My Lovely Home の Day 225 ... 有無搞錯!!無做防水!!?

這個星期很忙哦!!!星期一回了家,所以到新屋看看...樣品廁所連馬桶都裝好了!

去看看地下的廁所,已經鋪磚鋪得差不多,點知到夜一點時,突然醒起...

地下的防水做成怎樣呢??因看到時都鋪好磚,

於是上進打電話問單師傅...呀!!!!!!!!!!!!!!!!!!!!!!!!!!

真係激死人呀!果然...果然裝修呢行既人,只要有任何機會,只要有位...

佢地就偷工減料!!!一個係咁,兩個又係咁(對裝修師傅...真的不能再相信>.<),

佢竟然話地下咩防水都無做!!!話地下係唔使做防水.

有無搞錯呀!!即刻打俾B君,佢都話正常要做,不過...

我地個石屎做得好,應該都唔怕既!!但問題係...換著係你屋企,咁你做唔做哎!!!!!

呢個咁既衰人,呢家唔睇緊佢都唔得啦!!!鋪左又無辦法,叫佢拆...

又唔知要遲幾耐...唯有磚牆個D一定要做返防水,石屎個D...

唉...都無法...感恩係個石屎囊真係做得靚,唔係俾呢D無品德既人害死!!

我地嚴正詞明講明,三樓全個廁所要做晒防水,仲要全部做到上天花...

你慳左係地下,就係三樓補返俾我...還掂地下個企缸裝飾多果真係用,

三樓就真係日日用,咁就做晒咁多面牆啦!!!哈!!上進嚟緊放假到22號,

就等佢日日睇住你地做成點!!

哼!不過...佢地都唔見得好寫意...事 關B 君睇完個二樓樣板廁所,

有D唔滿意(其實我覺得都OK,不過有人嚴格要求...最好啦!!!),

B君覺得塊雲石太大,而個櫃吊得個100mm唔夠

(之前仲諗住因為個水龍頭問題,要再吊落D添!!!),

所以,個櫃既上半部(即係洗手盤位置),要cut短,雲石亦要再cut...

發現浴屏有D歪,要再執.總之要做到盡善盡美.

星期一看到的馬桶已裝...不過...星期二因為要再執返好個廁所...所以又拆走左lu~~~