原來今日不知不覺,我們家已經進入第130日喇(不過實際有開工既日子係89日=.=),呢家進度都唔係太多…
首先,前日上進打返屋企問問,L小姐因為要陪妹妹返第一日既幼兒園,所以請假了兩天假,而前日D師傅見到L小姐,就同佢講話嚟緊既進度會快好多,遲些少D材料都會送入去喇!
我估…D師傅以為成日睇住個場係L小姐,所以都急急咁同佢講.不過直到噚日,都仲係只得一個泥水師傅係度做,都仲係只係做緊個牆角既批蕩…唔該,做左成兩個星期喇!於是噚晚上進打俾壞人J,想問返清楚佢打算點整返好D洞洞同埋點解咁少泥水工人,不過…個電話無人聽,所以上進今日要再打過>.<
另外,噚日宇媽同隔屋傾開,話D洞洞就咁用英泥封好有問題,點知…呢位鄰舍佢幾個月前搞掂既新屋,原來D洞洞都係就咁用英泥封好…我聽到都唔知開心唔開心好…因為,原來真係仲有人間屋係用呢個做法,但係…佢地間屋擺明quality係一般,我同佢一樣,咁咪變埋好一般囉!!!
所以一定要壞人J快D講返點解決呀!!!!
最後,我一直以嚟,都話覺得T師傅係好OK,嘉爸同上進都咁認為,只有宇爸成日話人地做野唔得,又話人地偷工減料(實際上係無…人地仲自發咁做多左野),好啦!經過呢兩星期對住新呢班師傅,噚日終於承認事實咁講返:呢個師傅一D”搭烚”都無,都唔知阿T咁…
呢家終於知道人地好喇!之前仲話第日花園都係佢做,驚做到唔知點,呢家就發現人地原來做得好好…唉!不過呢個發現都唔知開唔開心好…因為係呢家做得唔好先覺得之前好咋>.<
你是第 隻貓腳呀!voicexml
有時太多錯漏......到最後嬲都變做唔嬲......因為佢地話問題唔大.....都唔會更改......有人話 e d 係 建築界的陋病..........
回覆刪除[版主回覆08/21/2010 21:09:00]呢家暫時都OK,見到有錯漏so far佢地都會改(當然我地要堅持啦!) 不過我地都估道遲D會多D錯漏,都預左D師傅唔會咩都做到最好,不過呢家可以執正幾多得幾多啦!