My Lovely Life .... 買左部驅蟲機哦@31.07.2011

Kawai Life © ANTSSSSSSS

其實住得係村,就預左會有好多小昆蟲…雖則係咁,但唔代表小嘉唔怕呢D野喎(無錯…係要用呢D野嚟形容佢地先得!!!!)

感恩暫時我們家的昆蟲都算係小那類的…最最最可怕都係有好多隻腳既腳,一落完雨就入晒屋…不過…好在…佢地一有咩風吹草動,就會捲埋一餅…

於是…小嘉相對要滅絕佢地都易少少…起碼用張紙“畢”佢出街,都唔怕佢會係張紙上面行行吓,行到自己隻手上面啦!!!

不過…最近唔知發生咩樹!!!

小嘉屋企既格局係…

地下有一間房(暫時被bili bala佔據),有一間廁所,有一個偏廳,有一個客廳同埋open kitchen.

二樓就有間工人房(呢家係超混亂雜物房),有兩間房同埋一間廁所)

而三樓就一間廁所,一個雜物房同埋一個打通晒既area...裡面包括有疑似廳既佈局,有一張大床,有一個疑似study area既地方.

所以…以正常既常理嚟推論…最多昆蟲尤其是螞蟻…應該係地下!!!!!!!

但唔知發生咩樹,過去個幾星期…小嘉同上進不停係床啦,地毯啦,地啦發現好多螞蟻…

小嘉而撲殺不下數十隻…仲可惡係…佢地襯我最無反抗能力時(即係瞓左覺)…走去咬個加拿大下面最幼嫩既肌膚…痛到我醒左!!!!!!

小嘉同上進又的高床褥睇,又揭開地毯睇,左睇右睇,都搵唔到D螞蟻源頭係邊…無辦法深入虎穴,殺佢地一個片甲不留.

感恩…噚日舅父講開佢地買左部驅蟲機…好似話OK work喎!!!

牌子…唔….唔得記左…

相….唔….唔得左影….

以上資料後補.

咁上元朗千色…個Sales姐姐介紹…佢可以驅趕到上至老鼠同四腳爬爬…下次螞蟻同蜘蛛(好想寫蛛蛛…因為珍珍唔知點解成日都發唔到個音…讀左蛛蛛…哇哈哈哈!!!!!)

因為部機既principle係用D音頻驅趕D昆蟲走…所以未來幾日有可能會見多左D昆蟲周圍走…因為佢地要大搬家呀!!!!

而呢部機最厲害係可以穿牆…佢唔係單靠部機發D音頻…而係利用D電線嚟做到…買一部機走均全屋!!!!!而且可以用既範圍有成五千呎(家係 五千平方米 呢????)

所以P弟同上進媽屋企都可以保護埋…屋企個花園都用到呀(因為圍牆內有電線…咁都可以震佢幾震!

不過…會幫埋隔離屋個壞人阿sim趕昆蟲…蝕呀!!!!!

P.S.噚日買部機...有驅蚊手帶送(部驅蟲機係驅唔到蚊既>~<)....舅父買時無架...賺左!!哇哈哈哈!!!!