My Lovely Home の Day 154 ... 繼續@Quickstep

係21/8那天去到quickstep confirm所有要用既地板型號,而我們家樓梯因可以鋪$45一尺的款式,所以就再等一次報價,看看會否平D.

後尾quickstep回覆,個價錢…照舊係$1000一級!!!?吓!上一次問時,我地揀既地板係$80一尺,連料包安裝係$1000一級,今次用$45一樣係$1000一級??咁再問返佢如果用$85一尺…咁就變左係$1200.原來佢地個價係師傅定…咁個師傅鍾意點定都得啦!

而且如果係佢地師傅安裝,仲要無八折添…其實搵佢地師傅鋪,只係多一年既安裝保養.

所以小嘉同上進都諗住俾返B君佢地D工人鋪,因為計過數,如果quickstep鋪,只少要$27000,不過佢地就會係成級樓梯鋪晒,連埋側邊既牆腳線(其實我覺得有條牆腳線無咁靚),而A小姐原來打算只係鋪腳踏位置,而要唔要牆腳線就唔知(不過睇佢俾D相,應該就唔用喇!),其實只係訂木地板就OK,牆腳線都慳埋,如果咁計,其實淨料$5000都唔使呀!!!!

不過A小姐擔心如果B君佢地安裝個保養會唔同,不過quickstep安裝只係一年,而材料本身係有25年保養,所以無問題…我地亦問過quickstep,佢都好nice話萬一我地自己既師傅到做個時先發現鋪唔到,佢地可以再搵師傅報價,執返D手尾…不過,我諗其實D師傅都OK既!

所以,點 計都係B 君鋪好,就算驚鋪錯重鋪,我由頭買多次double既材料,我都唔使一萬蚊…實在差得遠喇~

歡迎歡迎:

voicexml