My Lovely Home の Day 223 (07 Nov 2010)

星期日再返去,窗框已經開始塞入去個窗度喇!!!

師傅們只是暫時度好位,用木攝實個窗框,唔知遲D係點鑲死呢??

樣品廁所既浴屏已經安裝好喇!!!

不過有條邊撬起左...師傅話可以整返平,同埋遲D會唧膠,咁就無問題.

浴屏既門都未可以閂到貼埋,不過師傅話可以較返緊既!

地下已經鋪好晒磚喇!!不過好污糟>.<...要等裝好馬桶先鋪保護物料!

登登登登...可以見到廁所櫃都裝好喇!!!

唔係好夠光,遲D再影返靚D先!!!鏡的兩邊會有T5光管,但而家未裝亦未有電

有無發現有咩問題呢??

近睇....就係個水龍頭太高喇!!所以個鏡櫃唔可以開....但因為個洗手盤較高,所以都係要較高身既水龍頭....結果....暫時可能個櫃改低...原先吊高四吋變兩吋...嗚~~好似無咁靚你喇!!其實....可唔可以個櫃改細D...咁咪唔使吊返低個櫃囉???

地下廁所都砌好feature wall喇!!!辛苦左師傅一日半時間呀!!!

而feature wall旁既磚都鋪左D喇!!!聽單師傅講,呢幅牆真係砌死佢地,如果外面d客要砌,就咁一幅都收佢地幾千蚊,因為逐件計都好多件,而且工夫多好多...不過呢個鋪磚師傅「四哥」手工真係唔錯...二樓廁所掃天灰色掃口粉,好靚架!!!