼又再貴D，

明碼實價，木面唔面再用木皮飾面，又再計錢啦!

不過佢地都會suggest有D地方其實無呢個需要，而sofa就超多布可以揀，當然…

有D係要加錢既!咁佢包既布係$ 100碼，如果你揀既布係$198的話，

就會按張sofa所需要要既碼數去計返要補幾多錢…每碼俾返$98喇!!!

而木材方面，佢地所有傢俬都係用大芯板，亦即即係兩塊木板夾住一板實木，

而面就會係木皮飾面

(其實佢地有玻璃etc其他materials，不過我地一開始唔係要呢D…

所以完全無問過價錢一唔一樣)，

而飾面既木皮可以自己揀咩木紋，咩色…

我地亦可以提供sample俾佢地索色，但當然會有色差啦!

至於完成品係點…就要等送貨喇!!!睇下現場既陳列品先!

我們訂了這個款的枱...不過會轉第二隻色~

 

sofa後面...感覺都好靚...不過一樣...揀左第二種布...不過好好唔使補錢...

原先要補運返D布上大陸既運費,但都free左^^

 

sofa既正面...cushion都轉左兩隻唔同既布...不過要補錢...補左$610呀>.<

 

餐椅...一樣轉左第二種布...呢個補錢就貴囉...六張椅補左$11xx...差唔多二百蚊一張!

 

呢個就係我地揀既木紋...水谷柳喇!!!不過當然又係個句....第二隻色啦!!!

其實仲有一張armchair，但係無陳列品，只係按圖訂造，個張就貴囉...

剩係補布既錢都用左$18XX...好大出血呀!!

埋單呢張armchair仲貴過買用皮造既...希望值啦!