感恩哦!!!
我們家所有的燈都已決定好了!!!
室外的燈,由A小姐跟B君決定,所以沒有圖片...
就是知道樓梯及見光(即容易給別人看到的地方)會用concealed款,
其他就用一個安左牆上會上下有光既燈…都幾靚架!
好…來個大清算…
地下
由於客廳燈不是Panasonic的...沒有拍照...待收貨時再拍啦!
這是飯廳的燈!!!
這個floor lamp...放在電視櫃旁~
這個是偏廳的燈...
這個是房間的燈^^
二樓
這盞是maid room的燈...二樓storeroom都是用它~
二樓客房的燈~~
wow wow wow ... 小嘉自己房的燈...超爆靚呀!!!!
還有一支floor lamp的,不過沒有拍照...一樣待收貨時再拍!
三樓
入房的隱形門前燈~
Toilet門前的天花燈...很小一盞!
study room的天花燈!
書枱超型LED燈!!!
床燈燈...x2!
星期四放工就會去訂埋其他未訂既燈...
計過數...如無意外,全屋燈飾(唔計燈槽和射燈),用了萬幾蚊...嘔血>.<
一直都以為地台鋪磚,師傅會一塊塊咁搽好英泥,然後就貼落地下,
所以仲心諗遲D要逐塊逐塊咁敲下佢,睇下有無空心既聲.
點知...原來而家唔係咁鋪..
呢到係其中一少部分既磚...
首先...師傅會cut好size ... 鳴謝...此屋為P弟家,我們家還未開始鋪~
原來現在師傅會先mix好沙和英泥,然後倒落地下,當然...
之前要用平水check check個厚度啦!
然後師傅用D磚度好位,拍幾拍等D泥上壓實在(見到D泥上面有磚底既紋!)
然後,師傅就會淋D水上去,咁D英泥沙就會變成用嚟鋪磚既英泥喇!!!
然後師傅就直接將D磚鋪上去喇!!
呢個師傅都好勁架!佢放左塊磚上去後,就會係咁用力每個角位同中間係咁拍,拍完...
佢見我係度...就叫我過嚟望望...嘩!!!佢用平水尺一放,無論打橫打直,都係剛剛within平水尺既正中...好勁呀!!!
哈哈!!係咪好靚呢!!!呢個馬賽克係用係我們家三樓toilet...好想睇下砌出嚟係點呀!!!
激死人激死人喇!!!!!!!!!
逐個事件講:
天台
個衰人壞人J鑽錯兩次窿,補又補得衰過人,一試水就係咁滴,佢都可以話無咩野!!!你就真係無野呀!!!一滴滴呀!!落雨個時點算呀!!!!!!B君叫佢拆左再整,又想陽奉陰違!所以同B君講清楚,要睇實呢個人做野,我唔想第日瞓瞓下,個天花一滴滴水咁照頭淋>.<
上進
睇好價錢,發覺自己買T5光管同曼佳美LED射燈,平過師傅JJ超多,計落慳到差不多八千蚊,咁就快D打電話俾人地,問清楚係咪可以自己買啦!!點知...又係個句唔使咁急!
唔急!!!萬一人地師傅見你無咩反應,而合約又寫左,咁佢買左貨到時點呀!!!跟住又話第二日一定打!哈!!完全俾我講中晒啦!!第二日咪呢樣個樣最後無打!我唔話你你都唔諗住打啦!!!!!!!!
好喇!轉個頭話你知壞人J諗住唔拆天台個漏水窿,呢個急喇掛!萬一個衰人第二朝一早倒晒D防水膠落去,你想再拆都難啦!!點知...又係個句...第二日先打啦!!呢家咁夜(當時係黃昏七點鐘).
好...咁唔該開錯窿個床頭你瞓,開錯窿個衣櫃位放你D衫,第日滲水唔關我事,我要提要講要話都做過,講到最尾間屋都係你...要維修都係你出錢(唔使旨意用我D私己錢呀!).我理得你>.<
P弟夫婦
救命!!!點解會有D咁怪既人架!!!!!!!!
最初既時候,你地自己話太陽能好,仲話咩四季好(大陸牌子),咁你地有你地揀,我就早早confirm係solar hart喇!
轉個頭又話公司朋友網上都話太陽能唔好,用好多電(!!?),所以又話咩空氣能(translation:香港稱為電熱鍋熱水爐),又話用幾少幾少電,又話自己公司用得好好,不停有熱水,陰天雨天都唔怕無熱水(強調...太陽能雖則稱為太陽能...實質佢地係用輻射發熱,所以陰天...雖然無咁強,但都仲煲到水,係慢D).OK!! that’s your opion. 咁你地繼續尋找他鄉的空氣能啦!
接住...三催四請幾個月都confirm唔到用咩空氣能機,仲要倒轉將責任推落大判到,終於俾上進鬧返轉頭,搞到間屋D水喉走位遲遲未定...結果十一月頭去左睇奧朗(唯一香港我地搵到有賣電熱鍋感覺又信得過既地方),咩資料型號大小全部俾晒B君,正式可以落實D水喉走位電位…
十一月尾即係前日,搭搭下巴士,無啦啦係度講返…D人話太陽能好好喎!!!!!!!上進忍唔住話...D人即係邊D人呀!!!哦...原來又係朋友公司同網上面D人囉(佢地都轉得好快喎!!!),又話皇朝呢個牌子係全中國全世界最好,又話奧朗係大陸係好差既牌子,又話唔明點解咁差係香港反而有得買,皇朝咁好係香港無得買.跟住仲加句:係大陸買電器係唔收安裝費,係香港都唔知點解要收…咁呢個我都真係唔知點解…唔同部門做掛??
越聽越唔對路,佢地想做咩…仲乜係咁sell皇朝,仲講到話可以運落嚟香港,又話咩大陸既安裝師傅可以唔收錢嚟裝,俾返車費就得(借此機會講講:根據我有限既法律知識,香港入境條例係講明任何以旅客身份入境人士,不得在港工作,無論paid or unpaid都係唔可以,唔好以為講聲佢係親戚朋友就以為可以落嚟幫你看舖裝修湊小朋友,都係個句:無事就無事,有人告狀就好大件事…刑事嚟!所以…我其中一個原因完全無諗過返大陸做廚櫃,係因為度尺既人係大陸師傅,佢地咁樣落嚟度尺…其實係BOC(即違反逗留條件),作為基督徒,明知犯法無理再去做,所以我完全無諗過喇!)
而其實皇朝既太陽能都要成$16700人民幣!!!吓!!!?我個部澳洲做都係$18500港幣,佢地仲未計運費…越聽越唔對路,即使同佢地滅火,始終香港無代理,佢電壓唔同香港,機電工程署都唔知有無Check過.
最終好唔明佢無啦啦做乜咁hard sell呢部野??
噚日…終於明點解!B君又再嚟巡場,佢兩公婆係所有野已進入最後程序,水喉電制預好晒位後話轉返用太陽能!!救命…唔該做任何決定前,可唔可以考慮清楚呢??你地咁唔單止影響自己,仲影響埋人地!!
B君話為左方便安排工作,如果上進同P弟能夠用同一牌子既太陽能就最好,我絕對唔會容許轉用皇朝.我唔想間屋無啦啦燒左都唔知咩事,熱水爐始終係用電量勁既電器,雖然係太陽能,但萬一連續幾日落雨/陰天唔夠輻射,係可以好似普通熱水爐咁用電煲水),你話D燈飾大陸買都還可以,但係熱水爐太危險…NO WAY!
上進同P弟傾過…最終結果佢地都1st choice係皇朝,原因…不明,就算知道價錢貴過solar hart都無怨無悔表現出佢地愛國之情,一心一意追隨皇朝呢部機.原因…除左愛國,我真係諗唔到(???)
都係個句,你有你選擇自由,我地既suggestion都俾左,聽唔聽…你地都成年人啦!自己決定.
門鎖
一早已經預定門鎖要自己另外再揀再買,要買隻勁D,等佢可以好好咁做好保衞家園既工作!
噚日小嘉離遠一望,點解個大門已經裝左門鎖…咁都算…點解連門匙都插埋入去“fing fing”吓咁??呢家間屋係地盆嚟,每日都二十幾人出出入入,咁樣插條匙係度…學廣告話法:我唔偷都對唔住自己老細啦!!!有無搞錯!!!!!
於是走去同壞人J話第日想換鎖,咁佢都話應該換D靚D,電腦匙,咁佢就去望望我可以買D咩大細同款式…點知…
點解會咁架!!!!!個門框原來係超幼…我初初都唔知…原來對門係有好大塊玻璃!!!!度一度…個門鎖只有2.5cm濶!!!?長度就只有21.5cm長!!!?細心一睇…連框嚟既門鎖竟然係膠…係咪傻架!!!!!!
點算點算…壞人J都話要問問先知…我唔理呀!!我一定要換鎖架!!!!
最煩係…發現前花園有一隻門都係咁…換唔換到架????
小嘉心裡立刻運算…如果真係換唔到…唯有等A小姐佢地影完相,比賽完成,我就成對大門換左去…換返白色實木門,咁就用咩鎖都得…然後再加返個電鎖,咁就可以用video door phone,而前花園門…無辦法既辦法就係…可能遲D搵人燒個鎖位…直情用鎖頭“塌”住佢,安全第一嘛!
呼~~~
一輪嘴發洩完內心既氣憤,舒服晒!!感謝主^^
知道越近尾聲就會有越多大小問題出現,願天父保守小嘉有耐心和忍耐去面對,我知道凡事天父都有其美好安排與帶領,感恩天父給我一個好好的空間去將壓力釋放…謝謝天父爸爸^^
不經不覺,原來我們家由起屋到呢家已經過左245日喇!!!
真係好漫長...噚日B君同上進講,口氣都幾肯定,話十二月中可以交屋...
真的希望是這樣啦!
首先看看這星期的進度...
基本上...可以看到的改動不太大,只見冷氣喉都開始安裝,玻璃都基本裝上了,
最令人興奮算是師傅JJ入場喇!而家開始做二樓的假天花...
呢個都係全屋焦點之一...超期待呢!!!
很多窗框送左嚟!!!
看清楚...相信是趟門來的....其實玻璃一塊塊看時好似好清...實質佢地帶少少綠色的!
師傅原來係用三個圓形既東東吸住塊玻璃,然後抬嚟抬去架!
玻璃拎到要安裝既位置,都要度一度係咪真係fit架!
好搞笑...似唔似成頭蛇那個魔女既頭髮....其實佢地係冷氣既喉嚟!!!
呼~二樓sample toilet既廁所櫃終於整好個高度,而雲石都已經放左上去試位喇!
超靚!
最令人感到超開心...木工開始做喇!!!木工入得場...咁就係裝修倒數階段啦!!!
係天花已經用木條圍左個框喇!!!
小嘉房門前已經整左個天花...不過...整完後行過時,真係覺得天花矮左...
不過靚仔就OK啦!而且係走廊又唔係廳,無所謂XD
真材實料...係用大芯板架!!!
三樓天台...停滯不前,只係做好防水...壞人J話今個星期會谷D師傅做好晒D廁所喎~
唔怪得B君都鬧佢啦!!無錯,呢家勁多師傅開工,但係衰在唔係壞人J既師傅,全部都係其他工程,好怕佢拖慢囉!
天台做左防水...不過鑽左窿既地方試水後,有滲水情況,B君叫左壞人J要拆左再做,點知個衰人噚日同我講又第二套,話就咁倒厚D防水就OK!
你真係當我傻咩...防水膠好極,如果真係有一條隙,入左水,咁我個天花就唔使要喇!!點都要佢地拆左重做...唔該你做野有D良心啦!
珍妮回香港了!!所以...Bili Bala回了珍妮處,不過發現Bili身上的癬多了很多,又或是本來就很多,但現在開始發出來,差不多整個背都是,看了很心痛!!
不過當時貓卻毫無知覺,玩得超開心超傻,而且牠好像不太覺得痕癢,希望慢慢的會康復啦!!Bili要加油呀!!!!
而另外,小嘉湊的這星期都是用Applaws的幼貓給牠們吃,所以小嘉都先訂了24罐,否則...珍妮肯定會給其他牌子的!!因為其他牌子都會有味精調味,Bili Bala本來的皮膚已不太好,怕這些太咸的食物會有影響,所以向珍妮嚴正聲明不要亂給罐頭Bili Bala吃!!!
不過暫時很好哦!!我每次開罐頭給Bili Bala牠們都吃得津津有味,我以為真的很好味,所以都讓doldol larlar啦!怎料...可能真的沒味精的關係,doldol larlar完全不吃哦!!看來...牠們的味覺已被縱壞>.<
而且珍妮蒸了一些魚,淡淡的味道,珍妮說Bili Bala吃得超起勁,不用一會兒全清掉,但doldol larlar吃也不吃,嫌太淡...所以...小嘉要令Bili Bala繼續吃清淡的食物,要健健康康的啦!!!
Bala好可愛...不過同時....
叫聲拆天...叫聲慘烈到好似發生咩事咁:P
Bili好難影...黑色一團...隱約見到小眼睛...因為皮膚問題未解決...樣子醜醜的!!
不過....我一樣咁鍾意^^
原來applaws係泰國造~
D罐頭仲貴過人食個D... 要成$12/can呀!!!
食左要乖乖,快D康復,健健康康呀!!!
哎呀!!!點算呀!!!有無敵超多既事情要做,但假期就無敵超級勁唔夠...
要做的事情:
1. 約A小姐/約唔到A小姐...都要去買窗簾布喇!!!(希望聽日成行)
2. 仲有偏廳燈,地下客房燈,二樓maid room燈,二樓客房燈,三樓樓梯燈,三樓廁所門前走廊位燈,書房燈,三樓地燈,座頭燈...要買呀!!!
3. 仲有電視,洗衣機,吸塵機,電水煲咪買...要訂喇!!!!
4. 要去Francfranc同GOD買電視櫃同茶几!!!
5. 要再去紅綠燈幫上進家姐,P弟女兒房買燈+找尾數+約送貨日期!!!
6. 要約Joe(鋼琴老師)去栢斯個倉揀琴+安排栢斯師傅睇位上唔上到樓/吊上三樓+安排送貨日期!!!
7. 要安排富士皇送貨日期!!!
8. 要去tasteliving拎返個超靚櫃!!!
9. 要等Panasonic安排送貨,有:雪櫃,電磁爐,浴室寶,Plasma,微波爈,三部分體式冷暖機,要度日期收貨!!!
10. Simple Living已經造好D傢俬喇,有:餐枱,六張餐椅,Sofa, Stool, Single Sofa,要夾裝修時間安排送貨!!!
11. 蓆夢斯要送貨喇!!!應該上唔到樓,要安排吊雞車!!!
12. 要諗廚房點安排D掛籃...然後要預早訂貨,等D師傅裝埋上去!!!
13. 超級無敵勁多立雜野要安排時間買...
而同時仲要成日睇住個裝修,個衰人壞人J睇少眼都唔掂,起碼要及時發玩有錯誤去糾正,唔係佢就會毁屍滅蹟架!!!
裝修已經夠忙,起屋就更加係忙到甩肺,不過.......係一個學習既機會!!
願天父保守小嘉,有足夠的時間體力精神聰明智慧耐心...尤其是愛心去面對這些挑戰,願榮耀頌讚都歸給我們獨一的三一真神.阿們.
