第四日,我地繼續係greymouth度.
呢一日我地預備左漂流睇瑩火蟲,點知去到間舖,佢地話之前落過雨,所以較危險唔適合玩我地原先個route…不過有一條短D,就可以今日玩到…
因為我地第二日就離開,而如果唔玩的話…係greymouth真係唔知有咩好做..於是照轉啦!
玩既過程…係影唔到相…所以得呢D玩完之後既相喇!!!
去個目的地都用左唔少時間…而小嘉其實都覺得幾恐怖…因為中間路段開始,架車入左個好似森林既地方,根本無一條路,周圍不停有D樹枝樹幹被撞掉撞甩…坐係入面好驚架車突然壞左,都唔知點走返出去喇!!!
去到其實話就話轉玩既route短左同易D,但因為之前落過雨,其實水流都好急,我地玩時真係個頭係咁猛撞D洞壁度.
而上進就更加玩玩吓甩左個水泡,於是我係前面C命捉實佢對腳,而佢就係咁C捉後面個外國女仔既腳(最初水流最急時,我地要好似條腸咁一個接一個捉實)…係咁既情況,佢個patpat撞落地下幾野下,總算順利過左D急流,到後尾D水無咁急,工人人員即刻拎返個水泡俾佢坐住,而呢個時候D水係慢左好多,所以我地終於可以放鬆咁望住個洞頂…睇吓D瑩火蟲喇!!
不過…原來佢地既瑩火蟲同小嘉以為既係唔一樣…佢係一條條好似白色/透明既絲,生係D洞壁洞頂度.
玩完漂流,我地仲玩大跳崖...其實係攬住個水泡由矮崖仔跳落水面....之後就回程喇!!!
玩完返到去個office...係咁沖吓個身就換返衫....個頭仲係好似癲婆咁~
出返大街....都係咁...因為聖誕...真係成條街無人架!!!
企係馬路中心都無車...free都呢...想搵野睇都無=.="
感恩..有間大既supermarket仲有開(唔...基本上個度D supermarket唔會有細...香港個D係外國...真係應該叫mini market囉~)
買左野煮飯仔....點知...切吓切吓...又切埋手指喇!!!所以最後都係交返俾上進操刀!
點解係度做牛油果....本來諗住拌碟襯件牛扒...點知....生得濟.切都切唔開...所以決定煎熟佢....不過...原來係唔可行.
扒類真係好難搞..點煮都好似好硬咁~
最好味既腸仔....係我煎既.
就快有得食喇!!!!
呢個就係我地既晚餐....其實係NZ食野反而比想像中平.
不過....聖誕好多舖都休息...咁就再慳D都無所謂...還掂用剩既錢都係入返落小嘉基金度^^
Day 4又開心咁完成...
你講到個漂流好似好刺激咁喎...不過就咁睇文字有少少唔明... 漂流時大家都只係坐喺水泡度? 甩左咁點坐呀?
回覆刪除跳崖你都玩, 好大膽呀!!!
[版主回覆08/16/2011 10:10:00]比想像中激左好多...
哈哈!!我都覺得就咁寫係有D難明...
其實係咁既,我地臨入個洞之前,因為D工作人員話頭半段D水流較急,所以安全起見,我地要一個拉實一個人,好似條蟲仔咁"1"字型去漂喇!
咁我地係坐住水泡嚟漂既...所以你可以諗吓...我對腳就俾前面個人捉實,我對手就捉住我後面個人對腳....所以根本係無手去扶實個水泡.咁D工作人員都講左,頭個段我地唔可以放手,如果水泡甩左就有得佢,但都要keep住捉實人地,因為D水流太急,如果唔捉實,一來驚唔知漂左去邊,二來可能會沉左落水度.
要等到工作人員吹口哨,我地就可以放手各自漂漂吓喇!!
咁我老公入左個洞都無耐就甩左個水泡...咁佢又手長腳長,佢C命捉住後面個女仔,我就C命捉實佢,佢要靠自己腰力挺起,等個patpat唔好同個洞底磨擦...佢後面個外國女仔好想fing甩佢架(好衰>~<),不過佢唔理咁多,捉實係最緊要啦!!!
跳崖...其實唔係好高咋...大約十鬆D呎咋....所以唔使好大膽都玩到^^
嘩!!! 聽你講完仲覺得驚險呀!!! 我諗就算我想玩, 但老公都唔會陪我玩囉....
回覆刪除我喺沙巴睇過螢火蟲覺得好靚呀! 原來係有唔同類既螢火蟲既....
[版主回覆08/16/2011 11:57:00]其實到玩個刻,我先覺得原來都有D激
我都以為螢火蟲係第一隻,會飛個D....去到先知有D係一條條咁掛係洞頂/牆身...唔講我以為係D植物嚟架!