My Lovely Home ... 廚櫃/Corian ... 04.11.2010

係上星期六,我們約了A小姐和師傅JJ看看實地,好待師傅JJ報價.

而當時小嘉問過,如果佢做埋廚櫃,會大約幾錢.

當時師傅JJ都未答實個價錢,而傾談中知道,

原來訂造廚房要由鋪好磚後才度尺,才可以造...那麼十二月尾都未必有廚櫃!!?

於是,我們就打算open kitchen位置唔鋪牆磚,由廚櫃遮蓋,

而廚櫃不能遮蓋的地方,就會用強化玻璃.而感恩係,

原來A小姐一直都搵唔到心目中最mature既灰色牆磚for open kitchen,

所以退而求其次打血揀白色拋光磚.

但係如果真係轉用強化玻璃,我地可以揀任何顏色,

而A小姐心目中既淺灰色都可以做到出嚟,而且玻璃又易打理...

雖然價錢會貴D,但係扣返D牆磚錢,其實應該都唔會差太遠掛!?

另一方面,小嘉亦問左師傅JJ如果用Corian會幾錢.師傅JJ話普通款就$868一尺,

但係佢無discount,又唔知包唔包Corian既星盆.

而美櫥就一樣係$868十隻基本色,但係有9折,包一個單星盆,

如果轉雙星盆要加$2000蚊

因為同A小姐睇過,如果枱面唔做前擋水,做直角再加厚,會靚同型好多...咁個價錢會點呢?

A.     美廚

如果同佢地訂造廚櫃,Corian苿莉款連雙星盆+加厚前裙...差不多要萬七!!!

B.     師傅JJ

係未知包唔包星盆既情況下再加當佢加厚前裙收$100,都要$16,xxx.

但係...我地想一次過一個unit去做晒成屋裝修,唔想煩幾間公司點夾...點算呢??

哈哈!!醒目既小嘉突然記起,其實Corian既枱面,就算係師傅JJ做廚櫃,

都一樣係Corian既公司度尺同安裝,而係網上面亦睇過,

直接係D石材公司訂的話,會平好多.

於是,小嘉今日lunch time去左駱克道既永明雲石公司度問問喇!!

去到個職員都一樣話普通十隻色要$868一尺,

不過小嘉同佢再深入查詢,佢就話如果枱面over8尺,就可以$630/尺喇!!

佢地係唔包星盆既,前裙加厚原先要收$100/尺.

但係個sales哥哥同小嘉講,其實如果我唔係做足個枱面2尺深,

可以接上補下.不過小嘉同佢講,我係做足兩尺深喎...

咁呢個sales哥哥細細聲同我講,如果係唔差得遠...加厚個度可以free俾我!!!

嘩!!咁都可以慳到成千七蚊喎!!!

計下先:

B.      永明雲石

普通Corian苿莉連雙星盆+加厚前裙...都係$14,xxx咋!!!

就咁比已經差左美廚$2,000喇!!!!

但係小嘉心思思,好想要個隻雲石紋...

美廚的話,好似一樣有9折(唔太記得)..當住佢加厚前裙都係$100...

要差不多$19,000...如果我記錯,係俾左折都$990一尺的話...嘩!!要成二萬呀!!!

但係永明雲石呢...差唔多$17,000啦!!!

所以...如無意外,小嘉會係永明度訂Corian的,最緊要呢間公司係Corian總代理既指定分銷之一,所以應該無問題.

呢個就係basic十隻款裡面既苿莉喇!!清清地...幾靚架!!

 

呢個就係做左出嚟...好型好靚既雲石紋....好想要呀!!!

 

呢幅圖好唔清楚....將就下...呢個就係大約我地想做既邊位...上下都係90度...唔需要D前擋水,花紋...就是簡單直角就最perfect喇!!!

 

 

雙星盆...跟同事(家裡有小朋友...日日要煮飯個D啦!!)討論後...係可以選擇下,呢個星盆係最good喇!!因為大個邊夠位可以放隻鑊落去.另一款兩個星盆同樣大細...我地度過會唔夠位放鑊...所以...無意外的話...揀呢隻!!!!