好忙超忙爆忙呀!!!!!
因為要搬office喇!!!呢個星期公司安排左大隻佬嚟pack箱...經過兩日既努力,我地已經成勁pack左240箱左右既files同埋40箱左右既大箱雜物.....但係仲未完呀!!!
呢兩日,唔好話上網,連去廁所都難(因為有同事放假/病假/越幫越忙),update唔到blog喇!!!!
希望下星期可以有返D時間~~~
2011/8/25
My Lovely Home ... 終於有滿意紙喇@25.08.2011
Kawai Lovely Home © Re-process
經過差不多半年,同lands周旋後,我們家終於可以有滿意紙喇!!!!
因為之前設 計師F 君話安排佢公司既同事,設計吓花園既landscape design,所以上進就快快趣send個mail俾F君喇!!
本來小嘉同上進諗住,花園個design未整好,做住室內Defeats先都好,不過大判B君話,等一次過F君既design出左,咁就可以同判頭T師傅傾清楚條數,費事做做吓先改個花園圖(因為個花園design其實一早都有…不過F君話佢有個下屬專做landscape design,所以就叫佢做多個design…不過唔會太大改變最初既設計).
所以…呢家我地要等F君出左個設計圖,然後再同B君傾吓有D咩改變同我地有咩要求(例如小嘉想係花園草地既地下裝幾盞燈,咁樣好似新年,中秋,過時過節有朋友嚟,可以開住D燈射落D樹度,超靚喇!!!)
希望快快快D出左個圖,快快快快D confirm,就快快快快D開工同完工啦!!!!
2011/8/24
My Lovely Honeymoon ... Day 9 の Dunedin > Larnach Castle
蜜蜜遊既第9日一朝早,小嘉同上進又再坐magic bus去下一個目的地…
Dunedin喇!!!!
其實呢個地方,小嘉無預定要做D咩…因為佢玩刺激遊戲又唔適合我地,睇景行吓街,又無咩好行咁…
但係因為想去一個地方,所以要留係呢度兩日喇!
第一日係Dunedin點過呢???
小嘉book左去古堡到住呀!!!!!
我地去既係Larnach Castle住,不過其實佢都唔可以話係正式古堡,因為其實佢係好耐好耐好耐以前一個好好好有錢既人起俾自己既城堡物體啦!!!
因為我地由Queenstown去到Dunedin已經下午,本來都考慮要唔要住係個Castle度,因為個度其實無咩野做,但又遠離個city centre,所以都應該唔會出返去…
有D one day tour係可以朝早去Larnach Castle,而下午會再去遠D睇企鵝…不過我地時間join唔到…
而點解要留係dunedin兩日呢!!因為第1日去左castle,第二日跟本趕唔切搭magic bus…所以就要留多日係dunedin喇!!!!
左諗右諗…呢個蜜蜜遊其實都係以hea為主…所以就決定住係Larnach Castle一晚,第二日再周圍hea吓!!!!
大約下午兩三點,我地都係租車去左呢個castle喇!!!!
呢度係房既露台....感覺D木好舊,好驚穿左跌落去呀!!!
傳統既Castle...但穿都貼晒反光隔熱貼=.="
周圍都好寧靜...因為無除左castle,近距離都無其他建築物~
房裡面都幾靚架!!!!!
廁所都可以望到海景...
係castle真係無咩做...所以周圍行吓參觀吓...
小嘉係後面set好晒pose...某人竟然係度影花!!!!!
呢個係castle既外面...其實入面都算有D野睇吓
不過....唔俾影相...所以...
(P.S.其實一路睇,見到D好耐以前既傢俬...再加埋D人像相同假人...都幾恐怖!!!)
好羨慕外國好多地方都有咁靚既草地任坐^^
無啦啦有D鴨行嚟行去....於是...俾小嘉嚇到走夾唔抖啦!!!
因為係度住一晚,所以就book埋食晚餐...
因為咁先有得影相咋....
其實個晚餐都幾特別...一枱人都係嚟自唔同地方
有我地香港代表,有英國,有日本等等...大家都講下自己既生活
好正呀!!!!
裡面真係好古老既外國傢俬...
唔...其實...夜晚都真係幾恐怖....
我諗...我嚟過就算喇!!!我應該唔會再住古堡...我都係做唔到公主架喇!!!
My Lovely Honeymoon ... Day 8 @ Queenstown
話咁快就過左旅程既一半喇!
今日主要係留係queenstown度周圍行行,講真…真係hea到無人有.
不過…queenstown又真係一個好適合hea既地方,周圍D人都好似悠悠閒咁…好舒服呀!!!
小嘉同上進周圍行,行過去圖書館,不過個日係休館,又行去睇吓人跌波,行吓D店仔…買左少少紀念品咁啦!!!!
是日重點項目係坐蒸氣船去一個島上面食晚餐…都…OK咁啦!
好多地方都爭起世界第一高既大廈....不過講真...係完全無高樓大廈既地方生活,壓力真係無咁大...空氣感覺清新D,環境好似污染少D
行過見呢座building都幾靚...當時我們家都未起...小嘉同上進幻想會唔會似係咁樣呢???!
不過而家睇返,我們家同呢間又真係有少少地方似...唔...就係大家都係白色同埋用左好多玻璃囉=.="
周圍行吓...因為住既地方唔係centre,所以會行過碼頭同公園...不過都OK架!!慢慢行都係十幾二十分鐘咁啦!!!
P.S.夏天既紐西蘭...都仲係好凍....
之後去左一間好出名食burger既店....裡面真係人山人海...
小嘉同上進只係買左一個包同一包薯條....
個包大到....兩個人都係剛剛好食得晒...如果兩個都係女仔,我諗會食唔晒呀!!!
不過....真係超好味呀!!!!
睇吓個包...差唔多同小嘉個頭一樣大喇!!!!!!
而包薯條...最後都食唔晒...用左嚟餵雀仔喇!!
食完午餐又行完街街,周圍影吓相啦!!!
朋友仔見到呢幅相話...好似廣告相...係喎!!我地好似賣緊columbia既廣告咁~
後面呢架船,就係我地等陣會坐去小島食晚飯既蒸氣船喇!!!
船上睇返queenstown...好靚呀!!!
呢架船真係好古老咁既樣...回程時,小嘉同上進仲去左船長室外既樓梯位...船長會同我地傾偈,又可以睇住佢操作...最記得嗚笛就到碼頭時...真係大聲都爆呀!!
去到個島...我地又睇剃羊毛表演....可能今次個工作人員日日不停剃既關係,佢手勢純熟好多呀!!!
呢度就係晚餐既地方...好有鄉效小屋feel...無記錯,其實呢個島以前係queenstown好有錢既人擁有,間屋就係佢住既地方...當然又係n年後,無晒錢喇,咪俾收購做左觀光點啦!
夜晚係食buffet....不過多數都係cold plate嚟....
甜品好好味架!!!
呢碟係咪嚟....我都唔係好記得lu~
2011/8/22
My Lovely Honeymoon の Day 7 Queenstown > Milford Sound
到左第7日喇!!!!!
呢一日,我地一日就join左queenstown既local tour去milford sound.
其實milford sound係一個峽谷,咁我地會坐係一D觀光船上面,類似遊湖咁啦!
係呢度有兩個Sound係最出名既,另外見咩名我都唔記得喇!!!
不過,我地因為去milford sound會較方便,同埋係網上面都見D人主要去呢個sound.
不過講真…旅遊書講到milford sound唔去唔得咁,又話好好好好靚…但係…事實上,小嘉同上進都覺得無咩特別咁…
可能以前去過九寨溝雲南呢D地方,咁佢地都有湖有山有花草樹木,比較之下,小嘉同上進覺得milford sound無咩咁特別
所以…呢程遊峽之旅都…幾悶=.=”
一朝早,就跟住local tour出發....我地就係跟呢間公司喇!!!!!
無記錯,成團好似得我地兩個係華人~
又有中途廁所站喇!!!!
呢度有D橋...可以睇到好靚既小小花田....紫色一片既花,好靚呀!!!!
行行下...有一群羊呀!!!!
佢地俾駕旅遊巴嚇到走夾唔抖呀!!!好搞笑~~~
呢幅相...又係另一個中途站影...
其實去milford sound途中都有幾個中途站...
但呢幅相既重點係....我凍到青唇白喇!!!
我地估唔到會咁凍架!!!
個遊遊巴司機講返,原來milford sound俾queenstown凍好多,又大風...佢去到一個中途站就同我地講,無帶衫既團友最好買返件外套...因為去到milford sound會更加凍...
於是小嘉同上進都要買...我就買左呢件超厚身斗蓬,大約港幣$80大元左右...不過又暖又靚^^上進就是但買左件風褸外套就夠喇!!!
係去milford sound途出,會經過一條隧道...呢條隧道好得意...係單程架...
所以要等對面著左紅燈,D車出晒嚟先可以過去....車長叔叔仲講,呢條隧道係好多年前(好似係60年前)由人手一下一下咁整出嚟(我聽到好驚佢會有問題...)
沿途都有好靚風景,去到後來就見到有呢D激流...見到間唔中有D人玩緊激流
不過見到D水有雪都怕怕(個時已經開始夏天都咁話)
而車長叔叔話,呢度D河水好清甜係可以飲用,佢仲話係99.9% pure 添.
可惜架車無停,小嘉都好想試吓D水係咩味!!!
由於之前話呢日既day trip無lunch
於是我地自己帶大麵包同罐頭...
點知...去到見到原來有得訂午餐架!!!!!!!!激C!!!!
臨上船前拎住個包係咁食....
借助碼頭一條柱,放左部相機上去影靚相!!!
嘩!!上到去好大風呀!!!!!
真係大風到人都癲呀!!!!
D風景...睇嚟睇去都差唔多....
入返船入面飲免費既朱古力好過~
見到好多條做緊日光浴既sea lion!!!
間唔中會經過一D瀑布....船長會駛埋少少...所以要小心,會濕到身架!!!
(睇吓我著得幾厚衫....就知個度有幾凍啦!!!!)
旅途中...上進影得算唔錯既一幅相....
但...小嘉D技術都唔錯啦!!!
返queenstown既途中,又見到彩虹喇!!
今似呢條彩虹好得意...好似有小小"UUU"咁既形狀.
條彩虹開始淡喇!!快D合照先!!!
噢...轉個頭,條彩虹無左lu~
回歸中,有D牧場....呢個係鹿...真係超多隻呀!!!!
返到去都5~6點喇!!!
係超市買左D菜...呢餐算係成個行程自己煮既最美味一餐!!!!
訂閱：
文章 (Atom)