My Lovely Home の Day 210 ... 裝修又出錯!?

錯誤要幾時先可以停呀!!!!!!!!!!!!!!!!!

噚日朝早，本身好地地咁同個大判settle左好多野，冷氣機啦(估唔到…要成十部)，

裝修都諗住有大判睇住既情況下，繼續搵呢個壞人J做!傢俬啦!

一切一切都傾得好地地，而又見到間屋開始批白色灰…

感覺，好似真係可以好快會搞掂!

點知!!!!!!!!!!!!!!!!!!!!!!

噚日黃昏時，宇媽有個親戚都係做裝修，咁橋去條村到食盆菜，

順道入去我地間屋度望望，感恩有佢望吓，佢一見到白色既灰就話出事!

出咩事????

原來…當一幅牆做好批盪後，泥水師傅就應該會用纖維灰批一層，

呢層灰有助令幅牆更平同埋佢有吸水既功用，

所以當第日回南或好乾燥既日子，佢可以幫助防止D油起pok同有裂紋!

但係…

噚日個親戚一望，發現佢地無做到呢層纖維灰，

而係直接做左之後一層既菜瓜膏灰(譯音)，呢層批灰係由油漆師傅負責。

於是上進即刻打俾負責批盪既判頭單師傅，豈有此理哎!!!

佢竟然話因為我地趕，所以做少呢層，又係度咦咦哦哦…閃爍其詞，

又話無呢層都無所謂，問佢做左有咩缺點，

佢又話無，咁問佢唔做有咩問題…又窒住窒住咁!

我地立即知道咩事!!事實個D纖維灰其實已經訂晒，連貨都送到去我地到，

小嘉相信，因為星期六個日大判B君出左一封嚴厲既warning letter俾二判，

warn佢地已經拖慢左成個進度，而且有好野要做都未做好，

所以要求佢地立刻加manpower，要佢地一定係十一月尾前交貨。

相信因為咁樣，一層壓一層，壞人J佢地根本搵唔切水泥師傅，

就廷而走險，諗住博大霧搵住兩個油漆師傅做住D野，

睇落去成間屋好似好有進度咁!!!!!!

好過份呀!!!!衰人，佢咁樣整左層野上去，

就算剷返落嚟再批左纖維灰都無用，因為呢層野點都會殘留好多係牆上面，

令D纖維灰發揮唔到效用。

 上進噚晚都立刻打俾B君，B君都話今日去了解件事，剛剛B君打過俾上進，

佢都話係有問題…佢地會拆左D灰再做，但我地concern就咁拆同洗都無用啦!

B君話會問問水泥方面既專家，睇下點樣跟進會好D。

唉!!!本身仲諗住俾壞人J跟埋D VO裝修，而家…

小嘉同上進決定搵埋美廚去做…

希望個價錢唔好咁貴啦!!!希望美廚係好公司，唔好要我地煩就好。

天父呀!過去呢七個幾八個月，小嘉真係好似坐過山車，心情上上落落，

但天父，我知道，凡事都盡在祢的掌握之內，

既然祢容讓這些事發生，我相信當中絕對有祢的美意在內，天父…

願未來的裝修都能平平安安，願我們所揀選的美廚是天父祢所安排給我們的，

天父哦!感謝祢，讚美祢，因為無論發生何事，我都知你總在我們身邊，

感恩藉這次裝修機會，祢讓我學習信心的一課，

我相信…凡事天父總有帶領，所以小嘉要…凡事感恩。阿們。