救命呀!!!!係咪要激死我呀!!!!!!!!
噚日上進先到廚櫃 公司和B 君壞人J一同商討廚櫃事宜(下篇講),
跟住佢地就一齊返我們家看看進度,上星期六B君要壞人J完成既事項,
大部份完成,但係油漆仲未可以入場(=.=),而星期五/六師傅JJ可以進場做野喇!!!
唔知會唔會做燈槽先呢??
但噚日有個壞消息......超級無敵勁衰人既壞人J又做錯野喇!!!!!!!!
之前佢已經係我地三樓天花開錯窿,
由於我地A/C既喉都要由天台落去每一層既冷氣位,
但又唔想D雪種喉同去水喉見光,所以無可避免地要係D牆及天花開窿,
將D喉由屋內走然後再做pipe duct遮住...
三樓主人房既冷氣會掛係衣櫃度,所以最初既設計係衣櫃上面既天花要開窿,
俾條A/C喉走,但係...衰人壞人J已開錯左,
竟然係我地個床位置開窿...小嘉已經勁唔高興,
大佬,始終係天台位開窿,仲要開錯,咁即係要補返啦!!咁補唔好...好滲水,第日好煩煩煩呀!!!
好啦!!咁佢要開過,A小姐上星期再現場睇位後,將呢個窿位改入D,
可以俾條喉由廁所位入,咁就可以容易D走位,
我地好清楚記得,B君捉實壞人J去到天台,講到清清楚楚要係邊個位開窿,
佢個衰人.........又開錯喇!!!!!
小嘉嬲都爆喇!!!!!!咁樣搞法,我成個天台穿晒窿,
想唔滲水都唔得啦!!佢點做野架,好似無樣野做得好,
仲話接到咩民航處工程,要幫佢地起大樓...唉....咁做法,我真係懷疑佢地搞唔搞得掂囉!!!
我地好強烈咁 向B 君反應不滿,咁B君都鬧到壞人J傻左,
而B君都話補得返,一定唔會滲水...但點都好,
心裡面都會有條刺,成日覺得呢個位係weak point.好灰呀!!!!!!!!
上進仲講,壞人J仲有其他野做錯,好似廁所電線要改位,
一早同佢話要改,佢又唔記得,鋪晒磚,好啦!!D磚又要拆返出嚟,
再改過...B君又係鬧爆佢,話D磚已經蝕緊錢,呢家要補磚,佢自己俾返錢!
哎!呢個衰人仲夠膽死話A小姐佢地成日改位,先會咁!!!
佢咁講仲好,俾B君鬧到一面都係...B君同佢逐個計,
數返出嚟A小姐要求改既大約五個電制位,
但係因為壞人J自己做錯計錯諗錯設計錯而要改既電制位,
係咁易數都有成十幾個,佢呢D咪就係面就人地俾,架就自己丟囉!!
做錯野做以為自己係受害者!!!好可惡呀!!!!!
呢家收到既好消息...就係壞人J話今日開始鋪地台喎...
聽住先啦!佢成日都講大話,信住佢一半先啦!
沒有留言:
張貼留言