我們家仍要如火如荼的進行批盪工程，噚日既進度已經去到七七八八，室內牆差不多完成，而外牆亦差不多，預計呢一兩日就可以搞掂喇!!!呀!!仲有，前日返去見到人壞人J轉左用sika既膠水，唔知會唔會好D呢??都見有其他bloggers提過，用呢個牌子做浴室防漏，我估應該都OK既…星期六返去望下成間屋完成批盪個樣，再慢慢研究下啦!
不過星期六同日都無師傅開工喇!因為星期六係重陽節，師傅們都放假去囉!!希望下星期就開始鋪磚啦!!呢家諗到都有D興奮，一鋪左磚，感覺就真係好似好快可以完成咁!!
另外，搵弟兄報價方面，噚日fax圖喇，不過仲未覆，弟兄話等陣打電話俾我，想快D settle好呀!!!!!
聽日就約 左B 君再傾傾呢家既進度，同埋壞人J既報價，其實呢家基本上佢個報價係點，我地都應該會轉師傅，不過煩就煩在大家點夾，所以真係confirm到弟兄幫手，就要即刻約佢去現場睇個情況，然後再同B君溝通。
心裡面仍有少少的擔心，但相信天父在看顧和帶領!
沒有留言:
張貼留言