Kawai Home © Pest Contro 2000
唉…因為我們家太煩…搞到無咩心情upload…
但係…都要堅持吓…打吓字upload吓D相,可以分散吓D注意力…咁就可以煩少間屋一陣啦!!!
講返部機先…星期日買左佢返嚟,就即刻插係工人房既電制度…
因為sales話呢D機點都間唔中有 一兩 吓tack tack聲,所以插住係工人(雜物)房就最good喇!!!
報告吓用左六日既用後感先:
唔…小強呢…住咁耐都見過兩三隻(仲要係細細隻…都唔知係咪成家人hide左係邊),so far呢六日無見過…不過…本來就唔成日見,所以唔知關唔關佢事.
四腳爬爬…同小強一樣,咁耐都係見過 一兩 條BB…不過佢地下場都係俾bili bala玩C左…呢六日(未用之都係)無咩見到佢地蹤影…所以都唔知關唔關部機事.
青蛙…呢部機話可以趕走埋青蛙…不過…呢排無落雨,所以暫時無見青蛙(或者佢D親戚…咩田雞呀…蟾蜍咁啦!!)…等遲吓落雨再睇吓點!!
蜘蛛…呢個真係間唔中都會見到 一兩 隻…上星期五先撲殺左一隻…咦!!!?講開又真係發現呢六日嚟無左佢地影踪喎!!!
螞蟻!!!!!呢個係我地買部機最大主因之一…因為唔知搞咩…三樓上上星期開始,不停有D螞蟻出現…仲要上埋床…
床上面都撲殺不止20隻(分開幾日啦!!!),仲要衰到夜晚瞓覺咬我呀!!!
而地下同地毯都曾出現佢地影踪….最強試過係地毯上面見到佢地,一野kill左20~30隻…
不過用左之後…頭個一兩日都仲間唔中見 一兩 隻係地下…不過就無再係床上面見到….而最近幾日更加係無晒踪影….唔通部機咁work…佢地已經移左民???
P.S.因為部機既範圍好大,會cover度宇爸屋企…佢地都話呢排好似多左D昆蟲.佢地初初以為係我地個邊趕走晒,入左佢地屋(我地間屋咁新…又邊會有咁多昆蟲呀!!!)
聽完佢地講,都相信部機有D料咁…因為佢說明書都有寫,因為佢地係驅趕D昆蟲走,唔係殺C佢地,所以用部機既頭兩三個星期,會見到有d昆蟲走出嚟…呢個係正常…因為佢地要搬家啦!!!唔走出嚟,點搬家喎!!!
部機...就係咁樣喇!!!得閒記得...去轉吓個channel先~
螞蟻下床??? 照計無食物, 佢唔會走上床ga bor~ 係咪床褥問題? 你試吓去中藥房買d 薑吖~ 你話摳蟻摳蚤的, 佢會知道的, 然後放d o係床頭同埋地毯, 應該可以趕到佢哋走, 唔會阻到你瞓覺~
回覆刪除[版主回覆08/05/2011 23:26:00]我成張床褥抬起睇過,應該唔關事...我媽咪話可能係三樓唔知邊個角落有隻昆蟲C左,咁D螞蟻咪搬佢...但係我又搵唔個案發地點...
不過暫時用左呢部機....張床就無蟻發現...而地毯就仲有幾隻...睇吓過多兩三星期係咪會無晒,咁就知部機work唔work啦^^
(唔得我都試吓D薑先!!!)
我都有這個煩惱。 現在我用 Smart Sensor ，專門軀蟑螂，但我曾多次發現有蟑螂呢！前幾天晚上還有 10 隻 8 隻（細細隻那種）在廚房開 party 。你這部機在那裏有得賣？如果好用我都要換機了！
回覆刪除[版主回覆08/07/2011 22:04:00]我係千色店買,我屋企就只係見過兩三次小強,都係好細隻個D,不過最近都唔見(我屋企無煮食,我諗相對會少D)
不過我用左一星期,前幾日少左螞蟻,但呢兩日多左好多...因為個sales話初初幾星期D昆蟲會走晒出嚟搬離....咁暫時用左一星期,見到真係有D昆蟲走左出嚟咁...
要等多兩個星期左右,D蟻呀,小強呀,蜘蛛都逃走晒,咁就可以知道佢work唔work.
不過呢部機話澳洲McDonald都用佢~
所以有時係到諗, 我同老公都好想住村屋, 但係又係怕蚊呀, 昆蟲. 好驚呀.
回覆刪除[版主回覆08/09/2011 10:36:00]係呀!!住村屋...除非你屋企咩樹/花園都無...唔係實有昆蟲架!
我呢家試緊呢部機...我等用左兩三星期,就可以知佢係咪真係咁掂!
我都係用smart sensor, 用來驅小小強, 都係唔work, 所以想試下金剛2000, 不過屋企有養倉鼠, 唔知會唔會影響到? 見電視廣告有賣2000i version, 唔知邊到有得賣尼?
回覆刪除[版主回覆08/20/2011 23:53:00]我屋企之前出現過三四次小小強既踪影,不過唔知關唔關呢部野事,呢排就真係唔見左佢地踪影喎!!?不過螞蟻就仲有少少...不過可能都仲要時間俾佢地搬家掛????
我屋企有養貓,用左都無問題,開著左後唔見佢地有咩反應...我印象中好似部機無話對鼠類有影響,不過如果你有興趣買,你到時可以問個sales.
我無記錯其實2000同2000i係差唔多,好似係受影響範圍遠少少咁,不過唔係好記得.根據個sales姐姐講,其實呢部野係pest contro出品,以前就同金剛合作,所以出左部2000,不過呢家pest contro自己攞返嚟出部機,所以就出左2000i喇!!!!
我係元朗千色店買架^^
請問你用咗個幾月, 現在效果好嗎. 我之前在花園滅了兩個蟻巢, 但花園還有好多青蛙, 我隻愛犬成日咬青蛙. 如果真係可以驅青蛙, 我就真係要買返個.
回覆刪除[版主回覆09/15/2011 15:56:00]感覺好似屋企真係無再見到小小強既踪影,螞蟻都好似無見到喇!
青蛙呢~
之前一落兩就實見到幾隻,不過前日夜晚都好似見到一隻係屋外..
不過因為部機有得較frequency去驅趕D咩...我較左主要係昆蟲,螞蟻個D,好似係高頻既...但係青蛙好似係低頻(or 相反啦),所以我主力唔係趕青蛙...但諗返,就青蛙都真係少左D出現,但未至於無晒喇~
請問家下你屋企仲有無蟲呀?
回覆刪除[版主回覆08/04/2013 17:45:19]仲有蟻出現=.=
想問下老鼠得吾得
回覆刪除佢寫就話得,但我屋企無老鼠,所以唔知有無用^^
刪除我用咗金剛2000 (Pest Contro) 成15年左右。我覺得幾有用。
回覆刪除因為我放入廚房就廰有曱甴；放喺廰度就廚房有曱甴。最後就各放一部。
但如果天氣唔好，如有颱台會有一或兩隻。可能係喺外面入嚟。
最好係用之前先清清家裏雜物,如大多雜物的曱甴會喺裏面走出嚟，然後入返入去。