My Lovely Home ... 二樓toilet砌磚喇!!!

終於...終於二樓樣品廁所鋪磚喇!!!!!!!!

原先訂係上星期頭鋪的...不過判頭好有性格,維持一貫作風...講既同做既係兩回事>.<

星期六返去,見到師傅努力砌緊feature wall,判頭同師傅同聲大嘆玩死,因為...

D磚要做pattern,對到佢地傻下傻下.

唔...呢個項目唔關我地事,事關小嘉同上進都講,我地都唔知自己個廁所係點,

D設計,D磚,D顏色,D馬桶...總之所有野都唔係我地揀.

不過好得意,原來磁磚王會出左D圖俾師傅跟住砌,所以都OK啦!!!

但係星期六,剛好砌完幅feature wall,係黃昏美麗太陽既照射下...

小嘉同上進同宇媽都見到D磚鋪到凹凹凸凸咁,

於是星期日,上進又問壞人J同B君,但係佢地兩個二口同聲話其實砌得唔錯.

當然,做砌磚既判頭都知我地有呢個疑惑,判頭話因為D磚無可能塊塊都平...

一定係有輕微彎曲,所以無可能做到波平如鏡一樣的牆身.

判頭後尾仲拎塊磚俾我地睇,事實又真係有好輕微既彎曲,而呢D都係正常,除非...

訂意大利磚/外國磚,咁情況就會好好好好多,但價錢當然亦貴貴貴貴好多啦!!!

不過,感恩,隔離屋的叔父經過,帶我地入佢間屋再望望,

佢間屋砌磚師傅係新界好出名砌得靚,小嘉望落去,

係喎!又真係點都有少少不平,而呢個叔父都話我地D磚都砌得唔錯,

再加上未批grout落D邊度,鋪返會好好多.

於是,我地知道正常係咁就OK喇!

而同時,小嘉都擔心會有空心磚既出現,咁B君有個工具話可以借我地用,

佢係一支棍有一個圓球(好似指揮棒的),專用嚟check有無空心情況.

而B君都話佢會每一塊都敲敲(呢個我信佢...外牆佢都已經用呢支棒由頭掃到落腳喇!!!),

如果有問題,佢會叫人起返再鋪!

而試水方面,小嘉以為一倒好防水個層就試...

但係B君話無咁快,砌埋磚先...咁如果到時真係滲水...咪又要拆磚再整??

不過都好,咁樣試可以肯定連D磚同牆之間都唔會有滲水機會!

唔同樓既廁所磚samples...仲有幾塊無影....不過P弟屋企多款D>.<

 

面既唔知咩膠...下面係靚靚日本馬賽克...B君送俾我地,要成$8X一尺...

不過我地只係鋪鏡櫃同洗手盤之間的位置!

 

係咁樣既顏色...唔知砌完變成點呢???

 

cut磚機器!

 

最初初砌時...一時粗一時幼...不過其實D磚係送嚟時已經cut好size喇!!!

 

因為已經黃昏,而廁所又細...好辛苦先影到少少pattern,不過大致係咁啦!!!

 

幅feature wall砌好喇!!做埋其他牆就等A小姐驗收!

 

開始砌其他牆...係白白地色既牆~~~~(有條紅線,係水平儀嚟!!!)