My Lovely Honeymoon ... Day 6 の Franz Josef > Queenstown

玩完行冰川,我地就離開Franz Josef喇!!

係第六日一早,小嘉就上左Magic Bus向Queenstown出發!!!

Queenstown係Nea Zealand南島最出名既旅遊點之一,係一個較大既城市,係個度可以再join local tour去Milford Sound遊吓湖咁.

不過Franz Josef離Queenstown都好遠吓…所以Day 6主要係坐車咁過左喇>~<

離開Franz Josef既YHA,呢隻係裡面隻貓...一睇個樣就知唔野少.

我呢D算係熟貓性既,當然見佢個樣咁串,點都唔會摸佢啦!!

有D外國人唔知C,就佢掂佢,咪俾佢咬手指囉XD

 

New Zealand沿途風景真係好靚...如果某上進先生真係上進D,駕駛技術好D的話,自駕遊真係好正...可以見到靚風景就停低影相!!!

 

Maginc Bus係中途停左去一個類似自然保護中心咁...裡面有餐廳廁所,又有D介紹...

仲有一條徑可以行,呢條小徑係平路,所以好好行架!!

見到D唔知咩東東既植物~

 

係香港真係好難見到呢D風景!!

 

 

同車車友幫忙影既合照...去旅行帶腳架又嫌重,唔帶又好難影到合照喎=.="

 

聖誕期間...當地人話我地知...呢D係佢地既聖誕花嚟喎!!!!

 

到左中途站...無記錯好似叫Wanuka...其實都好多人係呢度落車...

 

呢度係一個好靚既陽光與海灘既地方....附近都有好多小木屋圍住個沙灘,如果鍾意水上活動,呢度真係好舒服...可以好hea咁過一日架!!!

 

D白鴿都唔驚人lu~~~

 

離開Wanuka之後,我地又出發喇!!!

跟住又經停左係一個出名玩bungy jump既地方...

車長問我地有無人想玩,佢可以安排....我地成團都無....

 

真係好近咁睇人跳落去....都真係好驚吓...

呢個男仔,見佢係條橋度爭扎左好耐先跳落去....

我諗我都係唔夠膽玩架喇!!!!!我最激都只係玩過G Force咋!!仲要係全程合埋眼!!

 

呢日行程大致係咁...因為去到queenstown都黃昏lu....