今日下午,就左時間,係返教會前先去屋仔度望望個進度,其實最主要係望下D牆搞成點...
太陽實在太強,又唔想係元朗人多車多時去千色等車(其實最main point係好大機會無位),所以寧願辛苦D係屋企行10分鐘左右去西鐵站....去到剛好走左班車,等...
長長的站...車車...你快D嚟啦!!!
唔...仲有三分鐘先有車>.<
搭一個站落車轉專線...簡直可惡,等左超耐,點知...勁塞車...不過感恩係總站等車,一來有瓦遮頭,二來實有位...架車去到千色真係唔夠位,我次次都唔想同人鬥爭,所以如果係千色...實無位坐.終於用左一個鐘多d返到屋仔度喇,抖左一陣就入屋喇!
今日多左好多工人開工,不過我們家就只有一個師傅,因為有大約五六個師傅係定完我們家的門框後,就去了P弟家定位和砌磚牆,…仍然係個位師傅…就係用英泥封左D洞洞既師傅.於是小嘉拎住部相機周圍周圍望吓,我們家所有門框都已經做左喇!!原來係砌磚牆前,係要先定左個門框…
呢個係地下廁所既門框位...原來廁所係出個條柱...之前仲成日諗個廁所點解咁細??!
呢度係地下客房(其實係預留俾宇爸宇媽的...台灣叫..孝親房...個名超得意呀!!!!)
二樓...最左手邊有條木條...呢個係趟門的木框...原來工人房做趟門...我都唔知添~而前面就係無露台房既門喇!!!
呢度比較亂...唔....最前前的是有露台房的門框,係左手邊係廁所...最前係無露台房既門...都係今日去到現場睇...先知呢度有條小走廊添~
小嘉一路睇一路影,已經發現地下那些被英泥封了的洞洞還”健在”,在係二樓既工人房發現D洞洞都用英泥封埋!!!!!小嘉個刻超嬲,唔通壞人J咁衰,博登成間屋用晒英泥封D洞洞,越睇越唔對路,即刻上埋三樓…唔…三樓就一個洞都仲未封,即刻影返幅相先,怕第日佢又用英泥封左,我都有相知道佢係之後都做錯.
呢D就係激死人既英泥喇!!!一見到佢就唔開胃>.<
工人房成幅牆都封左呀!!!!我個刻真係有衝動想自己郁手整走晒佢地!!!!
三樓仲未整....影定相....如果再係用英泥...咁就擺明係專登既!!!
但係小嘉都仲係覺唔對路,而宇媽呢個時候都一樣係間屋仔度,而個批蕩師傅就係屋外做緊野,小嘉從宇媽口中得知係呢個師傅封D洞洞,所以小嘉直接問師傅,嚟緊D洞洞係咪會用D膠做.個師傅都話係會用膠...咁小嘉打蛇隨棍上,問師傅之前補左D洞洞點,個師傅話會整走晒佢再唧個膠,個師傅仲話星期一開始會有多D人嚟做野,所以都會星期一先會用電鑽整走D英泥…呼~個心即刻定返晒!當然,小嘉都要安撫下個師傅,話我地都估無人話佢知用膠,個師傅都話無人同佢講過,小嘉梗係即刻同佢講辛苦晒啦,要做多重工夫云云啦!!!
不過講真,今日接觸過一班師傅,so far都覺得佢地幾好傾,好似無咩問題咁…相信今次呢件意外,真係壞人J有問題啦!點都好,小嘉同上進都係會睇緊D,嚟緊幾個月…辛苦少少啦!!!
P.S.頭先上進問宇媽,咦~~~原來我們家三樓的洞洞都封左一大部份喇!!!今次就真係用膠喇!!個師傅仲話,如果一早知用膠,快好多呀!!佢話佢做一陣就已經可以封到好多啦!!!聽日返去再影下D update相先!!!
你是第
沒有留言:
張貼留言