昨天放工後,跟上進到了駱克道的曼佳美專門店,看看不同型號的LED射燈有什麼分別,價錢又大約是多少,還有,一直都忙了要看看燈殼,所以一次看清楚.
去到先看了不用adapter的LED PAR16款式.
但一看...價錢真的蠻嚇人,一個7w的(相等石英燈35w),要$688大洋!!!
當我們慢慢看時,有個店員sam很nice的過來給意見,小嘉先問問不同既燈腳有什麼分別呢??
原來,多數light tough用的都是GU10這種腳的,因為較短可以藏在燈槽內,而E14(即是鏍絲腳)就可能用係D大射燈等等啦!
小嘉再問問燈殼既問題,於是sam就帶我們看看,其實燈殼就有方形或圓形,佢都話其實慳電膽射燈都很好,跟LED燈的分別就是燈光較散,不過...小嘉還是覺得LED的聚光漂亮一點^^
之後他給了我們一個價錢是慳電膽射燈+燈殼的,另外再在旁邊寫上轉LED的價錢,原來LED PAR16 7w (LR0407-35H35D)這個連燈殼要$728.
但sam都有介紹另外一個型號,都是PAR16的,如果是5w連燈殼就$438,而7w的就$518.
其實點解三個價錢會差咁多呢?原來$728那款beam angle是35∘,所以燈光出嚟會聚焦點,而$518都是7w那套就只有15∘,所以會好集中,可能是用來放在一些飾櫃for展示物品的.
我地去到一間房,裡面做天幾條燈槽,可以俾我地睇到個效果...見到$438 5w(LR0705-WFL)這個效果也不錯,因beam angel都有40∘,不過好像不太光,sam話其實這些射燈主要是射落牆身做一些燈光效果,如果開了T5光管,都可能會遮左佢地既光.
不過...小嘉噚日都只是睇清楚唔同型號,因為我們買的時候,還是到元朗的燈舖,因為之前問過,價錢應該比專門店賣平很多,之前問可以有八折(不過很久前囉~希望之後問都有啦!!)
地下那個燈槽,應該用5w(LR0705-WFL)都可以,而corridor去到燈舖看看價錢和再比較先,因為5w好像不夠光,但7w又好貴.
而三樓因為只打算裝兩盞射燈,分別係電視上面同鋼琴上面,因為鋼琴會用佢嚟睇琴譜,所以都會用7w,反而電視真係裝飾用,所以5w都OK!
不過,感恩因為GU10燈腳,而它們直徑全都一樣,所以...將來要轉唔同款或watt數都無問題啦!不過點都要快D決定,因為要係呢一兩個星期內買定D燈,俾師傅開洞同安裝喇!!!
這個就是$728的LED燈...其實點解小嘉堅持要買曼佳美都唔買奧的亮(無記錯名掛??)
因為街上基本所有LED燈,都是有三粒小小的LED做成一個射燈,但曼佳美不是這樣的,
看到射燈是分成兩半嗎?在這個分隔的東東底部,兩邊各自有一塊發光的物體,
我總覺得這個發光物體的光較那三粒燈亮和聚焦的!
這個是$438及$518價錢的型號...其實外型跟$728是沒分別的!
這個是原先打算用的MR16的4wLED射燈.
不過...小嘉總覺得有個adapter在燈槽內,很像有點危險啦!
始終少一點接駁,就好像多一點安全啦!
沒有留言:
張貼留言