噚日放左工,同上進一齊去左llumar其中一間認可既分銷店,間舖係駱克道,所以放工行過去都好方便,沿途見到有牆紙舖都會望望,其實最多既反而係skylight,價錢真係由平到貴都有,而人工就另計…基本上,成條街人工都係$20-25/ft2.不過,可能我地無心又或者窗簾公司生意主力都唔係隔熱膜,所以我地係到望下揭下D樣版時都無咩人理…
行左兩條街口,終於到左llumar其中一間認可分銷商喇!(不過真係…成條街都唔太覺有llumar既太陽膜喎??!),入到間舖,就見到佢地有D板,佢地D板仲要係貼左落玻璃度,感覺好似好D咁,不過始終玻璃樣版都唔係齊晒所有款,所以都再望望係紙度既樣版喇!
首先都係見到有好多skylight既太陽膜,有CP同SR系列,問返個Sales哥哥有咩分別,佢又好有趣咁話其實無咩分別(???),佢話只係一個series係新D,咁做出嚟既太陽膜清D咁囉!
再問問skylight同llumar既分別,佢話llumar當然係會靚D,佢地膜的quality同厚度等都會比較好.望下skylight同llumar既人工包料價錢,其實又唔係差好遠,所以小嘉同上進都集中火力睇llumar喇!
因為我地都係想要D visible light transmittance(VLT)高D而total solar energy rejected(TSER)又可以高D既…不過…當然無咩可能啦!要清D,隔熱能力一定無咁高…個店員哥哥聽我地講左陣,都拎左隻llumar PP70俾我地睇,佢話呢隻都好多人揀...佢既VLT都有70%而TSER就有38%, so far so good啦!如果隔熱真係要去到50%以上,佢地個VLT就一定會低D lu~
呢隻PP70如果只買料就$88一直呎(好似係五呎濶…無問清楚!),咁個價錢唔係最貴又唔係最平咁啦!!不過如果人工包料,就要$45/ ft2喇!嘩!!咁計返人工都要成$27.4/ft2喎!不過問左,佢係真係實計幾多呎既,我地唔使負責消耗既價錢…咁都好D…因為如果真係貼…我諗條樓梯都有好多位要消耗.
不過,因為佢地人工係普通D窗既貼法,我們家因為天窗同一大條樓梯…所以店員哥哥都話要等佢地問返個廠報價先知要幾錢(嗚嗚…破產喇!!!)
其實如果唔係有天窗又有條難搞既樓梯,都未必要搵佢地貼,搵佢地貼係因為佢地會有D特別既方法貼,可以保障D邊位唔會捲起(店員哥哥話呢個係普通人貼時會成日出現既問題),而且,如果佢地貼,貼錯左佢地自己出料左貼啦!但係我地貼錯…就真係要再買料喇!!算啦!摶唔過…不過真係人工仲貴過D料呀>.<
當我地再望望時,咦??係喎…我地其中一個想睇既係safe & security series喎!於是即刻打開望望…可惜,佢咩資料都無(我諗少人用掛??),連樣版都無呀!!只係知道都係$45/ft2,同顏色係Clear.
店裡面有超多sample...店員哥哥由得我地攞左兩張^^
PP70 ... 唔知我們家會唔會貼呢??
今日有幾多隻貓腳呢??答案係:
ivr
沒有留言:
張貼留言