My Lovely Home ... 小嘉儲物櫃@taste living ... 03.11.2010

噚晚係紅綠燈度買完燈,就順道去隔離既taste living度睇下D好田園feel既傢俬.

小嘉原先係呢間舖既website睇中左一張L形連書櫃既書枱.

不過都要成$3690...要hoiling最近又發現一間係荃灣,

價錢合理而quality又好似唔錯既傢俬店,所以小嘉都心思思,諗住去荃灣個間望望.

但噚日一場嚟到,點都要入去仔細望望啦!

嘩!!一入到去,D傢俬好靚呀!可惜...我們家不走田園feel...

係小嘉間房可以放 一兩 件...入面D傢俬真係好正,而店員姐姐問我想搵D咩傢俱...

小嘉同上進傾過後,我又唔係點用書枱,所以決定搵一D靚靚櫃,

用嚟放我寶貝手工藝既東東喇!

Sales姐姐好好人,拎左幾本書俾我地睇,完全任由我地自己傾,

望到現場有個玄關櫃,都好靚,不過係白色得嚟有D粉紅色...

上進都好欣賞呢個櫃.但係...

一問個價錢,嘩!都要成$4670喎!仲要係未計安裝費...計埋要成$5000,

out晒小嘉budget...

於是再望一望,咦!!!有個櫃都幾靚

(其實小嘉一早發現,不過初初同上進講,佢又無咩反應咁!),一睇...

原來係今個月既陳列特價品,如果新貨要$3990,但係陳列呢件就只係$2890咋!!!

個sales姐姐都好好,佢話呢件貨其實係好完整,

無瑕玼(因為另一件有瑕玼,佢都話我地知!),而D quality真係好好,

佢係樺木實木做...只係D櫃桶/層板位係用返E1板,成個櫃殼都係實木...

上進試過想稱都稱唔起.

呢個櫃計落真係好抵,因為陳列品,所以已經安裝好...

所以連安裝費都慳埋,而sales姐姐仲話佢可以幫我地call車送貨...

都係百零蚊...咁我地俾多少少要人搬埋上車落車就OK喇!!!

於是,難得上進咁爽快,我地即刻俾錢買左喇!!!超期待佢送嚟小嘉房既日子^^

呢個就係小嘉訂左既櫃...好靚靚靚呀!!!!

 

上面可以放D靚靚手工藝完成品...呢part其實可以拆出嚟再掛係牆...不過要好小心咁掛!

 

呢個係下部份...應該都夠空間俾小嘉放野掛??

另外,小嘉仲想係間房放張茶几...不過...都唔知買邊款...

英式...實木...quality係好好,不過要成$2299 ... 唔捨得呀!

 

地中海既茶几...都要成$1499架!不過website度講明地中海款式既手工較粗,所以最好去舖頭到望過先!

 

韓式田園...呢個plain plain地,都幾靚...不過一樣過千...要$1599.

不過呢家唔急住...星期日會再去屯門睇二手傢俬...唔知會唔會有又靚又平呢??