之前講過,因為F君會搵佢D職員,係深圳sort out好D燈款,等我地上去揀時都唔怕太浪費時間,實在如果要上進搵幾日假期咁上去揀燈,慳埋都未必多過佢既人工.
但我地要concern既其他緊要問題,分別係電壓同埋運輸方面,電壓就一定要去到問D舖先清楚,同埋我地嚟緊都可以問下個裝修判頭既意見(話唔定佢肯幫我地整呢~~),但運輸就真係好麻煩喇!
前幾日問個嘉爸,其實如果有人幫忙報關,要運落嚟都唔難,因為估計D燈店都自己有相熟既報關公司,同佢地聯絡下就無問題…但係嘉爸忍唔住問,乜D舖頭唔送貨咩??小嘉於是話過佢知,係網上面見過好多人,D燈運落嚟後都爛晒,好慘,嘉爸好天真咁話,咁叫返間舖負責未得…未就係間舖唔負責先咁煩囉!!!!!!!於是嘉爸…哦左一聲,明白喇!
但係 一兩 日後,嘉爸無啦啦打俾我,佢話…其實…係自己搵公司定係燈舖運落嚟都無咩分別..我聽到好奇怪,問佢點解…嘉爸話,原來D燈爛應該唔關D舖事,都唔關運輸事,因為佢咁橋親眼見到,有一架就係運燈既車由深圳運落香港,而勤力既公安們就查車,佢地每一箱都打開嚟睇,咁都算喇!原來有D箱擺得高,佢地明知人地個D係燈,都一腳踩落去,再望拆上面D箱,嘉爸話…咁樣D燈想唔爛都難啦!
吓???!咁樣真係好唔得喎,點知會唔會就係俾勤力既公安揀中去查架!踩爛晒,真係喊都無謂…
係煩惱仲要唔要上去買時,我地都諗過幾個方案…
1) 自己拉落嚟,因為自從用多左射燈,其實要買既燈少左好多,主要有一盞廳燈,一盞飯廳燈,一盞小嘉房既田園燈,一盞樓梯燈同一盞書房燈…而其他房既燈,可以留返係香港買,因為超普通款既天花燈,其實係香港買到係一百幾十,上進仲話如果次拉唔到,就分兩次…D燈放住係F君度
但係咁…事情未又返去起點…上進先生又要返多幾轉深圳(雖則都要返幾次架喇!因為仲要揀幾樣價俬=.=)
2) 小嘉突然個腦閃一閃個畫面…唔…之前返工(未結婚時),每朝都見幾架順豐既車穿梭,咦!!!其實快遞既運又唔貴,而且又係貨到付款,我估佢地某程度都會確保D貨物完好掛?
同上進商量完,暫時都覺方案二係一個幾好既方法,但要confirm佢係係好似人地DHL個D咁,會確保D貨品安全,如果唔係…應該買五盞燈…咁就搵買珍妮,yarei,豬咪同阿四,邊個得閒就班齊人,一齊上去拉啦!!哈哈哈哈!!!!!!!!
沒有留言:
張貼留言